Breaking News
  • మహబూబ్‌నగర్‌లో టెండర్‌ ఓటు నమోదు. 41వ వార్డులో 198వ పోలింగ్‌ కేంద్రంలో టెండర్‌ ఓటు నమోదు. ఘటనపై జిల్లా ఎన్నికల అధికారుల ఆగ్రహం. ఐదుగురు ఉద్యోగులను సస్పెండ్‌ చేస్తూ ఉత్తర్వులు. రీపోలింగ్‌ నిర్వహించాలని జిల్లా ఎన్నికల అధికారి ఆదేశం.
  • ల్యాండ్‌ పూలింగ్‌ సమయంలో చంద్రబాబు అనుచరులు భూములు కొన్నారు. మా దగ్గర ఆధారాలు ఉన్నాయి-అంబటి. చట్టప్రకారం వాళ్లమీద యాక్షన్‌ తీసుకుంటాం-అంబటి. లోకేష్‌, చంద్రబాబు తాబేదారులు భూములు కొన్నారు-అంబటి.
  • కడప: ప్రొద్దుటూరులో ముగ్గురు క్రికెట్‌ బుకీల అరెస్ట్‌. రూ.2,68 లక్షలు స్వాధీనం.
  • ఏపీ హైకోర్టులో ఉత్కంఠ. సీఆర్‌డీఏ రద్దు, రాజధాని తరలింపు పిటిషన్ల కీలక విచారణ. వాదోపవాదాలు తెలుసుకోవటం కోసం వచ్చిన.. వైసీపీ ఎంపీ విజయసాయిరెడ్డి, టీడీపీ ఎంపీ కేశినేని నాని. ప్రభుత్వం తరపున వాదనలు వినిపించనున్న.. మాజీ అటార్నీ జనరల్‌ ముకుల్‌ రోహిత్గి.
  • ఎవరైనా చట్టాలకు లోబడే పనిచేయాలి. మండలిలో జరిగేది ప్రజలకు తెలియకూడదనే ప్రసారాలు నిలిపేశారు. మండలిలో ఏ పార్టీ అధికారంలో ఉన్నా చట్టం ప్రకారమే నడవాలి. మండలి చైర్మన్‌కు అధికార పార్టీ నేతలు నరకం చూపించారు. బిల్లును హడావుడిగా ఆమోదించుకోవాలని ఎందుకు ప్రయత్నిస్తున్నారు. బెయిల్‌పై ఉన్న విజయసాయిరెడ్డికి కౌన్సిల్‌లో ఏం పని. -ఎమ్మెల్సీలు అశోక్‌బాబు, దీపక్‌, బచ్చులఅర్జునుడు, సత్యనారాయణరాజు.

‘దేశ వ్యాప్తంగా దిశ చట్టం’..12వ రోజుకు చేరిన ​ స్వాతి మాలివాల్ నిరాహార దీక్ష

Swati Maliwal continues hunger strike over women safety, ‘దేశ వ్యాప్తంగా దిశ చట్టం’..12వ రోజుకు చేరిన ​ స్వాతి మాలివాల్ నిరాహార దీక్ష

ఆంధ్రప్రదేశ్ సీఎం జగన్..ప్రతి విషయంలోనూ తన ప్రత్యేకతను చాటుకుంటున్నారు. ఆయన తీసుకునే కొన్ని నిర్ణయాలు దేశ వ్యాప్తంగా ప్రకంపనలు రేపుతున్నాయి. రివర్స్ టెండరింగ్, ప్రభుత్వంలో ఆర్టీసీ విలీనం వంటి సంచలనాత్మక నిర్ణయాలు తీసుకున్న ఏపీ సీఎం ఇటీవలే దిశ చట్టాన్ని తీసుకువచ్చి మరోసారి దేశం ద‌ృష్టిని ఆకర్షించారు.

మహిళలపై అత్యాచారం, యాసిడ్ దాడుల వంటి తీవ్రమైన  నేరాలకు పాల్పడేవారికి, కేసులు నమోదు తర్వాత త్వరితగతిన విచారణ జరిగేలా, శిక్షలు పడేలా ఏపీ ప్రభుత్వం దిశ చట్టాన్ని ప్రవేశపెట్టింది. నిందితులపై నేరారోపణకు సంబంధించి స్పష్టమైన ఆధారాలు ఉన్న నేపథ్యంలో 14 రోజుల్లోనే విచారణను ముగించి  21 రోజుల్లోనే..జీవితఖైదు లేదా మరణ శిక్ష విధించనున్నారు.

మహిళల భద్రతకు భరోసా ఇస్తోన్న ఇటువంటి చట్టాన్ని దేశవ్యాప్తంగా అమలు చెయ్యాలన్న డిమాండ్ ఉపందుకుంటోంది. దిశ బిల్లును దేశవ్యాప్తంగా తీసుకురావాలని డిమాండ్‌ చేస్తూ ఢిల్లీ మహిళా కమిషన్‌ చైర్​పర్సన్​ స్వాతి మాలివాల్  గత పన్నెండు రోజులుగా నిరాహార దీక్ష చేస్తున్నారు. ఈ నేపథ్యంలో ఆమె ప్రధానికి లేఖ రాశారు. మహిళలపై జరుగుతోన్న దాడులు పట్ల కేంద్రం తీసుకుంటున్న చర్యలను ఆమె తప్పుబట్టారు. దిశ బిల్లును దేశవ్యాప్తంగా తీసుకొచ్చేవరకు నిరాహార దీక్ష విరమించేది లేదని  స్పష్టం చేశారు. కాగా స్వాతి మాలివాల్‌కు వైద్య పరీక్షలు చేసిన డాక్టర్లు ఆరోగ్య పరిస్థితిపై ఆందోళన వ్యక్తం చేశారు.