Breaking News
  • దేశంలో కొనసాగుతున్న కరోనా విజృంభన గడచిన 24 గంటల్లో అత్యధికంగా 24, 879 పాజిటివ్ కేసులు నమోదు కాగా 487 మంది మృతి. దేశంలో కరోన బాధితుల సంఖ్య 7, 67, 296 చేరినట్లు ప్రకటించిన కేంద్ర ఆరోగ్య శాఖ. 2, 69, 789 మందికి కొనసాగుతున్న చికిత్స. కరోన నుండి ఇప్పటి వరకు కోలుకున్న 4, 76, 378 మంది బాధితులు. కోవిడ్-19వైరస్ సోకి ఇప్పటివరకు 21, 129 మంది మృతి.
  • మూడో రోజు కొనసాగుతున్న సచివాలయం కూల్చివేత పనులు. భారీ బందోబస్తు మధ్య పనులు.. దారులన్నీ మూసివేత. నాలుగు బ్లాకులతో పాటు పాత భవనాలు నేలమట్టం. సమాంతరంగా ఇతర బ్లాకుల్లో కూల్చివేత పనులు. మరో మూడు రోజుల్లో కూల్చివేత పనులు పూర్తి. 15రోజుల పాటు అర్ధరాత్రి వేళ శిధిలాల తరలింపు. వారం పాటు సెక్రటేరియట్ పరిసర ప్రాంతాల్లో ట్రాఫిక్ ఆంక్షలు.
  • యూపీ గ్యాంగ్‌స్టర్ వికాస్ దూబే అరెస్ట్. మధ్యప్రదేశ్‌లోని ఉజ్జయిన్‌లో అరెస్ట్. కొద్ది రోజుల క్రితం డీఎస్పీ సహా 8 మంది పోలీసులను కాల్చి చంపిన వికాస్ దూబే గ్యాంగ్. వికాస్ దూబే కోసం స్పెషల్ టాస్క్ ఫోర్స్ ఏర్పాటు చేసి గాలింపు. వరుసగా అనుచరుల ఎన్‌కౌంటర్, తాజాగా వికాస్ అరెస్ట్.
  • సైబరాబాద్ కమిషనరేట్ పరిధిలోని షాబాద్ పోలీస్ స్టేషన్ లో ఏసీబీ సోదాలు. సిఐ శంకర్ లక్ష 25 వేలు లంచం తీసుకుంటూ రెడ్ హ్యాండెడ్ గా ఏసీబీకి పట్టుబడ్డాడు. ఏసీబీ అధికారులు కేసు నమోదు చేసుకొని సోదాలు చేస్తున్నారు.
  • హైదరాబాద్ సీపీ అంజనీ కుమార్. వాహనదారులు హెల్మెట్ ధరించి బైక్ నడపండి. నిన్న గోపాల్‌పురంలో ఒక వ్యక్తి బైక్ పై వెళ్తూ జారిపడి తలకు గాయమైంది.. తరువాత ఆసుపత్రిలో మరణించాడు. బహుశా అతను హెల్మెట్ ధరించి ఉంటే బ్రతికి ఉండేవాడు.. హెల్మెట్ మీ భద్రత కోసం.. పోలీసుల తనిఖీ కోసం కాదు. బైక్ పై వెళ్లేవారు తప్పకుండా హెల్మెట్ పెట్టుకుని ప్రయాణం చేయండి.
  • విశాఖ: కేజీహెచ్ వైరాలజీ ల్యాబ్ లో కరోనా కలకలం. టెస్ట్ లు నిర్బహించే ముగ్గురు టెక్నీషియన్లకు కరోనా పాజిటివ్. ల్యాబ్ లో సేవలందించే 20 మందికి పరీక్షలు.. అందరికీ నెగెటి. వైరాలజీ ల్యాబ్ లో సేవలు తాత్కాలికంగా నిలిపివేత.. ల్యాబ్ లో శానిటైజ్ చేస్తున్న జీవీఎంసీ సిబ్బంది. ప్రత్యామ్నాయంగా కేజీహెచ్ లోని నాకో ల్యాబ్ ను వినియోగిస్తున్న వైద్య సిబ్బంది.

లాక్‌డౌన్ వేళ.. ప్రయాగ్‌రాజ్‌లో భక్తుల పవిత్ర స్నానాలు..

ఉత్తర్‌ ప్రదేశ్‌లోని ప్రయాగ్‌రాజ్‌లో శనివారం తెల్లవారు జామునుంచి భక్తులు పవిత్ర స్నానాలు ఆచరిస్తున్నారు. శుక్రవారం చంద్రగ్రహణం రావడంతో త్రివేణీ సంగమం వద్దకు పెద్ద ఎత్తున భక్తులు చేరుకున్నారు.
Devotees take holy dip in Triveni Sangam at Prayagraj, లాక్‌డౌన్ వేళ.. ప్రయాగ్‌రాజ్‌లో భక్తుల పవిత్ర స్నానాలు..

ఉత్తర్‌ ప్రదేశ్‌లోని ప్రయాగ్‌రాజ్‌లో శనివారం తెల్లవారు జామునుంచి భక్తులు పవిత్ర స్నానాలు ఆచరిస్తున్నారు. శుక్రవారం చంద్రగ్రహణం రావడంతో.. ప్రయాగ్‌రాజ్‌లోని పవిత్ర త్రివేణీ సంగమం వద్దకు పెద్ద ఎత్తున భక్తులు చేరుకున్నారు. కొందరు శుక్రవారం రాత్రి నుంచి త్రివేణీ సంగమం వద్ద ఉంటూ.. తెల్లవారుజామున పవిత్ర స్నానాలు ఆచరించారు. అయితే ఓ వైపు లాక్‌డౌన్ కొనసాగుతున్నప్పటికీ.. ఇక్కడికి మాత్రం భక్తులు పెద్ద ఎత్తున చేరుకున్నారు. గ్రహణం వచ్చిన సమయాల్లో ఇక్కడ పెద్ద ఎత్తున భక్తులు వచ్చి పూజలు చేస్తుంటారు.

ప్రయాగలో గంగా, యమునా, సరస్వతి నదులు కలిసేచోటును త్రివేణీ సంగమం అంటారు. జైరామ్ అనే పూజారి మాట్లాడుతూ.. గ్రహణం తర్వాత చాలా మంది భక్తులు నదీ స్నానమాచరించారని.. కొందరు శుక్రవారం రాత్రి వచ్చి కూడా స్నానాలు చేశారని తెలిపారు. ఇక మరికొందరు భక్తులు గ్రహణం సమయంలో నదీ సమీపంలో ఉండి ఇష్టదైవాన్ని ఆరాధిస్తామని.. అందుకే ఇక్కడికి వచ్చినట్లు తెలిపారు. అయితే లాక్‌డౌన్ కొనసాగుతున్న సమయంలో.. ఇక్కడ పెద్ద ఎత్తున భక్తులు హాజరవ్వడంతో పాటు.. సోషల్ డిస్టెన్స్‌ లేకుండా నిబంధనలు ఉల్లంఘించారన్న ఆరోపణలు వస్తున్నాయి.

Related Tags