Breaking News
  • భారత్ దేశంలో 6 లక్షలు దాటినా కరోనా పాజిటివ్ కేసులు. గడిచిన ఐదు రోజుల్లోనే లక్ష కేసులు నమోదు. జూన్ నెలలో 4 లక్షల కేసులు,12 వేలకు పైగా మరణాలు. దేశవ్యాప్తంగా ఆరు లక్షలు దాటిన కరోనా కేసులు,18 వేలకు చేరువలో మరణాలు. గడిచిన 24 గంటల్లో అత్యధికంగా 19,148 కేసులు, 434మంది మృతి. దేశవ్యాప్తంగా 6,04,641 కేసులు,17,834 మంది మృతి. దేశ వ్యాప్తంగా 2,26,947 యాక్టీవ్ కేసులు, 3,59,860 మంది డిశ్చార్జ్. కేంద్ర ఆరోగ్య మంత్రిత్వ శాఖ.
  • విజయవాడ: కోవిడ్ ఆసుపత్రి నుంచి వసంతరావు అనే వృద్దుడు అదృశ్యం. వారం అయినా ఆచూకీ లభించక పోవడంతో ఆందోళనలో కుటుంబ సభ్యులు. కేసు నమోదు చేసి విచారిస్తున్న పోలీసులు. ఆసుపత్రి సిబ్బంది నిర్లక్ష్యం వల్లే వసంతరావు అదృశ్యం అయ్యాడంటున్న కుటుంబ సభ్యులు.
  • అమరావతి: హైకోర్టు ను ఆశ్రయించిన మాజీ మంత్రి అచ్చెన్నాయుడు. తనని హాస్పిటల్ కి తరలించేలా ఆదేశాలు ఇవ్వాలంటూ హైకోర్టు లో లంచ్ మోషన్ పిటిషన్ దాఖలు పిటిషన్ ను విచారణకు స్వీకరించిన ఉన్నత న్యాయస్థానం. రేపు విచారించనున్న న్యాయస్థానం.
  • యూపీ ఢిల్లీ హర్యానా ముఖ్యమంత్రులతో వీడియో కాన్ఫరెన్స్ సమావేశం నిర్వహించనున్న కేంద్ర హోం శాఖ మంత్రి అమిత్ షా. కరోనా మహమ్మారిపై సమీక్ష.
  • మేడ్చల్ జిల్లాల ఇస్మాయిల్ ఖాన్ గూడా లో దారుణం. పోచారం మున్సిపాలిటీ పరిధిలోని ఇస్మాయిల్ ఖాన్ గూడ విహారి హోమ్స్ లో అధ్య అనే ఆరేళ్ళ బాలికను అత్యంత కిరాతకంగా గొంతు కోసి హత్య చేసిన కరుణాకర్ అనే వ్యక్తి.
  • గుంటూరు జిల్లా: నరసరావుపేట రూరల్ పోలీస్ స్టేషన్ లో ముప్పాళ్ల si జగదీష్ మోసం చేశాడని మహిళ పిర్యాదు. నాకు ఎలాంటి సంబంధం లేదన్న si జగదీష్. మొదటి భర్తతో విడాకులు తీసుకున్న సింధు. ఎస్సై జగదష్ తో పరిచయం. పెళ్ళి చేసుకుంటానని ఎస్సై మోసం చేశాడని ఆరోపిస్తున్న సింధు. సింధు ఫిర్యాదుపై విచారణ చేపట్టిన పోలీసులు.
  • అమరావతి: రేపు ఢిల్లీకి వెళ్లనున్న వైసిపి ఎంపీలు. స్పీకర్ ను కలిసి రఘురామ కృష్ణంరాజు పై అనర్హత పిటిషన్ ఇచ్చే అవకాశం . రఘురామ కృష్ణంరాజు పై సీరియస్ గా వ్యవహరించాలని నిర్ణయించిన వైసిపి.

పొంచి ఉన్న ముప్పు.. ట్రంపూ ! అభిశంసన తప్పదా ?

donald trump impeachment.. will he be fired ?, పొంచి ఉన్న ముప్పు.. ట్రంపూ ! అభిశంసన  తప్పదా ?

అమెరికా అధ్యక్షుడు డొనాల్డ్ ట్రంప్ కు ముప్పు ముంచుకొస్తోంది. తనకు తిరుగులేదని విర్ర వీగుతున్న ఈ ‘ పెద్దన్న ‘ కు షాక్ ఇచ్ఛే పనిలో పడ్డారు డెమొక్రాట్లు.. ఆయనపై వచ్చిన ఆరోపణల నేపథ్యంలో ఓ తీర్మానాన్ని ఆమోదించి అభిశంసించేందుకు రంగం సిధ్ధమైంది. ప్రతినిధుల సభ (హౌస్ ఆఫ్ రిప్రజెంటేటివ్స్) లో ఈ అభిశంసన తీర్మానం నెగ్గడానికి సాధారణ మెజారిటీ ఉంటేచాలు.. ఆయనపై వఛ్చిన అభియోగాలను విచారించేందుకు ఓ కమిటీ కూడా ఏర్పాటయింది. ఆయన ‘ ఇంపీచ్ మెంట్ ‘ కు అనువుగా డెమొక్రాట్లు తీర్మానాన్ని ఆమోదించడం ద్వారా ‘ ప్రాసెస్ ‘ మొదలుపెట్టారు. పైగా లాంఛనంగా విచారణ కూడా ప్రారంభమైంది. అయితే సెనేట్ లో విచారణ జరిగిన తరువాతే ట్రంప్ ను అధ్యక్ష పదవి నుంచి తొలగించడానికి వీలుంది. ప్రస్తుతానికి సింపుల్ గా అభిశంసించినంత మాత్రాన.. పదవి నుంచి ఆయనను తొలగించే పరిస్థితి లేనప్పటికీ.. ‘ ముప్పు ‘ మాత్రం సమీపంలో పొంచి ఉంది. గతంలో బిల్ క్లింటన్ తో బాటు.. 19 వ శతాబ్దంలో నాటి అధ్యక్షుడు ఏండ్రు జాన్సన్ పై కూడా అభిశంసన తీర్మానాలను ప్రతిపాదించారు.
ప్రతినిధుల సభలో డెమొక్రాట్లదే మెజారిటీ.. ఈ హౌస్ లో మొత్తం 435 మంది సభ్యులుండగా.. 235 మంది డెమొక్రాట్లే. రిపబ్లికన్ అయిన ట్రంప్ మీద వీరంతా ఇంపీచ్ మెంట్ ప్రాసెస్ ప్రారంభించారు. ఈ మేరకు స్పీకర్ నాన్సీ పెలోసీ ప్రకటన చేశారు. అయితే ఇది ‘ చెత్త ప్రతీకారమని ‘, ‘ వ్యర్థ ప్రయోగమని ‘ ట్రంప్ ‘ గారు ‘ కొట్టిపారేశారు.
అసలు ఈయన అభిశంసనకు దారి తీసిన కారణాలేమిటని అనుకుంటే.. తాను మళ్ళీ అధ్యక్ష పదవికి ఎన్నికయ్యేందుకు సహకరించవలసిందిగా ట్రంప్ గత జులై 25 న ఉక్రెయిన్ అధ్యక్షుడు వ్లోదోమిర్ జెలెన్ స్కీ కి ఫోన్ చేసిన విషయం బయటపడడంతో అసలు కథ మొదలైంది. జెలెన్స్కీ నుంచి ఈయన ఫేవర్స్ కోరాడని ఆరోపిస్తూ ఓ అజ్ఞాత వ్యక్తి ఈ కాల్ విషయాన్ని బహిర్గతం చేశాడట. అమెరికా అధ్యక్ష పదవికి వచ్ఛే నవంబరులో ఎన్నికలు జరగనున్నాయి. ఆ ఎన్నికల్లో డెమొక్రటిక్ పార్టీ అభ్యర్థిగా పోటీ చేస్తున్న జో బిడెన్ పైన, ఆయన కుమారుడు హంటర్ పైనా వఛ్చిన అవినీతి ఆరోపణలపైనా విచారణ జరిపించాల్సిందిగా ట్రంప్ సారు ఉక్రెయిన్ ప్రెసిడెంటును కోరాడట. ఆ ఎన్నికల్లో జో బిడెనే తనకు సరైన గట్టి ప్రత్యర్థి అని ఈయన భావిస్తుండడమే ఇందుకు కారణం. ఉక్రెయిన్ లో ఈ తండ్రీ కొడుకులిద్దరికీ వ్యాపార బిజినెస్ లు ఉన్నాయి. అమెరికా బయట మరో దేశంలో వీరిపై వఛ్చిన అవినీతి ఆరోపణలపై విచారణ జరిగినా అది ట్రంప్ విజయావకాశాలకే దోహదపడుతుంది. అందుకే ట్రంప్ ఈ ‘ ఎత్తు ‘ వేసినట్టు తెలుస్తోంది.
ఏమైనా అజ్ఞాత వ్యక్తి ఇఛ్చిన ఫిర్యాదును పరిగణనలోకి తీసుకున్న డెమొక్రాట్లు దాన్ని ట్రంప్ అభిశంసనకు వినియోగించుకుంటున్నారు.

కాగా-ట్రంప్ అభిశంసన విషయం ట్రయల్ దశకు వచ్చేసరికి దాన్ని యుఎస్ లోని సుప్రీంకోర్టు చీఫ్ జస్టిస్ నేతృత్వంలోని బెంచ్ విచారించాల్సి ఉంటుంది. అందులో సెనేటర్లు జ్యురీ సభ్యులుగా ఉంటారు. సెనేట్ లో 100 మంది సభ్యులకు గాను 53 మంది రిపబ్లికన్లే ఉన్నారు. విచారణ ముగింపులో సెనేట్ లో మూడింట రెండు వంతులమంది ట్రంప్ దోషి అని తేల్చితే అప్పుడు ఆయన పదవి నుంచి దిగిపోవాల్సి వస్తుంది. అయితే ఇంపీచ్ మెంట్ దశలో అమెరికా అధ్యక్షుడెవరూ పదవీచ్యుతుడు కాలేదు. వాటర్ గేట్ కుంభకోణం సమయంలో రిచర్డ్ నిక్సన్ ఈ ముప్పును ఎదుర్కొన్నా ముందే జాగ్రత్త పడి రాజీనామా చేసేశారు. ఏతావాతా ప్రస్తుతానికి ట్రంపులవారికి వచ్ఛే నష్టమేమీ లేకున్నా అమెరికా పార్లమెంటు చరిత్రలో ఆయన అభిశంసన విషయం ‘ పుటల్లోకి ‘ ఎక్కనుండడమే విశేషం.

Related Tags