Breaking News
  • తిరుమల: తిరుమలకు చేరుకున్న సీఎం జగన్మోహన్ రెడ్డి. పద్మావతి అతిథిగృహం వద్ద సీఎంకు ఘన స్వాగతం పలికిన టీటీడీ చైర్మన్ వై.వి.సుబ్బారెడ్డి, ఈఓ అనిల్ సింఘాల్, అడిషనల్ ఈఓ ధర్మారెడ్డి. తిరుమలకు చేరుకున్న మంత్రులు మేకతోట సుచరిత, వెల్లంపల్లి శ్రీనివాస్, కొడాలి నాని, మేకపాటి గౌతమ్ రెడ్డి, ధర్మాన కృష్ణదాస్, 5.30 గంటలకు అన్నమయ్య భవన్ లోని ప్రధానిమంత్రి వీడియో కాన్ఫెరెన్స్ లో పాల్గొననున్న సీఎం జగన్ . అనంతరం 7 గంటలకు శ్రీవారికి పట్టు వస్త్రాలు సమర్పించనున్న సీఎం జగన్. శ్రీవారి దర్శనానంతరం 7.30 గంటలకు గరుడవాహనసేవలో పాల్గొననున్న సీఎం జగన్. రేపు ఉదయం కర్ణాటక సీఎం యడియూరప్పతో కలిసి శ్రీవారిని దర్శించుకుని నాదనీరాజనం వేదికపై సుందరకాండ పారాయణంలో పాల్గొననున్న సీఎం జగన్ . రేపు ఉదయం 8.10 గంటలకు కర్ణాటక సత్రాల నూతన సముదాయానికి కర్ణాటక ముఖ్యమంత్రి యడియూరప్పతో కలిసి భూమిపూజ చేయనున్న ఏపీ సీఎం జగన్.
  • అనంతపురం జిల్లా: గుత్తి GRP పోలీస్ స్టేషన్ లో ప్రింటర్,స్కానర్,ఖైదీలకు వేసే సంకెళ్లు దొంగిలించిన మంజునాథ్ అనే కానిస్టేబుల్. స్టేషన్ నుంచి ఎత్తుకెళ్లిన సంకెళ్లను భార్యకు వేసి ఇంట్లో చిత్రహింసలు. భార్య ఫిర్యాదుతో కేసునమోదు చేసిన ఆదోని పోలీసులు..పోలీస్ స్టేషన్ నుండి పరార్ ఐన మంజునాథ్. మంజునాథ్ ఇంట్లో తనిఖీ చేయగా బయటపడ్డ 12 శాఖలకు చెందిన నకిలీ సీల్ లు. గుత్తి పోలీస్ స్టేషన్ లో రికార్డ్స్,ప్రాపర్టీ,సంకెళ్లు దొంగతనం చేసినందుకు గాను 379,409,406 సెక్షన్ లకింద కేసు నమోదు చేసిన grp అధికారులు.
  • టీవీ9 తో సిటీ ED వెంకటేశ్వర రావు. సిటీ బస్సుల కు సంబంధించి ఎలాంటి నిర్ణయం జరగలేదు. తక్కువ సంఖ్యలో బస్సులు నడుపుతామని వార్తలు వొస్తున్నాయి అందులో వాస్తవమ్ లేదు. సిటీ చివరలో 290 సర్వీసులను ఈరోజు నుండి నడుపుతున్నాం. సిటీ కి సంబంధించి చర్చ మాత్రమే జరుగుతుంది ఎలాంటి నిర్ణయం రాలేదు. మేము మాత్రం అన్ని డిపోలలో బస్సుల ను సిద్ధం చేసి ఉంచాం. కోవిడ్ నిబంధనలకు అనుకూలంగా ఏర్పాట్లు కూడా చేసాం. ప్రభుత్వ ఆదేశాల కోసం చూస్తున్నాం.
  • చెన్నై : ఆన్లైన్ బెట్టింగ్ గేమ్స్ కి బానిసైన పోలీస్, లక్షలలో డబ్బు పోగొట్టుకొని ఆత్మహత్య . ధర్మపురి జిల్లాకి చెందిన వెంకటేసన్ , సేలం జిల్లాలోని ప్రత్యేక పోలీస్ బెట్టాలియన్ లో విధులు నిర్వహిస్తున్న వెంకటేసన్. గత కొంత కాలంగా గంటల తరబడి ఆన్లైన్ రమ్మీ ఆడుతూ లక్షలలో డబ్బులు పోగొట్టుకోవడం తో తీవ్ర మనస్థాపం . గవర్నమెంట్ హాస్టల్ తన గదిలో ఉరివేసుకొని ఆత్మహత్య , కేసు నమోదు చేసుకొని విచారణ చేపట్టిన పోలీసులు.
  • హాస్పటల్ లో చేరిన ఢిల్లీ డిప్యూటీ సీఎం మనీశ్ సిసోడియా. మనీశ్ సిసోడియా కు ఈనెల 14 న కరోనా పాజిటివ్ గా నిర్దారణ . ఈ నెల 14 నుండి హోం క్వారంటైన్ లో ఉంటున్న మనీశ్ సిసోడియా.
  • అమరావతి: అక్టోబర్ 2 నుంచి 'మనం-మన పరిశుభ్రత' రెండోదశ. ప్రతి మండలానికి 5 నుంచి 10 గ్రామాలలో అమలు. జూన్ 1న రాష్ట్రంలో ప్రారంభమైన మనం-మన పరిశుభ్రత. తొలిదశలో భాగంగా 1320 గ్రామ పంచాయతీల్లో కార్యక్రమాలు. ప్రజాభాగస్వామ్యంతో పల్లెల్లో ఆరోగ్యకర వాతావరణం. 70 శాతం సీజనల్ వ్యాధుల వ్యాప్తికి అడ్డుకట్ట . ప్రజల నుంచి పంచాయతీలకు విరాళాలుగా రూ.1.72 కోట్లు జమ. ప్రజాప్రతినిధులు పెద్ద ఎత్తున రెండోదశ కార్యక్రమాల్లో పాల్గొనాలని పిలుపు. ఈ మేరకు ప్రజాప్రతినిధులకు మంత్రి పెద్దిరెడ్డి రామచంద్రారెడ్డి లేఖ.

ధోని లెక్క తప్పింది.. ఇంగ్లాండ్ గట్టెక్కింది!

Dhoni Review System Fails, ధోని లెక్క తప్పింది.. ఇంగ్లాండ్ గట్టెక్కింది!

బర్మింగ్‌హామ్‌: భారత్ మాజీ కెప్టెన్ మహేంద్రసింగ్ ధోని డీఆర్ఎస్ విషయంలో ఎప్పుడూ కరెక్ట్‌గా ఉంటాడు. అయితే ఆదివారం ఇంగ్లాండ్‌తో జరిగిన మ్యాచ్‌లో మాత్రం ధోని డీఆర్ఎస్ విషయంలో విఫలమయ్యాడు. డీఆర్ఎస్‌ను ధోని రివ్యూ సిస్టంగా మార్చుకున్న ఈ సీనియర్ ఆటగాడు.. కీలకమైన మ్యాచ్ లో దాన్ని ఉపయోగించుకోవడంలో వైఫల్యం చెందాడు. ఇంగ్లండ్‌ ఇన్నింగ్స్‌లో హార్దిక్‌ పాండ్యా వేసిన 11వ ఓవర్‌ ఐదో బంతి ఓపెనర్‌ జేసన్‌ రాయ్‌ కుడి చేతి గ్లోవ్‌ను తాకుతూ కీపర్‌ చేతిలో పడింది. వెంటనే భారత ఆటగాళ్లు అప్పీల్‌ చేసినా అంపైర్‌ వైడ్‌గా ప్రకటించాడు. కోహ్లి, హార్దిక్‌ క్యాచ్‌గా భావించినప్పటికి ధోని నుంచి సరైన స్పందన రాకపోవడంతో భారత్ కెప్టెన్ రివ్యూ కోసం ప్రయత్నించలేదు. కానీ అనంతరం రిప్లేలో బంతి రాయ్‌ గ్లోవ్‌ను తాకినట్లు స్నికోలో కనిపించి స్పైక్‌ ద్వారా స్పష్టమైంది. కాగా అప్పటికి రాయ్ కేవలం 20 పరుగులు మాత్రమే చేశాడు. ఇక ఇంగ్లాండ్ స్కోర్ 49 పరుగులు. ఆ సమయంలో గనక ధోని స్పందించి.. భారత్ రివ్యూ కోరితే ఇంగ్లాండ్ తప్పకుండా ఒత్తిడిలో పడేదని అభిమానులు భావిస్తున్నారు. అయితే కొంతమంది అభిమానులు మాత్రం ధోని సరిగ్గా స్పందించకపోవడంతో అతని మీద మండిపడుతున్నారు.

ఇది ఇలా ఉంటే వైస్ కెప్టెన్ రోహిత్ శర్మ మాత్రం ధోనికి అండగా నిలిచాడు. డీఆర్‌ఎస్‌ అంచనా విషయంలో కొన్ని సార్లు లెక్క తప్పడం సహజమేనని.. ‘స్పష్టత లేనప్పుడు డీఆర్‌ఎస్‌ అనేది చాలా క్లిష్టమైనది అని మ్యాచ్ అనంతరం జరిగిన మీడియా సమావేశంలో రోహిత్ శర్మ తన అభిప్రాయాన్ని వ్యక్తం చేశాడు. డీఆర్ఎస్ విషయంలో ధోనిని తప్పుబట్టడం సరికాదని రోహిత్ అభిమానులను కోరాడు. అదృష్టం మనవైపు ఉంటేనే ఫలితం అనుకూలంగా వస్తుందని.. డీఆర్‌ఎస్‌ను అంతగా పట్టించుకోవాల్సిన అవసరం లేదని రోహిత్‌ స్పష్టం చేశాడు.

Related Tags