ఓల్డ్ మలక్‌పేటలో పోలింగ్ ఆపాలంటూ సీపీఐ డిమాండ్

ghmc elections: ఓల్డ్ మలక్‌పేట డివిజన్‌లో సీపీఐ కార్యకర్తలు ఆందోళనకు దిగారు. డివిజన్ పరిధిలో పోలింగ్ నిలిపివేయాలని సీపీఐ డిమాండ్ చేసింది. బ్యాలెట్ పేపర్‌లో ఒక గుర్తుకు బదులు మరో గుర్తును కేటాయించారని ఆరోపించారు. సీపీఐ తరుపున పోటీ చేస్తున్న అభ్యర్థికి కంకి కొడవలి గుర్తుకు బదులుగా సుత్తి కొడవలి గుర్తును కేటాయించారని తెలిపారు. దీంతో వెంటనే పోలింగ్ నిలిపివేసి, మళ్లి సరియైన బ్యాలెట్ పేపర్‌ను ముద్రించాలని సీపీఐ నేతలు కోరారు. అయితే, ఎన్నికల కమిషన్ నిర్లక్ష్యం వల్లే ఇలా జరిగిందని సీపీఐ రాష్ట్ర కార్యదర్శి చాడా వెంకటరెడ్డి మండిపడ్డారు. వెంటనే ఓల్డ్ మలక్‌పేట డివిజన్ పోలింగ్ నిలిపివేయాలని డిమాండ్ చేశారు.