Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 20 వేల 903 మంది వైరస్​ సోకింది. మరో 379 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,25,544. ప్ర‌స్తుతం యాక్టీవ్ కేసులు 2,27,439. వ్యాధి బారి నుంచి కోలుకున్న‌వారు 3,79,892. క‌రోనాతో మొత్తం ప్రాణాలు విడిచినవారి సంఖ్య 18,213.
  • భారత్ బయోటెక్‌కు ఐసీఎంఆర్ డీజీ బలరాం భార్గవ లేఖ. భారత కరోనా వ్యాక్సిన్ క్లినికల్ ట్రయల్స్ వేగవంతం చేయాలని సూచన. ఫాస్ట్-ట్రాక్ పద్ధతిలో క్లినికల్ ట్రయల్స్ చేస్తే ఆగస్ట్ 15 నాటికి అందుబాటులోకి వ్యాక్సిన్. పంద్రాగస్టు సందర్భంగా వ్యాక్సిన్ లాంఛ్ చేసే అవకాశం.
  • అమరావతి: మంత్రివర్గ విస్తరణ 22న? రాష్ట్ర మంత్రివర్గ విస్తరణ చేయడానికి రంగం సిద్దం చేస్తునట్టు సమాచారం. ఇద్దరు మంత్రులు.. మోపిదేవి వెంకటరమణారావు, పిల్లి సుభాష్‌చంద్రబోస్‌లు రాజ్యసభకు ఎన్నికైన నేపథ్యంలో తమ పదవులకు రాజీనామా ఖాళీ అయిన మంత్రి పదవులను భర్తీ చేయడానికి వీలుగా విస్తరణ చేపట్టనున్నట్లు సమాచారం 22వ తేదీన కొత్త మంత్రుల ప్రమాణ స్వీకార కార్యక్రమం నిర్వహించే అవకాశం. ప్రస్తుతం మంత్రి పదవులకు రాజీనామా చేసిన ఇద్దరు నేతలు బీసీ వర్గానికి చెందినవారు. కొత్త మంత్రులను కూడా బీసీ వర్గం నుంచే ముఖ్యమంత్రి వైఎస్‌ జగన్‌మోహన్‌రెడ్డి ఎంపిక పై కసరత్తు?
  • తల్లితండ్రుల పిల్ పై హైకోర్టులో విచారణ వాయిదా. 13వ తారీఖున సమగ్ర నివేదికతో రమ్మని ప్రభుత్వానికి చెప్పిన హైకోర్టు. ఇంకా విద్యా సంవత్సరం ప్రారంభం కాలేదని కోర్టుకు తెలిపిన ఏజీ. ఏ నిర్ణయం తీసుకోకుండా ఆన్లైన్ క్లాసులు ఎందుకు నిర్వహిస్తున్నారని ప్రశ్నించిన హైకోర్టు. కేసులో ఇంప్లీడ్ అయిన ఇండిపెండెంట్ స్కూల్ మేనేజ్మెంట్ అసోసియేషన్. రెండు నెలల క్రితమే సీబీఎస్ఈ సిలబస్ ప్రారంభమైందని తెలిపిన isma తరపు సీనియర్ న్యాయవాది. ఆన్లైన్ తరగతులపై తల్లిదండ్రులకు పై ఎలాంటి ఒత్తిడి లేదు. ఆన్లైన్ క్లాసెస్ ఆప్షన్ మాత్రమే అని తెలిపిన ఇస్మా తరపు న్యాయవాది.
  • ఎయిమ్స్ నిర్వహించిన సూపర్ స్పెషాలిటీ ఎంట్రన్స్ పరీక్షల్లో జాతీయ స్థాయిలో ప్రధమ స్థానం సాధించిన చిలకలూరిపేటకు చెందిన ప్రతాప్ కుమార్. వంద మార్కులకు గాను 91 మార్కులు సాధించిన ప్రతాప్ కుమార్.
  • ఈరోజు దక్షిణ తెలంగాణ జిల్లాల్లో భారీ వర్షాలు. రాగల మూడు రోజులు తేలికపాటి నుండి ఓ మోస్తరు వర్షాలు. ఉపరితల ఆవర్తనం తో పాటు షీర్ జోన్ ఏర్పడింది. ఆంధ్ర తీరానికి సమీపంలో కేంద్రీక`తమైన ఆవర్తనం. పశ్చిమ బంగాళాఖాతం లో 3.1 కి.మీ ఎత్తు వద్ద కొనసాగుతున్న ఉపరితల ఆవర్తనం. - వాతావరణ శాఖ సీనియర్ సైంటిస్టు రాజారావు.
  • జ్యూడిషయల్ లోకరోనా కలకలం . సికింద్రాబద్ జ్యుడీషయల్ అకాడమీ లో కరోనాతో అటెండర్ మృతి . జ్యుడిషయల్ అకాడమీ కేంద్రం గా జరుగుతున్న వీడియో కాన్ఫరెన్స్. ఆందోళనలో న్యాయవాదులు.

కంటతడి పెడుతున్న కశ్మీరీ యాపిల్ రైతన్నలు

Declare apple crisis in Kashmir Valley as nation calamity.. demands AIKSCC, కంటతడి పెడుతున్న కశ్మీరీ యాపిల్ రైతన్నలు

జమ్ముకశ్మీర్‌లో గత మూడు నెలలుగా నెలకొన్న ఉద్రిక్త పరిస్థితులు.. యాపిల్ రైతన్నలకు కన్నీటిని మిగిల్చాయి. గత కొద్ది రోజులుగా అక్కడ కురుస్తున్న భారీ మంచు వర్షం కారణంతో చేతికొచ్చిన యాపిల్ పంట నేలపాలవుతోంది. దీంతో రైతన్నలు ఆందోళన చెందుతున్నారు. కశ్మీర్ లోని పుల్వామా, షోపియన్, రామ్‌నగర్, కెల్లార్, జామ్‌నగర్, సెడావ్ మరియు మీర్పూర్ ప్రాంతాలలో ఎక్కువగా యాపిల్ పంటలపైనే ఇక్కడి ప్రజల జీవనం కొనసాగుతోంది. అయితే ప్రస్తుతం ఏర్పడ్డ పరిస్థితుల్లో యాపిల్ రైతుల నష్టాన్ని అంచనా వేసేందుకు అఖిల భారత కిసాన్ సంఘర్ష్ కోఆర్డినేషన్ కమిటీ ఆధ్వర్యంలో.. ఏడుగురు సభ్యుల బృందం మూడు రోజుల పాటు పర్యటించింది. మాజీ ఎంపీ రాజు శెట్టి, సామాజిక శాస్త్రవేత్త యోగేంద్ర యాదవ్, వ్యవసాయ నాయకుడు వీఎం. సింగ్ ఈ బృందంలో ఉన్నారు. కశ్మీర్ లోయలోని రైతులు, పండ్ల అమ్మకం దార్లు, వ్యాపారస్తుల కష్టనష్టాలను అడిగి తెలుసుకునే ప్రయత్నం చేశారు.

ఆగస్టు 5న కేంద్ర ప్రభుత్వం జమ్ముకశ్మీర్‌కు ఉన్న ప్రత్యేక ప్రతిపత్తి ఆర్టికల్ 370 రద్దు చేసిన విషయం తెలిసిందే. ఆ తర్వాత కశ్మీర్‌ లోయలో.. విధించిన నిరవధిక కర్ఫ్యూతో యాపిల్ రైతులు తీవ్ర ఇబ్బందులకు గురయ్యారు.ముఖ్యంగా అక్కడ కమ్యూనికేషన్ వ్యవస్థ అందుబాటులో లేకపోవడంతో వర్తకం నిలిచిపోయిందని.. అదే సమయంలో ట్రాన్స్‌పోర్ట్ వ్యవస్థ కూడా సరిగ్గా లేకపోవడంతో.. యాపిల్‌ బాక్సులను ఇతర ప్రాంతాలకు తరలిచండంలో ఇబ్బందులు తలెత్తినట్లు రైతులు వాపోయారు. కేవలం ఒక్క యాపిల్ రైతులే కాదు.. పియర్, చెర్రీ, ద్రాక్ష రైతులు కూడా తీవ్రంగా నష్టపోయారు. ముఖ్యంగా కమ్యూనికేషన్ వ్యవస్థ అందుబాటులో లేకపోవడంతో రైతులు, కొనగోలు దారుల మధ్య వ్యాపారలావాదేవీలు జరగడంలో ఇబ్పందులు తలెత్తాయి. దీంతో యాపిల్స్ అన్నీ అలానే ఉన్నాయని.. వాటిని సంరక్షించేందుకు శీతల గిడ్డంగులు కూడా లేకపోవడంతో.. భారీగా పండ్లు చెడిపోయాయని రైతులు తెలపారు. అంతేకాదు.. అమ్మకాలు లేకపోవడంతో.. రూ.600 పలికే పెట్ట రూ.100 కే అమ్మాల్సి వచ్చిందని కొందరు రైతులు తెలిపారు.

కేంద్ర ప్రభుత్వం “నేషనల్ అగ్రికల్చరల్ కోఆపరేటివ్ మార్కెటింగ్ ఫెడరేషన్ ఆఫ్ ఇండియా”  ద్వారా యాపిల్ పండ్లను సేకరించి రైతులకు ఇబ్బందులు కల్గకుండా చేస్తుందని ప్రకటించిందని.. అయితే పండిన పంటలో కేవలం ఒక్కశాతం కూడా సేకరించలేకపోయిందని యాపిల్ రైతులు తెలిపారు. కోట్ల కొద్ది యాపిల్ బాక్సులు ఉంటే.. అందులో కనీసం రెండు లక్షల బాక్సులను కూడా తరలించలేకపోయిందని రైతులు వాపోయారు. ఇదంతా ఇలా ఉంటే.. నవంబర్ 7వ తేదీన కురిసిన భారీ మంచువర్షంతో చెట్లపై ఉన్న యాపిల్ పండ్లన్నీ నేలరాలాయని.. దీంతో రైతులు భారీగా నష్టపోయారని “అఖిల భారత కిసాన్ సంఘర్ష్ కోఆర్డినేషన్ కమిటీ” వెల్లడించింది. ఈ భారీ మంచు వర్షం కారణంగా 80% పైగా వ్యవసాయ పంటలు దెబ్బతిన్నాయన్నారు. 23,640 హెక్టార్ల పండ్ల తోటలలో 35% దెబ్బతిన్నాయని అంచనాకి వచ్చారు. అంతేకాదు.. ఇటు కుంకుమపువ్వు పంటలు కూడా దెబ్బతిన్నాయి.
మొత్తం మీద కశ్మీర్ యాపిల్ రైతన్నలు దాదాపు రూ.7 వేల కోట్ల నష్టాన్ని చవిచూసినట్లు “అఖిల భారత కిసాన్ సంఘర్ష్ కోఆర్డినేషన్ కమిటీ” వెల్లడించింది. గతంలో ఎన్నడూ లేని విధంగా కశ్మీర్ యాపిల్ రైతుల భారీ నష్టాలను చవిచూసారని.. దీనిని ప్రకృతి విపత్తుగా ప్రకటించాలని.. కేంద్రం వీరిని ఆదుకోవాలని “అఖిల భారత కిసాన్ సంఘర్ష్ కోఆర్డినేషన్ కమిటీ” డిమాండ్ చేసింది.

Related Tags