Viral: మందు కొట్టి పాముతో పరాచకాలు.. అది ఎక్కడ కాటేసిందో తెలిస్తే బెంబేలెత్తిపోతారు
మద్యం మత్తులో ఓ వ్యక్తి అరాచకం సృష్టించాడు. మత్తులో తేలుతూ ఏం చేస్తు్న్నాడో తెలియని పరిస్థితుల్లో పాముతో చెలగాటమాడాడు. పరాచకాలాడుతూ ప్రాణాలే పోగొట్టుకున్నాడు. మహారాష్ట్రలోని భివండీ జిల్లాలోని కొంబడపాడ ప్రాంతానికి చెందిన...
మద్యం మత్తులో ఓ వ్యక్తి అరాచకం సృష్టించాడు. మత్తులో తేలుతూ ఏం చేస్తు్న్నాడో తెలియని పరిస్థితుల్లో పాముతో చెలగాటమాడాడు. పరాచకాలాడుతూ ప్రాణాలే పోగొట్టుకున్నాడు. మహారాష్ట్రలోని భివండీ జిల్లాలోని కొంబడపాడ ప్రాంతానికి చెందిన శివ హటేకర్ ఆదివారం రాత్రి మద్యం తాగాడు. మత్తులో ఆ ప్రాంతంలో ఉన్న ఓ ఆలయానికి వెళ్లాడు. అదే సమయంలో అతడికి ఓ పాము కనిపించింది. దానితో మాట్లాడుతూ.. నేను నిన్నమీ చేయను, నవ్వు నన్నేమీ చేయవద్దు, మనమిద్దరం స్నేహితులం అంటూ ముచ్చటించాడు. అంతటితో ఆగకుండా దాని తోకను పట్టుకున్నారు. అప్పటికే కోపంతో బుసలు కొడుతున్న పాము కాటేసేందుకు చాలా సార్లు ప్రయత్నించింది. అయినప్పటికీ యువకుడు తన ప్రవర్తన మార్చుకోకపోవడంతో మరో సారి కాటేసింది. ఈ సారి యువకుడి పురుషాంగంపై కాటేయడంతో అతడు బాధ, భయంతో వణికిపోయాడు.
భయంతో కేకలు వేయడంతో స్థానికులు అప్రమత్తమయ్యారు. యువకుడిని వెంటనే ఆస్పత్రికి తరలించారు. అక్కడ పరీక్షించిన వైద్యులు.. పరిస్థితి విషమించిందని, పెద్దాసుపత్రికి తీసుకెళ్లాలని సూచించారు. దీంతో శివను ముంబయి ఆసుపత్రికి తీసుకెళ్లారు. అక్కడ చికిత్స పొందుతూ మరణించాడు. ఈ ఘటన స్థానికంగా తీవ్ర చర్చనీయాంశంగా మారింది.
మరిన్ని జాతీయ వార్తల కోసం క్లిక్ చేయండి..