Breaking News
  • ఏడు నెలల పాలనలో జగన్‌ విఫల నాయకుడిగా పేరుపొందారు. ప్రతిపక్ష నేతను అసెంబ్లీలోకి రాకుండా అడ్డుకోవడం ఎన్నడూ చూడలేదు. ఉద్యోగ సంఘాలు కూడా చంద్రబాబు మాటలను వక్రీకరించడం బాధాకరం. చౌకబారు రాజకీయాలు సరికాదు-నక్కా ఆనందబాబు.
  • ప్రకాశం: ఒంగోలులో సీపీఎస్‌ ఎంప్లాయిస్‌ అసోసియేషన్‌ ఆధ్వర్యంలో మనోవేదన నిరసన ర్యాలీ, పాల్గొన్న కృష్ణా, గుంటూరు, ప్రకాశం, నెల్లూరు జిల్లాల ప్రభుత్వ ఉద్యోగులు.
  • కృష్ణాజిల్లా: కీసర టోల్‌ప్లాజా దగ్గర పనిచేయని ఫాస్టాగ్‌. ఇబ్బందులు పడుతున్న వాహనదారులు. రెండు క్యాష్‌ కౌంటర్ల ద్వారా టోల్‌ వసూలు చేస్తున్న సిబ్బంది.
  • చిత్తూరు టూటౌన్‌ పీఎస్‌ దగ్గర ఉద్రిక్తత. ఆత్మహత్య చేసుకున్న ఫాతిమా మృతదేహంతో తల్లిదండ్రుల ధర్నా. నిందితుడిని తప్పించేందుకు పోలీసులు యత్నిస్తున్నారని ఆరోపణ. పోలీస్‌స్టేషన్‌ ఎదుట ఫాతిమా మృతదేహంతో తల్లిదండ్రుల ఆందోళన.
  • చెన్నై వన్డేలో టాస్‌గెలిచి ఫీల్డింగ్‌ ఎంచుకున్న విండీస్‌. భారత్‌-విండీస్‌ మధ్య తొలివన్డే.
  • తిరుమల: ధనుర్మాసం సందర్భంగా ఈ నెల 17 నుంచి జనవరి 14 వరకు శ్రీవారి సుప్రభాత సేవ రద్దు.
  • విశాఖ: హుకుంపేట మండలం రంగశీలలో కాల్పులు. రైతుభరోసా నగదు కోసం అన్నదమ్ముల మధ్య వివాదం తనవాటా డబ్బులు అడిగిన తమ్ముడు జయరాం, భార్య కొండమ్మపై నాటు తుపాకీతో కాల్పులు జరిపిన అన్న కృష్ణ. తమ్ముడి భార్య కొండమ్మ చేతిలోకి దూసుకెళ్లిన బుల్లెట్. కొండమ్మను చికిత్స నిమిత్తం కేజీహెచ్‌కు తరలింపు. కాల్పులు జరిపి సమీప కొండల్లోకి పారిపోయిన కృష్ణ.

రహనేకు బంపరాఫర్.. ఐపీఎల్‌లో ఇకపై..

Delhi Capitals eyeing Ajinkya Rahane for IPL 2020, రహనేకు బంపరాఫర్.. ఐపీఎల్‌లో ఇకపై..

ఐపీఎల్‌లో చెన్నై సూపర్‌ కింగ్స్‌కు ఎంఎస్‌ ధోని పర్యాయ పదంగా మారినట్టే.. రాజస్తాన్‌ రాయల్స్‌కు అజింక్యా రహానే మారుపేరుగా నిలిచాడు. సుదీర్ఘ కాలంగా రాజస్తాన్‌కు వెన్నంటి నిలిచినా రహానే.. వచ్చే సీజన్‌లో ఫ్రాంచైజీ మారబోతున్నాడా అంటే అవుననే చెబుతున్నాయి క్రీడా వర్గాలు. ఐపీఎల్‌ 2020 సీజన్‌ కోసం ఢిల్లీ క్యాపిటల్స్‌ ఇప్పట్నుంచే కసరత్తులు ప్రారంభించింది. ఐపీఎల్‌ 12లో శ్రేయాస్‌ అయ్యర్‌ సారథ్యంలోని యువ ఆటగాళ్లు దుమ్ము దులిపారు. దీంతో 2012 అనంతరం తొలిసారి ఐపీఎల్‌ 12లో ప్లేఆఫ్‌కు చేరింది.

అయితే వచ్చే సీజన్‌కు అనుభవం, యువతతో మిళితమై ఉండేలా ఢిల్లీ క్యాపిటల్స్‌ జాగ్రత్తలు తీసుకుంటోంది. దీనిలో భాగంగా సీనియర్‌ ఆటగాడు, కెప్టెన్‌గా అనుభవం ఉన్న అజింక్యా రహానేను జట్టులోకి చేర్చుకోవాలని ఢిల్లీ ఆరాటపడుతోంది. ఇప్పటికే ప్రయత్నాలు ప్రారంభించినట్టు తెలుస్తోంది. దీనికోసం రహానేకు భారీ మొత్తంలో ఆఫర్‌ ఇచ్చినట్టు సమాచారం. అయితే దీనిపై ఇప్పటివరకు రహానే, ఢిల్లీ అధికారిక ప్రకటన చేయలేదు. అయితే అన్నీ కుదిరితే వచ్చే సీజన్‌లో రహానే ఢిల్లీ తరుపున ఆడే అవకాశం ఉన్నట్లు క్రీడా విశ్లేషకులు జోస్యం చెబుతున్నారు.

ఇక ఢిల్లీ డేర్‌డెవిల్స్‌ను గతేడాది జేఎస్‌డబ్ల్యూ గ్రూప్‌ చేజిక్కించుకున్న వెంటనే జట్టులో సమూల మార్పులు చేసింది. పేరుతో సహా ఆటగాళ్లను, కోచింగ్‌ బృందాన్ని మార్చింది. తాజాగా ఐపీఎల్‌ 13 కోసం మరిన్ని మార్పులు చేయడానికి ఢిల్లీ పూనుకుంది.