Breaking News
  • భారత్ లో వేగంగా పెరుగుతున్న కరోనా కేసులు, మరణాలు. గడిచిన 24 గంటల్లో కొత్తగా 24,248 కేసులు, 425 మంది మృతి. దేశవ్యాప్తంగా 6,97,413 కేసులు,19,693 మంది మృతి. దేశ వ్యాప్తంగా 2,53,287 యాక్టీవ్ కేసులు,4,24,433 మంది డిశ్చార్జ్. దేశంలో 60.77 శాతానికి చేరిన కరోనా రికవరీ రేటు. కేంద్ర ఆరోగ్య మంత్రిత్వ శాఖ.
  • అమరావతి: నేడు సీఎం జగన్ ను కలవనున్న హై పవర్ కమిటీ . ఏల్జి పాలిమర్స్ ఘటనపై నివేదిక సమర్పించనున్న హై పవర్ కమిటీ. గ్యాస్ లీక్ తర్వాత అనేక అంశాల పై అధ్యయనం చేసిన హై పవర్ కమిటీ.
  • ఏపీలో మూడు రోజులు వర్షాలు. పశ్చిమ మధ్య బంగాళాఖాతంలో ఏర్పడిన ఉపరితల ఆవర్తనం. ఉత్తర కోస్తా, దక్షిణ ఒడిశా తీరాలకు సమీపంలో ఆవర్తనం. వాయవ్య బంగాళాఖాతంలో అల్పపీడనం. ఒడిశా, పశ్చిమబెంగాల్‌ తీరాలకు సమీపంలో కొనసాగుతున్న అల్పపీడనం. దీనికి అనుబంధంగా 7.6 కి.మీ. ఎత్తులో ఉపరితల ఆవర్తనం. అల్పపీడనంతో కోస్తా, రాయలసీమలపై నైరుతి రుతుపవనాల ప్రభావం. చురుగ్గా కదులుతున్న రుతుపవనాలు.
  • కాకినాడ: కరోన పరీక్షల్లో నిర్లక్ష్యం. కరోనా వైద్య పరీక్షలు విషయంలో బట్టబయలు అవుతున్న సిబ్బంది నిర్లక్ష్యం. కరోనా పాజిటివ్ వచ్చిన వ్యక్తులకు నెగిటివ్ అంటూ సమాచారం ఇస్తున్న సిబ్బంది. కరోనా ల్యాబ్ నుండి వచ్చిన పాజిటివ్ రిపోర్టులను నెగెటివ్ గా వెబ్ సైట్ లో అప్ లోడ్ చేస్తున్న సిబ్బంది. రెండు రోజుల క్రితం కాకినాడ నగరంలో జగన్నాయక్ పూర్ లో ఒక యువకుడికి కరోనా పాజిటివ్. మీకు కరోనా పాజిటివ్ వచ్చిదంటూ ఆదే మధ్యాహ్నం సమాచారం ఇచ్చిన పోలీసులు. లేదు నెగిటివ్ వచ్చిందంటూ చెప్పిన వైద్య ఆరోగ్య శాఖ సిబ్బంది.
  • శ్రీకాకుళం జిల్లా : ఇచ్చాపురంలో 14 రోజులు లాక్ డౌన్ - జిల్లా కలెక్టర్ జె నివాస్. తాగునీరు, పాలు, నిత్యావసర సరుకులు, మందులు మినహా అన్ని దుకాణాలు మూసివేత. కాంటైన్మెంట్ జోన్ లో ఏ దుకాణానికి అనుమతి లేదు. ఉదయం 6 నుండి మధ్యాహ్నం 1 వరకు మాత్రమే నిత్యావసర సరుకులకు అనుమతి. ఇచ్చాపురంలో కేసులు పెరుగుతున్న దృష్ట్యా నిర్ణయం. ప్రజలు ఇళ్లలోనే ఉండాలి. మాస్కులు ధరించాలి. వ్యక్తుల మధ్య దూరం పాటించాలి. చేతులను తరచూ సబ్బుతో శుభ్రపరచుకోవాలి. 144వ సెక్షన్ అమలు. ఎక్కడా ప్రజలు గుమిగూడరాదు. ప్రజలు సహకరించాలి.
  • తెలంగాణ రాష్ట్రంలో భారీగా మరోసారి కోవిడ్ కేసులు నమోద. ఇవ్వాళ కొత్తగా 1590 కొరొనా పాజిటివ్ కేసులు. ఇవ్వాళ కొత్తగా ఏడు మరణాలు-295కి చేరిన మరణాల సంఖ్య. మొత్తం కేసుల సంఖ్య 23902. ప్రస్తుతం ఆక్టివ్ గా 10 904 ఉన్నట్లు వైద్యశాఖ వెల్లడి. GHMC-1277, రంగారెడ్డి-82, మేడ్చెల్-125, సూర్యాపేట-23, నల్గొండ-14, మహబూబ్ నగర్-, సంగారెడ్డి19, కేసులు నమోదు. ఇవ్వాళ డిచార్జ్-1166 మొత్తం ఇప్పటి వరకు 12 703 మంది.

ఉమ్‌పన్ ఎఫెక్ట్: ఏపీలో వెండి నాణేల వర్షం..

ఉమ్‌పన్ తుఫాన్ దాటికి తీరప్రాంతాలు భయంతో వణికిపోతున్నాయి. ఏపీలో ఉమ్‌పన్ బలమైన ఈదురుగాలులతో బీభత్సం స్పష్టించింది. గాలివాన భయంతో ప్రజలు బిక్కుబిక్కుమంటుండగా, ఓ జిల్లాలో మాత్రం వెండి నాణేల వర్షం కురిసింది.
cyclone amphan unearths silver treasure in east godavari village, ఉమ్‌పన్ ఎఫెక్ట్: ఏపీలో వెండి నాణేల వర్షం..

ఉమ్‌పన్ తుఫాన్ దాటికి తీరప్రాంతాలు భయంతో వణికిపోతున్నాయి. ఏపీలో ఉమ్‌పన్ బలమైన ఈదురుగాలులతో బీభత్సం స్పష్టించింది. గాలివాన భయంతో ప్రజలు బిక్కుబిక్కుమంటుండగా, తూర్పుగోదావరి జిల్లాలో మాత్రం వెండి నాణేల వర్షం కురిసింది. జిల్లాలోని సముద్ర తీరం వెంట ఒక్కసారిగా వెండి నాణేలు కురిశాయి. దీంతో స్థానికులు ఓ వైపు ఆనందం, మరో ఆశ్చర్యంలో మునిగితేలారు. వివరాల్లోకి వెళితే…
బంగాళాఖాతంలో అల్పపీడనం కారణంగా తూర్పుగోదావరి జిల్లా ఉప్పాడ సముద్రతీరంలో సముద్రం ఉగ్రరూపం దాల్చింది. అలల తాకిడికి తీర ప్రాంతంలోని గ్రామాల్లో ఇళ్లు కోతకు గురై సముద్రంలో కలిసిపోయాయి. దీంతో ఉప్పాడ కొత్తపల్లిలోని కాలనీల్లోకి సముద్ర జలాలు ప్రవేశించాయి. సుమారు ఎనిమిది ఇళ్ల వరకు నేలమట్టమయ్యాయి. ఈ క్రమంలోనే తూర్పుగోదావరి జిల్లాలోని యు.కొత్తపల్లి మండలం కోనపాపపేటలో ఓ కూలిపోయిన ఇంటి గోడల్లోంచి వెండి నాణేలు బయటపడ్డాయి. ఈ నాణేలు బ్రిటిష్ కాలం నాటివిగా భావిస్తున్నారు. అయితే, వీటి వెనుక స్థానికులు అనేక రకలైన కథలు చెబుతున్నారు. పూర్వం బొందు అమ్మోరయ్య, ఎల్లమ్మ అనే మత్స్యకార కుటుంబానికి చెందినవారు ధనవంతులని, వారు ఇంటి గోడలలో ఈ వెండి నాణేలు దాచిపెట్టారేమో అనే పుకార్లు వినిపిస్తున్నాయి. వందల సంఖ్యలో వెండి నాణేలు స్థానికులకు దొరికినట్టుగా తెలుస్తోంది. అయితే, ఈ విషయాన్ని మాత్రం స్థానికులు గోప్యంగా ఉంచుతున్నట్లు సమాచారం.. పురావస్తు శాఖవారికి తెలిస్తే..వారు వెండి నాణేలు సీజ్ చేస్తారనే భయంతో ఇళ్లల్లో దాచుకున్నట్లు సమాచారం.

Related Tags