కరోనా ఎఫెక్ట్.. ‘ఆర్ఆర్ఆర్‌’ గురించి ఆలోచిస్తోన్న దిల్ రాజు

ఎన్టీఆర్, రామ్ చరణ్‌లతో రాజమౌళి తెరకెక్కిస్తోన్న క్రేజీ ప్రాజెక్ట్ ఆర్ఆర్ఆర్. పలు భారతీయ భాషల్లో వచ్చే ఏడాది జనవరి 8న విడుదల కాబోతున్న ఈ మూవీపై అన్ని ఇండస్ట్రీల్లోనూ భారీ అంచనాలు ఉన్నాయి. కాగా ఈ మూవీ ప్రీ రిలీజ్ బిజినెస్ ఎప్పుడో ప్రారంభం అయ్యింది. ఈ నేపథ్యంలో నైజాం డిస్ట్రిబ్యూషన్ హక్కులను ప్రముఖ నిర్మాత దిల్ రాజు దక్కించుకున్నారట. రాజమౌళిపై నమ్మకం.. దానికి తోడు స్టార్ హీరోలైన ఎన్టీఆర్, చెర్రీ ఇద్దరు కలిసి నటిస్తోన్న మొదటి చిత్రం కావడంతో.. దాదాపు రూ.75కోట్లకు ఈ మూవీ హక్కులను సొంతం చేసుకున్నారట దిల్ రాజు.

కానీ కరోనా ఎఫెక్ట్ ఇప్పుడు సినిమాలపై బాగా పడింది. కరోనా నేపథ్యంలో షూటింగ్‌లకు బ్రేక్ పడింది. ప్రస్తుత పరిస్థితి నుంచి బయటపడేందుకు చాలా సమయం పట్టే అవకాశం ఉందని చిత్రవర్గాలు అంటున్నాయి. ఈ క్రమంలో ఆర్ఆర్ఆర్ సినిమా రిలీజ్ సమయంలోనూ ఈ ప్రభావం కచ్చితంగా ఉంటుందని దిల్ రాజు భావిస్తున్నారట. అందుకే ఆర్ఆర్ఆర్ డీల్‌ను పునరాలోచించాలని ఈ బడా నిర్మాత అనుకుంటున్నట్లు తెలుస్తోంది. ఈ విషయంలో ఆర్ఆర్ఆర్ నిర్మాత డివివి దానయ్యతో చర్చించాలన్న ఆలోచనలో దిల్ రాజు ఉన్నారట. ఒకవేళ కుదరకపోతే.. ఈ హక్కులను వేరే వారికి ఇస్తామంటే వదిలేద్దామనే ఆలోచనలో కూడా దిల్ రాజు ఉన్నట్లు ఫిలింనగర్‌లో భోగట్టా.

Read This Story Also: సెట్‌ అయిన క్రేజీ కాంబో.. అట్లీ దర్శకత్వంలో షారూక్..!