Breaking News
  • రైతు వేదికల ప్రారంభానికి ముహూర్తం ఖరారు. జనగామ జిల్లా కొడకండ్ల మండల కేంద్రంలో ఈ నెల 31న మద్యాహ్నం 12.30 గంటలకు ప్రారంభించనున్న ముఖ్యమంత్రి కె.చంద్రశేఖర్ రావు. రైతు వేదిక సమీపంలోని పల్లె ప్రకృతి వనాన్ని సందర్శించనున్న సిఎం. రైతులు, ప్రజలను ఉద్దేశించి మాట్లాడనున్న ముఖ్యమంత్రి. ప్రభుత్వం రైతు వేదికల నిర్మాణాన్ని చేపట్టిన ఉద్దేశాన్ని, రైతు వేదికల ఆవశ్యకతను, వాటి ద్వారా జరిగే కార్యకలాపాలను వివరించనున్న ముఖ్యమంత్రి. ఉమ్మడి వరంగల్ జిల్లాకు చెందిన రైతుబంధు జిల్లా, మండల, గ్రామ కమిటీలను ఈ సమావేశానికి ఆహ్వానం. పాల్గొననున్న వ్యవసాయ శాఖ మంత్రి ఎస్.నిరంజన్ రెడ్డి, ఉమ్మడి వరంగల్ జిల్లాకు చెందిన మంత్రులు ఎర్రబెల్లి దయాకర్ రావు, సత్యవతి రాథోడ్, రైతుబంధు రాష్ట్ర అధ్యక్షుడు పల్లా రాజేశ్వర్ రెడ్డి, ఉమ్మడి వరంగల్ జిల్లాకు చెందిన ఎంపిలు, ఎమ్మెల్యేలు, ఎమ్మెల్సీలు.
  • విశాఖ గ్యాస్ లీకేజీ ఘటనపై సుప్రీంకోర్టులో విచారణ. ఎల్జీ పాలిమర్స్ దాఖలు చేసిన పిటిషన్ ను విచారించిన జస్టిస్ యూయూ లలిత్ ధర్మాసనం. ఎల్జీ పాలిమర్స్ తరపున వాదనలు వినిపించిన సీనియర్ న్యాయవాది ముకుల్ రోహత్గి. ఎన్జీటీ లో కేసు విచారణ నవంబర్ 3న ఉందని కోర్టుకు తెలిపిన ముకుల్ రోహత్గి. ఎన్జీటీలో కమిటీ నివేదికపై పది రోజుల్లో అభ్యంతరాలను సమర్పించాలన్న సుప్రీంకోర్టు. సుప్రీం కోర్టు తదుపరి ఆదేశాల వరకు కేసు ఎన్జీటీలో విచారణను వాయిదా వేయాలని సూచించిన సుప్రీంకోర్టు. తదుపరి విచారణ నవంబర్ 16 వాయిదా.
  • శాసన మండలి : ఎమ్మెల్సీ గా ప్రమాణస్వీకారం కల్వకుంట్ల కవిత. శాసన మండలి చైర్మన్ కార్యాలయంలో ప్రమాణస్వీకారం చేసిన కవిత. హాజరయిన మండలి చైర్మన్ గుత్తా సుఖేందర్ రెడ్డి, మంత్రులు ప్రశాంత్ రెడ్డి,సత్యవతి రాథోడ్,ఎమ్మెల్యేలు, ఎమ్మెల్సీ లు. ఎమ్మెల్సీ ఎన్నికల్లో ఓటు వేసిన స్థానిక సంస్థల ప్రతినిధులతో కవిత మర్యాదపూర్వక భేటీ.
  • చెన్నై: నటుడు రజినీకాంత్ ఆరోగ్యం ఫై, పార్టీ ఫై వస్తున్న ప్రచారాలపై ప్రకటన విడుదల చేసిన రజినీకాంత్ . నా ఆరోగ్యం ఫై సోషల్ మీడియా లో జరుగుతున్న వివాదం లో నిజం లేదు. నేను డాక్టర్లను కలిసిన మాట నిజమే . నా ప్రస్తుత ఆరోగ్యం ఫై వారి సలహాలు , సూచనలు తీసుకున్నాను . ఇప్పుడు రాజకీయాలు వద్దని , నా ఆరోగ్యం నిలకడగా ఉండాలంటే రాజకీయాలకు దూరంగా ఉండాలని వైద్యులు సూచించారని వస్తున్న వార్తలపై త్వరలోనే వివరణ ఇస్తాను. నేను పార్టీ పెట్టడం ఫై , నా రాజకీయ ఆలోచనల గురించి నా అభిమానులకు నేను పూర్తి వివరాలు త్వరలో వెల్లడిస్తాను.
  • అమరావతి: విశాఖ గీతం యూనివర్సిటీ అక్రమ కట్టడాల కూల్చివేతపై అప్పీల్ కు వెళ్లిన గీతం యాజమాన్యం. దీనిపై హైకోర్టులో దాఖలైన పిటీషన్ విచారించిన హైకోర్టు. వచ్చే సోమవారం రెగ్యులర్ కోర్టులో విచారణకి వాయిదా వేసిన న్యాయస్థానం. అప్పటి వరకు మధ్యంతర ఉత్తర్వులు కొనసాగుతాయన్న హైకోర్టు.
  • బిగ్ బాస్‌ హోస్ట్ చేయటంపై సమంత కామెంట్‌. నాగార్జున కోరితేనే షో చేశానంటూ సోషల్ మీడియాలో పోస్ట్ చేసిన సామ్‌. 'గతంలో ఒక్క బిగ్‌ బాస్‌ ఎపిసోడ్ కూడా చూడలేదు. యాంకరింగ్ చేసిన అనుభవం కూడా లేదు. తెలుగు సరిగా మాట్లాడగలనో లేదో. అందుకే మామగారు బిగ్‌ బాస్‌ హోస్ట్ చేయమన్నప్పుడు భయపడ్డాను. అవన్నీ పక్కన పెట్టి నన్ను నమ్మి నాకు ఈ బాధ్యత అప్పగించినందుకు థ్యాంక్యూ మామ. ఎపిసోడ్ టెలికాస్ట్ తరువాత నాకు అందుతున్న ప్రేమకు మీ అందరికీ కూడా థ్యాంక్స్‌'.
  • టిఎస్ ఎంసెట్లో 45 శాతం మార్కుల నిబంధన తొలగిస్తూ రాష్ట్ర ప్రభుత్వం ఉత్తర్వులు. TSEAMCET-2020 లో అర్హత సాధించిన విద్యార్థులను TS EAMCET (అడ్మిషన్స్) -2020 కౌన్సెలింగ్ కు హాజరుకావడానికి అనుమతి. 10 + 2 ఉత్తీర్ణత సాధించిన విద్యార్థులకు TS EAMCET-2020 లో అడ్డంకిగా మారిన 45 శాతం మార్కుల నిబంధన. ఈ నిబంధన 2020- 21 విద్యా సంవత్సరానికి మాత్రమే వర్తింపు. భవిష్యత్తులో 2021-22 సంవత్సరానికి ఈ నిబంధన వర్తించదు. శ్రీమతి చిత్రా రామచంద్రన్, స్పెషల్ చీఫ్ సెక్రటరీ, ఎడ్యుకేషన్.

మళ్ళీ తెరమీదికి దొనకొండ.. కేపిటల్ కాదు గానీ..

అమరావతిని రాజధానిగా ఎంపిక చేయడంతో దొనకొండ క్రమంగా తెరమరుగైంది. అయితే తాజాగా మరోసారి దొనకొండ తెరమీదికి వచ్చింది. అయితే ఈసారి రాజధానిగా కాదు.. ప్రభుత్వం తీసుకుంటున్న కొన్ని చర్యలు స్థానికుల్లో కొత్త ఆశల్ని రేపుతున్నాయి.

Donakonda again on to the screen, మళ్ళీ తెరమీదికి దొనకొండ.. కేపిటల్ కాదు గానీ..

Donakonda again on to the screen: దొనకొండ.. ఏపీకి కేపిటల్ ప్రాంతం కాబోయి కొద్దిలో మిస్సయిన ప్రాంతమిది. ప్రకాశం జిల్లాలో విస్తారంగా అటవీ, ప్రభుత్వ భూములు గల ఈ ప్రాంతంలో ఏపీకి రాజధాని నిర్మించాలన్న ప్రతిపాదన చాలా కాలంపాటే కొనసాగింది. అయితే, చంద్రబాబు ముఖ్యమంత్రి కావడం… అమరావతిని రాజధానిగా ఎంపిక చేయడంతో దొనకొండ క్రమంగా తెరమరుగైంది. దొనకొండ రాజధాని అవుతుందన్న నమ్మకంతో అక్కడ భారీగా ఎత్తున భూములు కొన్న వారు తొలుత డీలా పడినా.. ఆ తర్వాత ఎంతో కొంతకు అమ్ముకుని బయటపడ్డారు. అయితే తాజాగా మరోసారి దొనకొండ తెరమీదికి వచ్చింది. అయితే ఈసారి రాజధానిగా కాదు..

ప్రకాశంజిల్లా దొనకొండపై ప్రభుత్వం ప్రత్యేక దృష్టి సారించింది. నేవీ, డిఫెన్స్, సోలార్‌ ప్రాజెక్టుల ఏర్పాటుకు కసరత్తు చేస్తోంది. ఇందువల్లే దొనకొండ పేరు మళ్లీ తెరపైకి వచ్చింది. గత ప్రభుత్వ హయాంలోనే పారిశ్రామిక కారిడార్‌ ఏర్పాటుకు చర్యలు చేపట్టడంతో వార్తల్లో నిలిచి తదుపరి చర్యల్లో పురోగతి లేకపోవడంతో మరుగునపడింది. ప్రస్తుతం నేవీ, డిఫెన్స్‌ కేంద్రాల ఏర్పాటు, సోలార్‌ ప్రాజెక్టుకు వైసీపీ ప్రభుత్వం చర్యలు చేపడుతుండటంతో ఈ సారైనా అభివృద్ధికి పూర్తిస్థాయి అడుగులు పడతాయని ఇక్కడి ప్రజలు ఆశాభావం వ్యక్తం చేస్తున్నారు.

దొనకొండ పరిసర ప్రాంతాల్లో 50 వేల ఎకరాల ప్రభుత్వ, అసైన్డ్‌ భూములు అందుబాటులో ఉండటంతో వైసీపీ ప్రభుత్వం ఇక్కడ జాతీయస్థాయి పరిశ్రమలు నెలకొల్పేందుకు గ్రీన్‌ సిగ్నల్‌ ఇచ్చింది. డిఫెన్స్‌ క్లస్టర్‌, అలాగే సోలార్‌ పవర్‌ ప్లాంట్‌లను ఏర్పాటు చేసేందుకు సుముఖత వ్యక్తం చేయడంతో మళ్ళీ దొనకొండకు మహర్దశ పట్టే అవకాశాలు కనిపిస్తున్నాయి. దీంతో ప్రకాశంజిల్లా వాసులు హర్షం వ్యక్తం చేస్తున్నారు. తాజాగా దొనకొండ కేంద్రంగా డిఫన్స్ క్లస్టర్‌ను కూడా ఏర్పాటు చేసేందుకు ప్రభుత్వం కసరత్తు ప్రారంభించింది.

రైతులకు ఉచిత విద్యుత్‌ అందించేందుకు ప్రకాశం జిల్లా దొనకొండలో వెయ్యి మెగా వాట్ల సోలార్‌ విద్యుత్‌ ప్లాంట్‌ ఏర్పాటుకు రాష్ట్ర ప్రభుత్వం రంగం సిద్ధం చేసింది. రెవెన్యూ సిబ్బంది సుమారు 5 వేల ఎకరాల భూమిని సర్వేచేసి నివేదిక తయారుచేశారు. మండలంలోని రుద్రసముద్రం, భూమనపల్లి, మంగినపూడి ప్రాంతాల్లోని పలు సర్వే నంబర్లకు సంబంధించిన భూమిని గుర్తించారు. 4 వేల కోట్లతో ఈ ప్రాజెక్టు ఏడాదిలోనే పూర్తి చేసి మరో ఏడాది నాటికి విద్యుదుత్పత్తి చేయనున్నట్టు సమాచారం. ఈ ప్రాజెక్టు పూర్తయితే 10 వేల మందికి ప్రత్యక్షంగా, పరోక్షంగా ఉద్యోగాలు లభిస్తాయి.

ఏడాదిలో అభివృద్ధి పనులు చేపట్టి రెండేళ్లల్లో పూర్తిస్థాయిలో సోలార్‌ ప్లాంట్‌ ఏర్పాటుకు చర్యలు చేపడుతున్నారు. ప్రాజెక్టు పరిధిలో ప్రత్యక్షంగా, పరోక్షంగా దాదాపు 5 వేల నుంచి 10 వేల వరకు నిరుద్యోగ యువతీ, యువకులకు ఉపాధి అవకాశాలు అందనున్నాయి. రెవెన్యూ అధికారులు, ఏపీఐఐసీ అధికారులు అన్ని గ్రామాల్లోని భూములకు చెందిన మౌలిక సౌకర్యాలను మ్యాపుల ద్వారా నెడ్‌క్యాప్‌ ప్రతినిధులకు అవగాహన కల్పించారు. ఈ కార్యక్రమం లో ఆయా గ్రామాల పరిధిలోని వీఆర్వోలు, వీఆర్‌ఏలు ఉన్నారు. దీంతో దొనకొండలో పారిశ్రామిక కారిడార్‌ ఏర్పాటుకు ప్రభుత్వం చిత్తశుద్దితో పనిచేస్తుందన్న ఆశ స్థానికుల్లో వ్యక్తం అవుతోంది.

ఇప్పటికైనా రాష్ట్ర ప్రభుత్వం దొనకొండను అభివృద్ది పధంలో నడిపించి వెనుకబడిన ప్రకాశంజిల్లాకు న్యాయం చేసేందుకు ముందుకు రావడం మంచి పరిణామమని అంటున్నారు. అయితే దొనకొండలో సోలార్‌ పవర్‌ ప్రాజెక్టుకు అనుసంధానంగా పరిశ్రమలు రావాల్సిన అవసరం ఉందని ప్రజా సంఘాల నేతలు కోరుతున్నారు. అందుకు అనుగుణంగా పరిశ్రమలకు నీటి సౌకర్యం కల్పించాలని, అందుకు అవసరమైన చర్యలు ప్రభుత్వం తీసుకుంటే దొనకొండ ప్రాంతం పూర్తిగా అభివృద్ది చెందే అవకాశం ఉంటుందని చెబుతున్నారు.

మరోవైపు గత ప్రభుత్వాలు చేసిన నిర్లక్ష్యం, తాత్సారం కారణంగా తాజాగా రాష్ట ప్రభుత్వం చేపడుతున్న పనుల పట్ల కొన్ని ప్రజా సంఘాల నేతలు అనుమానాలు వ్యక్తం చేస్తున్నారు. గత ప్రభుత్వాల మాదిరిగా కేవలం మాటలకే పరిమితం కాకుండా చేతల్లో ఆచరణ అమలు చేస్తే మంచిదేనంటున్నారు. దొనకొండలో వేల ఎకరాల ప్రభుత్వ భూములు ఉన్నాయని, వాటిని సద్వినియోగం చేసుకోవాలని పలువురు కోరుతున్నారు.

Also read: ఎయిర్‌పోర్టులో భారీగా డ్రగ్స్ లభ్యం

Also read: తెలంగాణవ్యాప్తంగా రెడ్ అలర్ట్

Also read: తీరం దాటింది.. అయినా ఉత్తరాంధ్రకు ముప్పే!

Also read: రాజధాని రైతులపై చంద్రబాబు ప్రశంసల జల్లు

Also read: చంద్రబాబుకు నోటీసిచ్చిన తహసీల్దార్

Also read: ప్రభుత్వంపై కోర్టుకెక్కిన సినీ నిర్మాత

Also read: ఏపీలో ఐపీఎస్ అధికారుల బదిలీలు

Related Tags