Breaking News
  • ఆంధ్రప్రదేశ్‌, తెలంగాణలలో అకాలవర్షం భయపెడుతోంది. కర్నూలు, మహబూబ్‌నగర్‌ పరిధిలోని నల్లమల అటవీ ప్రాంతాల్లో జోరుగా వానపడింది. ఇటు వికారాబాద్‌ జిల్లా పర్గితో పాటు రంగారెడ్డి జిల్లా శంషాబాద్‌లోనూ వర్షం కురిసింది. వేసవి కాలంలో పడుతున్న ఈ అకాలవర్షంతో జనం బెంబేలెత్తారు. మామూలుగా అయితే ఈ వర్షాలకు జనం సేదతీరేవారే! కానీ కరోనా కాలం కావడంతో వైరస్‌ వ్యాప్తి చెందుతున్న భయం వెంటాడుతోంది
  • లాక్‌డౌన్‌పై ప్రజలకు పూర్తి అవగాహన ఉండటంతో మంచి సహకారమే అందుతోందని చిత్తూరు జిల్లా ఎస్పీ సెంథిల్‌ కుమార్‌ తెలిపారు. అంతర్‌ రాష్ట్రాల మధ్య రాకపోకలను కట్టడి చేసేందుకు చెక్‌పోస్టులను ఏర్పాటుచేసి ప్రత్యేక నిఘా పెట్టామన్నారు. లాక్‌డౌన్‌ నిబంధనల ఉల్లంఘనకు సంబంధించి 5 వేల కేసులు నమోదుచేశామన్నారు.
  • ఆరోగ్యసేతు యాప్‌లో కరోనా వైరస్‌కు సంబంధించిన సమాచారంతోపాటు... వ్యాధి లక్షణాలు, దగ్గర్లో ఎక్కడెక్కడ హెల్త్‌ సెంటర్స్‌ ఉన్నాయన్న సమాచాం లభిస్తుంది. వీటితోపాటు మనం కరోనా పాజిటివ్‌ ఉన్న వ్యక్తి ప్రాంతానికి వెళ్తే అలర్ట్ వస్తుంది. అయితే కొన్నిచోట్ల ఈ యాప్‌ పనిచేయడం లేదు. దీంతో గందరగోళానికి పడిపోయిన వినియోగదారులు.
  • కరోనా భూతాన్ని తరిమికొట్టేందుకు కేంద్ర ప్రభుత్వం గట్టి చర్యలు తీసుకుంటోంది.. . ఇవాళ భేటి అయిన కేంద్ర కేబినెట్‌ ఇందుకు సంబంధించి కొన్ని కీలక నిర్ణయాలు తీసుకుంది. కరోనా మహమ్మారిపై యుద్ధం చేయడానికి నిధుల కొరత ఉండకూడదన్న ఉద్దేశంతో పార్లమెంట్‌ సభ్యుల వేతనాల్లో 30 శాతం కోత విధించారు.. ఏడాది పాటు కోత ఉంటుంది.
  • కరోనా వ్యాధి ప్రబలడం తర్వాత మనకు కేంద్ర ప్రభుత్వం నుంచి వచ్చిన సూచనలను, అంతర్జాతీయ స్థాయిలో పాటించబడిన పద్దతులను మనం అనుసరిస్తున్నామన్నారు తెలంగాణ ముఖ్యమంత్రి కేసీఆర్‌.

స్మార్ట్‌ఫోన్‌తో టాయిలెట్‌కి వెళ్తున్నారా? అయితే ఆ సమస్య కొనితెచ్చుకున్నట్టే..!

Do not carry the smartphone with you in the toilet it will be creating a very serious problem, స్మార్ట్‌ఫోన్‌తో టాయిలెట్‌కి వెళ్తున్నారా? అయితే ఆ సమస్య కొనితెచ్చుకున్నట్టే..!

స్మార్ట్ ఫోన్ అంటే మినీ కంప్యూటర్‌తో సమానం. ఇది కేవలం మాట్లాడుకోడంతో పాటు ఎన్నో పనులు చేసిపెడుతుంది. అంతగా మానవ జీవితంలో ఒక భాగమైపోయింది. అయితే స్మార్ట్‌ఫోన్‌తో ఎంతగా అనుబంధాన్ని ఏర్పరచుకున్నా కొంతమంది ఏకంగా టాయిలెట్‌లో కూడా ఉపయోగిస్తుంటారు. ఇలాంటి అలవాటు ఉన్న వారికి కొన్ని అనారోగ్య సమస్యలు వచ్చే అవకాశాలున్నట్టు వైద్య నిపుణులు హెచ్చరిస్తున్నారు. ముఖ్యంగా టాయిలెట్‌లో స్మార్ట్‌ఫోన్ ఉపయోగించడం వల్ల పైల్స్ సమస్య వచ్చే అవకాశాలున్నాయట. మామూలుగా స్మార్ట్‌ఫోన్ ఉపయోగించే వారికంటే మరుగుదొడ్డిలో ఉపయోగించేవారు ఎక్కువ సేపు అక్కడే గడిపడం అలవాటుగా ఉంటుందట. అందువల్ల ఇది మలద్వారం వద్ద ఉన్న సిరలపై ఒత్తిడిని పెంచుతుందని నిపుణులు అభిప్రాయపడుతున్నారు.

కొంతమంది ఈమెయిల్స్, సోషల్‌మీడియా పోస్టుల్ని టాయిలెట్‌లోకి వెళ్లి మరీ చేస్తుంటారు. వీరికి టైమ్ లేకపోవడమే అసలు కారణం. ఎక్కడా టైమ్ వేస్టే చేయకుండా సద్వినియోగం చేసుకుంటున్నాం అనే ఆలోచనతో అనారోగ్య సమస్యల్ని కొనితెచ్చుకుంటున్నారు. వీరు ఈ విధంగా ఉపయోగించడం వల్ల టాయిలెట్‌లో చేయాల్సిన పనులు సక్రమంగా చేయకపోగా, మల విసర్జన సమయంలో , మలద్వారం వద్ద పగుళ్లు ఏర్పడి రక్తస్రావం కలిగే అవకాశాలున్నాయంటున్నారు.

మీరు స్మార్ట్‌ఫోన్‌ను టాయిలెట్‌కు తీసుకువెళితే , అక్కడ ఎక్కువ సేపు కూర్చుని ఉంటారని, ఇలా చేయడం వల్ల శరీరం కిందభాగంలో అనవసరమైన అధిక ఒత్తిడిని కలిగిస్తుందని, ఇది హెమరాయిడ్స్‌కు కారణమవుతుందని వైద్యులు హెచ్చరిస్తున్నారు.

ఇలా తమ స్మార్ట్‌ఫోన్‌ను టాయిలెట్‌కు తీసుకువెళ్లే వారిపై నిర్వహించిన ఒక సర్వేలో బ్రిటన్‌కు చెందిన వారు దాదాపు 57 శాతం మంది ఇదేవిధమైన అలవాటు కలగి ఉన్నట్టుగా తేలింది. పైగా అందులో 8 శాతం మంది తమకు ఇది అలవాటుగా మారిందని కూడా చెప్పడం విశేషం. ఏది ఏమైనా ప్రకృతికి సంబంధించిన కార్యక్రమాలు పూర్తిచేసే సమయంలో ఈ విధంగా స్మార్ట్‌ఫోన్లను తీసుకెళ్లడం, పైగా గంటల తరబడి అందులో గడపడం మూలశంఖ వ్యాధికి కారణమవుతుందని వైద్యులు హెచ్చిరిస్తున్నారు.

Related Tags