కేజీఎఫ్-2లో ప్రకాష్ రాజ్ పాత్ర అదేనా? క్లారిటీ ఇచ్చిన డైరెక్టర్!
యష్ హీరోగా, ప్రశాంత్ నీల్ దర్మకత్వంలో 2018లో అసలు ఏమాత్రం అంచనాల్లేకుండా విడుదలై.. సంచలన హిట్ సొంతం చేసుకుంది కేజీఎఫ్ సినిమా. ఆ తర్వాత నుంచి రెండో భాగంపై భారీ అంచనాలు ఏర్పడ్డాయి. ఎప్పుడెప్పుడు థియేటర్లలోకి వస్తుందా? అని అభిమానులు..
యష్ హీరోగా, ప్రశాంత్ నీల్ దర్మకత్వంలో 2018లో అసలు ఏమాత్రం అంచనాల్లేకుండా విడుదలై.. సంచలన హిట్ సొంతం చేసుకుంది కేజీఎఫ్ సినిమా. ఆ తర్వాత నుంచి రెండో భాగంపై భారీ అంచనాలు ఏర్పడ్డాయి. ఎప్పుడెప్పుడు థియేటర్లలోకి వస్తుందా? అని అభిమానులు తెగ ఎదురు చూస్తున్నారు. నిజానికి కరోనా అడ్డు రాకుండా ఉంటే ఈ పాటికే సినిమా రిలీజ్ అయి ఉండేది. కోవిడ్ మహమ్మారి కారణంగా కొంతమేర చిత్రీకరణ నిలిచిపోయింది. మళ్లీ ఈ మధ్యే తిరిగి షూటింగ్ మొదలైంది. ఇటీవలే ప్రకాష్ రాజ్తో కేజీఎఫ్-2 షూటింగ్ తిరిగి ప్రారంభమైంది. ఇందులో ప్రకాష్ రాజ్ పాల్గొన్నట్లు ఫొటోలను విడుదల చేశారు. అప్పటి నుంచి అతడి పాత్ర గురించి రకరకాల వార్తలు షికార్లు చేస్తున్నాయి. తొలిభాగంలో అనంత్ నాగ్ చేసిన పాత్రలో ప్రకాష్ రాజ్ కనిపిస్తాడని పేర్కొన్నారు. ఈ పుకార్లకు చెక్ పెడుతూ అసలు విషయం చెప్పారు డైరెక్టర్ ప్రశాంత్ నీల్. వారిద్దరి రోల్స్ వేర్వేరు అని, సీక్వెల్లో ప్రకాష్ రాజ్ పాత్ర ఉంటుందని పేర్కొన్నారు.
Read More: