Breaking News
  • ఏపీ రాజధానిగా అమరావతిని గుర్తించిన సర్వే ఆఫ్‌ ఇండియా. జమ్ము-కశ్మీర్‌ విభజన తర్వాత విడుదల చేసిన కొత్త మ్యాప్‌లో ఏపీ రాజధానిగా ఏ నగరాన్ని చూపని సర్వే ఆఫ్‌ ఇండియా. తీవ్ర అభ్యంతరం వ్యక్తం చేసిన ఆంధ్రప్రదేశ్‌ ఎంపీలు. ఏపీ ప్రభుత్వం ఇచ్చిన పత్రాల ఆధారంగా అమరావతిని రాజధానిగా గుర్తిస్తూ కొత్తమ్యాప్‌ విడుదల చేసిన సర్వేఆఫ్‌ ఇండియా.
  • యాదాద్రి: బైక్‌ను ఢీకొన్న గూడ్స్‌ రైలు. భర్త రాంరెడ్డి మృతి, భార్య రాధకు తీవ్రగాయాలు. భువనగిరి మండలం రాయగిరి రైల్వేస్టేషన్‌ దగ్గర ఘటన.
  • పార్టీ మారతారన్న వార్తలపై స్పందించిన మంత్రి ఈటల. నేను పార్టీ మారను-మంత్రి ఈటల. గాలి వార్తలపై నేను స్పందించను. చెప్పే వాళ్లు ఎన్నైనా చెప్తారు-మంత్రి ఈటల.
  • సుజనాచౌదరి వ్యాఖ్యలకు మంత్రి మోపిదేవి కౌంటర్‌. గోడ దూకే ఎంపీలెవరూ వైసీపీలో లేరు. జగన్‌పై ఎంపీలు, ఎమ్మెల్యేలకు సంపూర్ణ విశ్వాసం ఉంది. తిరుమలను ఆర్ధిక వనరుగా భావించే ఆలోచన ప్రభుత్వానికి లేదు -మంత్రి మోపిదేవి వెంకటరమణ.
  • ఈ ప్రపంచంలో దేనికైనా రంగులు వేయొచ్చు కష్టానికి తప్ప. అమరావతిని అంతర్జాతీయ పటంలో పెట్టింది చంద్రబాబు. అమరావతిని చేర్చి సర్వే ఆఫ్‌ ఇండియా కొత్త మ్యాప్‌ విడుదల చేసేలా లోక్‌సభలో పోరాడిన గల్లా జయదేవ్‌కు అభినందనలు-ట్విట్టర్‌లో నారా లోకేష్‌

పబ్జీ గేమ్ నిషేదించండి.. బాలల హక్కుల సంఘం డిమాండ్

Demand for Ban popular online PUBG mobile game, పబ్జీ గేమ్ నిషేదించండి.. బాలల హక్కుల సంఘం డిమాండ్

ఎంతోమంది పిల్లలు,యువకుల ప్రాణాలు కోల్పోడానికి కారణమవుతున్న పబ్జీ గేమ్‌ను వెంటనే నిషేదించాలని బాలల హక్కుల సంఘం ఒక ప్రకటనలో డిమాండ్ చేసింది. పబ్జి గేమ్‌ ఆడుతూ దానికి బానిసలుగా మారిపోతున్నారని, ఇటువంటి ఆన్‌లైన్ గేమ్స్‌తో తమ విలువైన భవిష్యత్తును నాశనం చేసుకుంటున్నారని ఆయన ఆందోళన వ్యక్తం చేశారు. భయంకరమైన ఈ పబ్జీ గేమ్‌కు అలవాటు పడి ఎంతోమంది చిన్నారులు తమ జీవితాలను పణంగా పెడుతున్నారని అచ్యుతరావు పేర్కొన్నారు. తాజాగా విజయనగరంలో లోహిత్ అనే విద్యార్ధి ఈ గేమ్‌కు బానిసగా మారి విషం తాగి ఆత్మహత్య చేసుకున్నాడని ఆయన తెలిపారు.
సమాజంలో ఎంతోమంది యువకులు, పిల్లల ప్రాణాలను బలితీసుకుంటున్న ఈ పబ్జీ గేమ్‌ను సామాజిక బాధ్యతతో స్మార్ట్‌ఫోన్ కంపెనీలు తమ ఫోన్‌లలో ఆప్షన్ ఇవ్వకూడదంటూ విఙ్ఞప్తి చేశారు. పబ్జీ గేమ్‌ను నిషేదించాలంటూ కేంద్ర ఐటీ మంత్రిత్వ శాఖ చర్యలు తీసుకోవాలని ఆయన కోరారు. అదే విధంగా జువైనల్ జస్టిస్ యాక్ట్ పరిధిలోకి దీన్ని తీసుకురావాల్సిన అవసరం ఉందని అచ్యుతరావు తెలిపారు.

పబ్జీ గేమ్‌ మాయలో పడి ఎంతో మంది యువకులు తమ విలువైన ప్రాణాలు కోల్పోతున్నారు. తమకు తాము ఆత్మహత్యలు చేసుకోవడమో.. లేక ఎదుటి వారిని చంపడమో చేస్తున్నారు. రెండు రోజుల క్రితం కన్నతండ్రిని ఓ యువకుడు తల నరికాడు. ఇటువంటి ఎన్నో సంఘటనలు ఈ గేమ్‌ ప్రభావంతో ఘోరాలకు పాల్పడుతున్నారు. ఈ గేమ్‌ను నిషేదించాలంటూ ఇప్పటికే అనేక ఫిర్యాదులు కేంద్ర ప్రభుత్వానికి అందాయి. ప్రభుత్వం ఇటువంటి ప్రాణాంతక గేమ్‌లపై ఉక్కుపాదం మోపాలని బాలల హక్కుల సంఘాల వంటి అనేక సామాజిక సంస్ధలు కోరుతున్నాయి.