భార్యతో గొడవపడి విమానం హైజాక్ చేయబోయాడు
ఢాకా: బంగ్లాదేశ్లో విమానాన్ని హైజాక్ చేసేందుకు జరిగిన ప్రయత్నాన్ని ఆ దేశ భద్రతాసిబ్బంది అడ్డుకున్నారు. హైజాకర్పై కాల్పులు జరిపి ప్రయాణికులను రక్షించారు. అయితే ఈ ఘటన వెనుక ఎలాంటి ఉగ్రకోణం లేదని, కేవలం వ్యక్తిగత కారణాలతోనే నిందితుడు విమానాన్ని హైజాక్ చేసేందుకు యత్నించినట్లు తాజాగా అధికారులు వెల్లడించారు.భార్యతోమనస్పర్థల కారణంగానే సదరు వ్యక్తి ఈ ఘటనకు పాల్పడినట్లు తెలుస్తోంది. 148 మంది ప్రయాణికులతో ఢాకా నుంచి దుబాయ్ వెళ్తున్న బిమాన్ బంగ్లాదేశ్ ఎయిర్లైన్ విమానాన్ని మార్గమధ్యంలో దారి మళ్లించేందుకు […]
ఢాకా: బంగ్లాదేశ్లో విమానాన్ని హైజాక్ చేసేందుకు జరిగిన ప్రయత్నాన్ని ఆ దేశ భద్రతాసిబ్బంది అడ్డుకున్నారు. హైజాకర్పై కాల్పులు జరిపి ప్రయాణికులను రక్షించారు. అయితే ఈ ఘటన వెనుక ఎలాంటి ఉగ్రకోణం లేదని, కేవలం వ్యక్తిగత కారణాలతోనే నిందితుడు విమానాన్ని హైజాక్ చేసేందుకు యత్నించినట్లు తాజాగా అధికారులు వెల్లడించారు.భార్యతోమనస్పర్థల కారణంగానే సదరు వ్యక్తి ఈ ఘటనకు పాల్పడినట్లు తెలుస్తోంది.
148 మంది ప్రయాణికులతో ఢాకా నుంచి దుబాయ్ వెళ్తున్న బిమాన్ బంగ్లాదేశ్ ఎయిర్లైన్ విమానాన్ని మార్గమధ్యంలో దారి మళ్లించేందుకు నిందితుడు యత్నించాడు. ఛత్రోగ్రామ్ విమానాశ్రయం నుంచి విమానం బయల్దేరిన కాసేపటికే ప్రయాణికుల్లోని ఓ వ్యక్తి తన వద్ద పిస్తోలు, పేలుడు పదార్థాలు ఉన్నాయని బెదిరిస్తూ కాక్పిట్లోకి వెళ్లేందుకు ప్రయత్నించాడు. తనకు భార్యతో గొడవలున్నాయని, ఈ విషయమై బంగ్లాదేశ్ ప్రధాని షేక్ హసీనాతో వెంటనే మాట్లాడాలని నిందితుడు పదేపదే డిమాండ్ చేసినట్లు అధికారులు వెల్లడించారు.
దీంతో అప్రమత్తమైన పైలట్లు వెంటనే విమానాన్ని ఛత్రోగ్రామ్ ఎయిర్పోర్టులో అత్యవసరంగా దించేశారు. అక్కడ హైజాకర్తో ఉన్నతాధికారులు చర్చలు జరిపారు. ప్రయాణికులను విమానం నుంచి దింపేయాలని అడగగా అందుకు హైజాకర్ ఒప్పుకున్నాడు. దీంతో వారిని అత్యవసర ద్వారం గుండా బయటకు తీసుకొచ్చారు. అనంతరం కమాండోలు రంగ ప్రవేశం చేసి లొంగిపోవాలని హైజాకర్ను హెచ్చరించారు. అతడు నిరాకరించడంతో కాల్పలు జరిపి అదుపులోకి తీసుకున్నారు. అయితే ఈ కాల్పుల్లో తీవ్రంగా గాయపడిన హైజాకర్ ప్రాణాలు కోల్పోయాడు. నిందితుడిని బంగ్లాదేశ్కు చెందిన మహదిగా గుర్తించారు. అయితే అతడి గన్ ఎలా వచ్చింది.. వాటిని విమానంలోకి ఎలా తీసుకొచ్చాడన్నది మాత్రం తెలియరాలేదు. దీనిపై దర్యాప్తు చేస్తున్నట్లు అధికారులు వెల్లడించారు. నిందితుడు మానసిక స్థితి సరిగ్గా లేదని చర్చల సమయంలో తాము గుర్తించినట్లు అధికారులు తెలిపారు.