క్యాన్సర్‌ రోగుల కోసం జుట్టును దానం చేసిన హీరో ధృవ‌.. కొత్త లుక్‌లో వావ్‌ అనిపిస్తోన్న యాక్షన్‌ కింగ్‌ మేనల్లుడు

Dhruva Sarja new look: క్యాన్సర్‌ రోగుల పట్ల దాతృత్వాన్ని చాటుకున్నారు కన్నడ నటుడు, అర్జున్‌ మేనల్లుడు ధృవ సర్జా. రెండేళ్లుగా పెంచిన జుట్టును క్యాన్సర్‌ రోగుల కోసం ధృవ దానం చేశారు. తన జుట్టుతో ఓ విగ్గును చేసి క్యాన్సర్‌ రోగులకు అందించనున్నట్లు ఆయన వెల్లడించారు.

కాగా పొగరు సినిమాకు ఒప్పుకున్నప్పటి నుంచి జుట్టును పెంచడం ప్రారంభించారు ధృవ‌. ఈ మూవీ షూటింగ్‌ ఇటీవలే పూర్తి కాగా.. ఆ జుట్టును క్యాన్సర్‌ రోగి కోసం ఇచ్చారు. ఈ సందర్భంగా క్యాన్సర్ రోగులకు జుట్టును దానం చేసేందుకు ముందుకు రావాలంటూ ఆయన పిలుపునిచ్చారు. ఇక ఈ హెయిర్‌కట్‌ తనకు జీవితాంతం గుర్తుండిపోతుందంటూ ఓ వీడియోను ధృవ్‌ షేర్ చేశారు. కాగా కొత్త లుక్‌లోనూ ఈ హీరో అదరగొట్టేస్తుండగా.. వావ్‌ అంటూ ఫ్యాన్స్ కామెంట్లు పెడుతున్నారు. ఇదిలా ఉండగా ప్రస్తుతం ఈ నటుడు దుబారీ చిత్రం కోసం రెడీ అవతున్నారు. ఈ మూవీ వచ్చే ఏడాది ప్రేక్షకుల ముందుకు రానుంది.

https://www.instagram.com/tv/CH2CRAkHFG3/?utm_source=ig_embed