Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

దిశ కేసు.. నిందితుల ఎన్ కౌంటర్ నిజమేనా ?

All 4 accused in Hyderabad veterinarian’s rape and murder case shot dead in police chase, దిశ కేసు.. నిందితుల ఎన్ కౌంటర్ నిజమేనా ?

దిశ కేసులో నలుగురు నిందితులను పోలీసులు ఎన్ కౌంటర్ చేయడం వాస్తవంగా జరిగిందేనా ? ఖాకీలు చెబుతున్నదాన్ని బట్టి చూస్తే వారి వాదనను చట్ట నిబంధనల ప్రకారం అంగీకరించడం కష్టసాధ్యమేనన్న అభిప్రాయాలు వినవస్తున్నాయి. ఒక వ్యాసకర్త విశ్లేషణ ప్రకారం.. నిందితుల శరీరాల కింది భాగాల్లో పోలీసులు కాల్పులు జరిపివుంటే వారు అక్కడికక్కడే మరణించి ఉండేవారు కాదన్నదే.. సీన్ ఆఫ్ అఫెన్స్ (స్పాట్) వద్దకు పోలీసులు ఈ నిందితులను తీసుకువెళ్లారు. కస్టడీలో ఉన్న వీరు పారిపోవడానికి యత్నిస్తూ పోలీసులపై దాడి చేశారు. . అయితే ఈ థియరీని నమ్మజాలమన్నది ఆయన అభిప్రాయం. జైలు నుంచో, లాకప్ నుంచో నిందితులను బయటకు తీసుకువఛ్చినప్పుడు వారి చేతులకు బేడీలు ఉంటాయి. అలాగే వారివెంట పోలీసు గార్డులు కూడా ఉంటారు. ఘోరమైన నేరం జరిగిన ప్రదేశానికి తగినన్ని ఆయుధాలు లేకుండా పోలీసులు వెళ్ళడానికి అవకాశం లేదు. నిందితుల వెంట ఎస్కార్టుగా ఎక్కువమంది సిబ్బందే ఉంటారు. నిందితుల దగ్గర ఎలాంటి ఆయుధాలు ఉండే ఛాన్స్ కూడా లేదు. ఇలాంటి పరిస్థితుల్లో వారు ఖాకీలపై దాడి చేసే అవకాశం కూడా లేదు.. ఒకవేళ వారు పారిపోవడానికి యత్నిస్తే.. ఎస్కార్టుగా ఉన్న పోలీసులు వారిపై గన్స్ తో కాల్పులు జరపవచ్చు. అయితే అది కూడా వారి శరీరాల కింది భాగాలపైనే.. అలా చేసిన పక్షంలో వారు గాయపడి కింద పడిపోతారు. అంతే తప్ప వారిని హతమార్చాలన్న ఉద్దేశం ఉండదు.
అసలు ఈ కేసులో ఈ నలుగురి శరీరాల కిందిభాగాలపై బుల్లెట్ గాయాలు ఉన్నాయా అన్న విషయం ఎవరికీ తెలియదు. నిజంగా ఆ చోట్ల గాయాలై ఉంటే అప్పటికప్పుడే వారు ఎలా చనిపోతారన్నది ప్రశ్న.. అలాంటపుడు ఇది ‘ జెన్యూన్ ‘ ఎన్ కౌంటర్ అన్న పోలీసుల వాదనను నమ్మజాలం..
ఏమైనా దిశ ఉదంతం యావత్ దేశాన్నీ కుదిపివేసింది. పార్లమెంటులో దీనిపై పెద్ద చర్చే జరిగింది. నిందితులను అందరి సమక్షంలో కొట్టి చంపాలనో , ఉరి తీయాలనో డిమాండ్లు వెల్లువెత్తాయి. కానీ బహిరంగంగా కొట్టిచంపడం (మూక దాడి అందామా?) చట్ట ప్రకారం అనుమతించదగినదే అయితే ఇది ‘ భారీ ఎత్తున ‘ అధికారాల దుర్వినియోగానికి దారి తీస్తుంది. ‘ రూల్ ఆఫ్ లా ‘ అథారిటీకే ‘ దెబ్బ ‘ వాటిల్లినట్టు లెక్క. క్రిమినల్ జస్టిస్ ఎంత నెమ్మదిగా సాగుతోందంటే కరడు గట్టిన నేరస్థులకు కూడా దశాబ్దాల తరబడి ఉరిశిక్షల వంటివి అమలు జరగడం లేదు. ఈ కారణంగా ఇలాంటి నేరగాళ్లకు చట్టమంటే భయం లేకుండా పోయింది. పైగా చట్టం మీద బాధితులు, సామాన్య జనాలు కూడా నమ్మకం కోల్పోయారు. ఈ దేశంలో దురదృష్టవశాత్తూ రాజ్యాంగంలోని 21 వ అధికరణాన్ని చిన్నచూపు చూస్తున్నారు. నిందితులను బెయిలుపై విడుదల చేస్తే వారు సాక్షులను బెదిరిస్తారట.. తాజా కేసులో మాజీ కేంద్ర మంత్రి చిదంబరం కేసు గురించి ఈ సందర్భంగా చెప్పుకోవచ్చు.. ఆయన పవర్ ఫుల్ లీడర్ గనుక సాక్షులను ప్రభావితం చేస్తాడని ఈడీ, సీబీఐ భావించిన కారణంగా వంద రోజులకు పైగా జైలు జీవితం గడపాల్సి వచ్చింది.
ఇతర దేశాల్లో ఇలా జరగదు. బెయిలుపై విడుదలయ్యే వ్యక్తి సాక్షులను బెదిరించడం ద్వారా తన స్వేఛ్చను దుర్వినియోగం చేస్తాడన్న ఆందోళన ఆ దేశాల్లో తలెత్తదు. అంటే మన ‘ విత్ నెస్ ప్రొటెక్షన్ ‘ అన్నది విఫలమైనట్టే.
ప్రస్తుతం దిశ కేసులో తక్షణ న్యాయం జరిగిందని సమాజంలోని కొన్ని వర్గాలు భావిస్తున్నాయి. ఎన్ కౌంటర్లు ఫేక్ అయినా, స్టేజీ మేనెజ్డ్ అయినా మన వ్యవస్థ ఇమేజీని మెరుగుపరచదు. ప్రతి పోలీసు ఎన్ కౌంటర్ కూ మేజిస్టీరియల్ విచారణ అవసరమని ఈ వ్యాసకర్త భావిస్తున్నారు. అలాగే డ్యూటీలో ఉన్న పోలీసులకూడా భద్రత అవసరం. ఐ పీ సి లోని 100 సెక్షన్ ప్రకారం ఆత్మరక్షణ హక్కు అన్నదాన్ని కొన్ని కేసుల్లో మరణ కారణాలకు కూడా వర్తింపజేయాలన్నది ఈయన మనోగతం..