Breaking News
  • తూర్పుగోదావరి: రైతు సదస్సులో జనసేన కార్యకర్తలపై పవన్ ఆగ్రహం. మీకు క్రమశిక్షణ లేదంటూ కార్యకర్తలపై పవన్ ఆగ్రహం. మీరు సరిగా లేకపోవడం వల్లే నేను ఓడిపోయానన్న పవన్
  • ఢిల్లీ అగ్నిప్రమాదంపై క్రైమ్‌ బ్రాంచ్‌ దర్యాప్తు. ఫ్యాక్టరీ యజమానిపై పలు సెక్షన్ల కింద కేసు నమోదు. పరారీలో ఫ్యాక్టరీ యజమాని. వారం రోజుల్లో విచరాణ పూర్తి చేయాలని ఆదేశాలు
  • అమరావతి: ఈ నెల 23 నుంచి కడప జిల్లాలో సీఎం జగన్‌ పర్యటన. మూడు రోజులపాటు పర్యటించనున్న వైఎస్‌ జగన్‌. జమ్మలమడుగు, పులివెందుల, కడప, మైదుకూరు, రాయచోటి అసెంబ్లీ నియోజకవర్గాల్లో పర్యటించనున్న జగన్‌
  • అనంతపురం: సాకే పవన్‌ చేసిన వ్యాఖ్యలకు జనసేన మద్దతు. సాకే వ్యాఖ్యలను సమర్థించిన అనంతపురం జనసేన నేతలు. రెడ్డి సంఘం నేతలపై జనసేన నేతల ఆగ్రహం
  • భవానీని కన్న తల్లిదండ్రులకు అప్పగించిన పోలీసులు. కన్న తల్లిదండ్రులకు ఎలాంటి డీఎన్‌ఏ అక్కర్లేదన్న పోలీసులు. కన్న తల్లిదండ్రుల దగ్గర అన్ని ఆధారాలున్నాయి. ఇరు కుటుంబాలు తమ అనుమానాలను మా దృష్టికి తీసుకొచ్చారు. వాళ్ల అనుమానాలను నివృత్తి చేశాం-పోలీసులు. భవానీ కన్న తల్లిదండ్రుల వద్దకు వెళ్లేందుకు అంగీకరించింది. ఇరువురు ఒప్పుకోవడంతో కన్నవారికే అప్పగించాం-పోలీసులు.
  • మాజీ ఎంపీ కవితకు మరో ప్రతిష్టాత్మక ఆహ్వానం. ఐఎస్‌బీలో ఇండియన్‌ డెమక్రసీ ఎట్‌ వర్క్‌ సదస్సుకు ఆహ్వానం. జనవరి 9, 10 తేదీలలో జరగనున్న సదస్సు. మనీ పవర్‌ ఇన్‌ పాలిటిక్స్‌ అంశంపై ప్రసంగించనున్న కవిత
  • తూ.గో:జనసేన రైతు సదస్సును ముట్టడించిన ఎమ్మార్పీఎస్‌. పవన్‌ రైతు సదస్సులోకి చొచ్చుకొచ్చిన ఎమ్మార్పీఎస్‌ కార్యకర్తలు. అడ్డుకున్న జన సైనికులు, ఇరువురి మధ్య తోపులాట. సమస్యలపై పవన్‌తో మాట్లాడాలంటూ వాగ్వాదం

వేలానికి హీరో విజయ్‌కాంత్ ఆస్తులు

Vijayakant, వేలానికి హీరో విజయ్‌కాంత్ ఆస్తులు

తమ బ్యాంకు నుంచి తీసుకున్న రుణాలు సక్రమంగా చెల్లించకపోవడంతో డీఎంకే అధ్యక్షుడు విజయ్‌కాంత్, ఆయన సతీమణి ప్రేమలత ఆస్తులను వేలం వేయనున్నట్లు ఇండియన్ ఓవర్సీస్ బ్యాంకు ప్రకటించింది. దీనికి సంబంధించిన ఈ-వేలం ప్రకటనను శుక్రవారం విడుదల చేసింది. జూలై 26న శ్రీ ఆండాళ్ అళగర్ కళాశాల, సాలిగ్రామంలోని నివాసాలను వేలం ద్వారా విక్రమయించనున్నట్లు అందులో తెలిపింది.

అయితే కాంచీపురం జిల్లా మామండూర్‌లో శ్రీ ఆండాళ్ అళగర్ కాలేజీ, చెన్నై సాలిగ్రామంలోని నివాసాల పేరిట ఇండియన్ ఓవర్సీస్ బ్యాంకు నుంచి సినీ నటుడు, డీఎండీకే అధ్యక్షుడు విజయ్ కాంత్ రుణం పొందారు. ఇందుకు ఆయనతో పాటు సతీమణి, డీఎండీకే కోశాధికారి ప్రేమలత ష్యూరిటీ ఇచ్చారు. అయితే ఆ రుణాన్ని ఆయన సరిగా చెల్లించడం లేదు. ఈ నేపథ్యంలో విజయ్ కాంత్ రూ.5,52,73,825 మేర రుణబాకీ ఉన్నారని.. దీనికి సంబంధించిన వడ్డీ, ఇతర బాకీలు సక్రమంగా చెల్లించకపోవడంతో వారి ఆస్తులను వేలం వేసినట్లు ఇండియన్ ఓవర్సీస్ బ్యాంకు ప్రకటించింది. కాగా ఈ వార్త తెలుసుకున్న ఆయన అభిమానులు దిగ్భ్రాంతికి గురయ్యారు.

మరోవైపు తమ ఆస్తులను కాపాడుకుంటామని విజయ్ కాంత్ సతీమణి ప్రేమలత తెలిపారు. 20ఏళ్లుగా నిర్వహిస్తున్న తమ కళాశాల అభివృద్ధి కోసం రుణం పొందామని.. అందులో రూ.కోట్ల మేరకు చెల్లించాల్సి ఉండగా గడువు కోరామని పేర్కొన్నారు. అయితే దీనికి బ్యాంకు అధికారులు నిరాకరించారని, అందుకే వేలం వేయడానికి చర్యలు చేప్టటారని తెలిపారు. విజయకాంత్ సినిమాల్లో నటించడం లేదని, కల్యాణమండపం కూడా కూల్చివేయడంతో చాలినమేరకు ఆదాయం లేదని ఆమె వివరించారు. కాలేజీలను కొనసాగిస్తామని, రుణ వ్యవహారాన్ని చట్టపరంగా ఎదుర్కొంటామని పేర్కొన్నారు. ఇదిలా ఉంటే కొద్దిరోజులుగా అనారోగ్యంతో బాధపడుతున్న విజయ్ కాంత్.. సినిమాలకు దూరంగా ఉంటూ ఇంట్లోనే విశ్రాంతి తీసుకుంటున్న విషయం తెలిసిందే.