ప్రపంచ దేశాలను కబళిస్తున్న డెంగ్యూ.. నివారణ చర్యలు తప్పనిసరి.. లేదా ..?

Dengue Fever All oVer The World, ప్రపంచ దేశాలను కబళిస్తున్న డెంగ్యూ.. నివారణ చర్యలు తప్పనిసరి.. లేదా ..?

ప్రపంచ దేశాలను డెంగ్యూ వ్యాధి కబళిస్తోంది. అనేక దేశాల్లో ఈ వైరస్ ప్రబలిపోయింది. డెంగ్యూ వ్యాధితో బాధితులు పెరిగిపోతున్నారు. ఆసియా దేశాల్లో విజృంభిస్తున్న ఈ వ్యాధి బారిన పడి మృత్యువాత పడుతున్న వారెందరో ! బంగ్లాదేశ్, కొలంబియా, లావోస్, మలేసియా, సింగపూర్, శ్రీలంక.. ఒకటేమిటి ? అనేక దేశాల్లో ఏటా వేళా కొద్దీ డెంగ్యూ కేసులు నమోదవుతున్నాయి. గత ఏడాదితో పోలిస్తే ఈ సంవత్సరం ఈ కేసులు రెట్టింపయ్యాయి. వియత్నాం, ఫిలిప్పీన్స్, థాయిలాండ్ వంటి దేశాలే కాదు.. అమెరికన్ హెల్త్ ఆర్గనైజేషన్ అంచనా ప్రకారం.. అమెరికా దేశాలనూ ఈ వ్యాధి వణికిస్తోంది. బ్రెజిల్, నికరాగువా వంటి చోట్లా వింత వైరస్ ఆయా ప్రభుత్వాలకు పెను సమస్యగా మారింది. దోమల్లో నాలుగు రకాలుంటాయని, అయితే వీటిలో ‘ ఎమీస్ ‘ అనే ఆడదోమ వల్లే ఈ వైరస్ వ్యాపిస్తోందని అంటున్నారు. మారుతున్న వాతావరణ పరిస్థితులు, ప్రజల ఆహారపు అలవాట్లు, ప్రకృతి వైపరీత్యాలు ఈ వైరస్ కు కారణమవుతున్నాయి. 1970 దశకం నుంచే డెంగ్యూ ప్రారంభమైనట్టు నిపుణులు చెబుతున్నారు. జనసాంద్రత పెరిగిపోవడం, అశుభ్రత, మురికి నీటి కాలువలు ఈ రకం దోమలకు ‘ వరం ‘గా మారాయని అంటున్నారు. డెంగ్యూ వ్యాధి చికిత్సకు అనువైన టీకా మందును ఇప్పటివరకు కనుగొనలేకపోయారు. అయితే పరిసరాలను శుభ్రంగా ఉంచుకోవడం, దోమతెరలను విరివిగా వాడడం, ఫాగింగ్ చల్లడం వంటివి తప్పనిసరి.. ఇలాంటి చర్యలతో ఈ వ్యాధిని కొంతవరకు అదుపు చేయవచ్చు. పైగా ఇండియా వంటి దేశాల్లో ఈ వ్యాధిపై ప్రజల్లో అవగాహన పెంచేందుకు వర్క్ షాపులవంటివి నిర్వహించాల్సి ఉంటుంది. మెడికల్ కేర్ ఎంతగా తీసుకుంటే అంతగా ఈ వైరస్ వ్యాప్తిని అరికట్టవచ్చు. చెన్నై వంటి నగరాల్లో కేవలం డెంగ్యూ బాధితులకు ఆసుపత్రుల్లో ప్రత్యేకమైన వార్డులను ఏర్పాటు చేశారు. అలాగే ఈ వ్యాధి చికిత్సకు అవసరమయ్యే 108 రకాల మందులను సదా అందుబాటులో ఉంచుతున్నారు. ఈ విధమైన చర్యలను ఇతర దేశాలు కూడా తీసుకున్న పక్షంలో డెంగ్యూ వ్యాధికి చాలావరకు చెక్ పెట్టవచ్ఛు.

Leave a Reply

Your email address will not be published. Required fields are marked *