Corona Virus: కరోనా ఎఫెక్ట్, స్టార్ హోటళ్లలో పని చేసిన షెఫ్ ఇప్పుడు రోడ్ సైడ్ బిర్యానీ సెల్లర్ !

కరోనా వైరస్ లక్షలాది జీవితాలను మార్చివేసింది. అనేకమంది బతుకులు అస్తవ్యస్తమయ్యాయి. ఆ కోవలోదే అక్షయ్ పర్కార్ అనే షెఫ్ లైఫ్ కూడా ! ఒకప్పుడు ఫైవ్ స్టార్ హోటళ్లలోనూ, అంతర్జాతీయ నౌకల్లోనూ..

  • Umakanth Rao
  • Publish Date - 5:56 pm, Sat, 28 November 20
Corona Virus: కరోనా ఎఫెక్ట్, స్టార్ హోటళ్లలో పని చేసిన షెఫ్ ఇప్పుడు రోడ్ సైడ్ బిర్యానీ సెల్లర్ !

కరోనా వైరస్ లక్షలాది జీవితాలను మార్చివేసింది. అనేకమంది బతుకులు అస్తవ్యస్తమయ్యాయి. ఆ కోవలోదే అక్షయ్ పర్కార్ అనే షెఫ్ లైఫ్ కూడా ! ఒకప్పుడు ఫైవ్ స్టార్ హోటళ్లలోనూ, అంతర్జాతీయ నౌకల్లోనూ కుకింగ్ మాస్టర్ గా పని చేసిన ఈయన కరోనా వైరస్ కారణంగా తన జాబ్ కోల్పోయాడు. ఇక చేసేదేమీ లేక ముంబైలో రోడ్డు పక్కన చిన్న స్టాల్ ఏర్పాటు చేసుకుని బిర్యానీ అమ్మడం ప్రారంభించాడు. కరోనా మహమ్మారికి ముందు తాజ్ ఫ్లైట్ సర్వీసెస్, ప్రిన్సెస్ వంటి షిప్ లలో సుమారు ఎనిమిదేళ్లపాటు షెఫ్ గా పని చేసిన ఈయన..ఇక బతుకుదెరువు కోసం ఇలా రోడ్ సైడ్ బిర్యానీ సెల్లర్ అయ్యాడు. తన స్టాల్ లో అక్షయ్ పర్కార్ కేజీ వెజ్ బిర్యానీ 800 రూపాయలకు, నాన్-వెజ్  బిర్యానీని 900 రూపాయలకు అమ్ముతున్నాడట. అయినా తనకు ఇదేమీచిన్నతనమనిపించడం లేదంటున్నాడు.

ఫేస్ బుక్ లో ఇతని స్థితి చూసి చలించిపోయి అనేకమంది నెటిజన్లు ఆయనకు కంగ్రాట్స్ చెబుతున్నారు. కీప్ గోయింగ్ బ్రదర్ అని ఒకరు. ఐ విష్ ఫర్ యువర్ సక్సెస్ అని మరొకరు, కంగ్రాచులేషన్స్ అని ఇంకొకరు ఇలా చాలామంది ఉత్సాహపరుస్తున్నారు. అతనికి ధైర్యం చెబుతున్నారు. విధి బలీయం అన్న నానుడిని తాను నమ్మనని అంటున్న అక్షయ్ తనకు మళ్ళీ మంచి రోజులు వస్తాయని గట్టిగా ఆశిస్తున్నాడు.