గురువుపై ప్రేమను చెబుతూ.. మాండలిన్ శ్రీనివాస్‌కి రాక్స్టార్ ‘ఘన’ నివాళి
దేవీ శ్రీ ప్రసాద్‌ అలియాస్ డీఎస్పీ అలియాస్ రాక్స్టార్.. మ్యూజిక్ లవర్స్‌కి పరిచయం అక్కర్లేని పేరు ఇది. ఆయన స్టేజ్ మీదికి ఎక్కాడంటే
Devi Sri Prasad: దేవీ శ్రీ ప్రసాద్‌ అలియాస్ డీఎస్పీ అలియాస్ రాక్స్టార్.. మ్యూజిక్ లవర్స్‌కి పరిచయం అక్కర్లేని పేరు ఇది. ఆయన స్టేజ్ మీదికి ఎక్కాడంటే చాలు అందరిలో వైబ్రేషన్ స్టార్ట్ అవుతుంది. ఆ పేరు ఏదైనా పోస్టర్‌పై ఉందంటే చాలు ఆ సినిమా సగం హిట్టు అని అందరూ నమ్ముతుంటారు. క్లాస్, మాస్‌, డివోషనల్, ఫోక్‌ ఏదైనా సరే.. దానికి తన మ్యూజిక్‌తో ప్రాణం పోస్తూ గత కొన్ని సంవత్సరాలుగా టాప్ మ్యూజిక్ డైరెక్టర్‌గా చలామణి అవుతున్నారు దేవీ శ్రీ ప్రసాద్‌.
అయితే చిన్నప్పటి నుంచి మాండలిన్ శ్రీనివాస్ దగ్గర శిష్యరికం చేసిన డీఎస్పీ.. ఆయనను పలు స్టేజ్‌లపై గుర్తు చేసుకుంటూ ఉంటారు. అంతేకాదు గతంలో ఓ పాటను కంపోజ్ చేసి మాండలిన్ శ్రీనివాస్‌కి అంకితం చేశారు. ఇక తాజాగా మాండలిన్ శ్రీనివాస్ చేసిన ఓ సోలో ట్రాక్‌కి తన మ్యూజిక్‌ని యాడ్ చేసి వీడియోను విడుదల చేశారు. మాండలిన్‌తో పాటు పలు వాయిద్యాలతో వచ్చిన ఈ వీడియో సంగీత ప్రియులను బాగా ఆకట్టుకుంటోంది. గురువును మీరిచ్చిన నివాళి చాలా బావుంది సర్ అంటూ పలువురు కామెంట్లు పెడుతున్నారు.
ఇక దీని గురించి డీఎస్పీ ఓ ప్రకటన చేస్తూ.. ”నా గురువు మాండలిన్ శ్రీనివాస్ అన్నతో కలిసి ఒక్కసారైనా మ్యూజిక్ కంపోజ్ చేయాలనుకున్నా. కానీ ఆయనపై ఉన్న అమితమైన గౌరవంతో నేను అడగలేకపోయా. ఒకవేళ అడిగినా అన్న చాలా ఇష్టంగా ఒప్పుకునేవారు. ఇక అన్న మరణం తరువాత ఆయన కంపోజ్ చేసిన ఓ సోలో ట్రాక్‌ని ఆయన స్టూడియోలో విన్నా. ఆ ట్రాక్‌కి నేను సంగీతాన్ని అందించి, అన్నకు నివాళి ఇవ్వాలనుకున్నా. ఈ విషయాన్ని అన్న సోదరుడు రాజేష్‌కి చెప్పగానే, వెంటనే ఒప్పుకొని ట్రాక్‌ని నాకు ఇచ్చారు. ఈ విషయంలో రాజేష్‌కి చాలా థ్యాంక్స్‌. ఈ ట్రాక్‌కి సంగీతం అందించినా.. నాకు మాండలిన్‌నే వినిపిస్తోంది. గురు-శిష్యుల అనుబంధం ఇదేనేమో. నా ప్రయత్నానికి సహకారం అందించిన విక్కు వినయాక్రమ్‌, సెల్వ గణేష్‌, రాజేష్‌కి చాలా థ్యాంక్స్‌. నా డ్రీమ్ నెరవేరింది. గురువు కంపోజిషన్‌కి శిష్యుడు ఆర్కెస్ట్రా” అని కామెంట్ పెట్టారు.
Read More:
అంతర్వేది: నూతన రథానికి ప్రారంభమైన పనులు
Bigg Boss 4: ‘బిగ్‌బాస్’ పనిష్మెంట్‌కి నెటిజన్ల రియాక్షన్లు ఇవే
Its been 6 years since my GURU, SRI MANDOLIN U SHRINIVAS ANNA left for his Heavenly Abode..But his MUSIC is always with US❤️??
Here is a Piece composed by HIM..ORCHESTRATED by ME..??
My DREAM came TRUE..
Pls read d Story at d beginning of d VIDEO❤️https://t.co/XuzXJUfVWk
— DEVI SRI PRASAD (@ThisIsDSP) September 19, 2020
