Breaking News
  • అమరావతి: ‘నేషనల్‌ ఎడ్యుకేషన్‌ పాలసీ–2020’ పై సీఎం వైయస్‌ జగన్‌ సమీక్ష: జాతీయ విద్యా విధానం–2020లో ఏం ప్రస్తావించారు? రాష్ట్రంలో ప్రస్తుత విద్యా విధానం ఎలా ఉంది? వంటి అన్ని అంశాలపై వివరించిన అధికారులు. సమీక్షలో సీఎం జగన్ మోహన్ రెడ్డి. అన్ని కాలేజీలు మూడేళ్లలో పూర్తి ప్రమాణాలు సాధించి ఎన్‌ఏసీ,ఎన్‌బీఏ అక్రిడిటేషన్‌ పొందాలి. కాలేజీల్లో ప్రమాణాలపై ఎస్‌ఓపీలు ఖరారు చేసి అన్ని కాలేజీలలో రెగ్యులర్‌గా తనిఖీలు చేయండి. 30 మందితో 10 బృందాలు ఏర్పాటు చేయండి టీచర్‌ ట్రెయినింగ్‌ కాలేజీలపై దృష్టి పెట్టండి. ప్రమాణాలు లేకపోతే నోటీసులు ఇవ్వండి మార్పు రాకపోతే ఆ కాలేజీలను మూసి వేయండి.
  • కీసర మాజీ తహసీల్దార్ నాగరాజు కేసులో ముగ్గురికి బెయిల్. ఎమ్మార్వో నాగరాజు పై మరో కేసు నమోదు కావడంతో బెయిల్ నిరాకరించిన ఏసీబీ కోర్ట్. రియల్ ఎస్టేట్ వ్యాపారులు ఆంజిరెడ్డి, శ్రీనాథ్, విఆర్ఏ సాయి రాజ్ లకు బెయిల్ మంజూరు చేసిన ఏసీబీ కోర్ట్.
  • ట్రాయ్ కొత్త ఛైర్మన్‌గా పీడీ వాఘేలా నియామకం. ఉత్తర్వులు జారీ చేసిన కేంద్ర ప్రభుత్వం.
  • సైబరాబాద్ కమిష్నరేట్ మొయినాబాద్ పొలిస్టేషన్ పరిధిలోని హిమయత్ నగర్ లో 25వ తేది అత్మహత్య చేసుకున్న ‌మహిళ కేసును చేదించిన మొయినాబాద్ పొలీసులు . అత్మహత్యకు కారకుడైనా భతుకు మధుసుధన్ యాదవ్ ను అదునులోకి తీసుకుని రిమాండ్ కు తరలించారు . కేసుకు సంబంధించిన వివరాలను శంషాబాద్ డిసిపి ప్రకాష్ రెడ్డి వెల్లడించారు.
  • ఏపీ హైకోర్టుని ఆశ్రయించిన సినీ నటుడు కృష్ణంరాజు. విమానాశ్రయం విస్తరణలో 31 ఎకరాల భూమికి సరైన నష్టపరిహారం చెల్లించాలని కోరుతూ పిటిషన్ దాఖలు చేసిన కృష్ణంరాజు. తన పొలంలో ఉన్న పంటలు, నిర్మాణాలు ఇతరత్రా వాటి విలువ కలిపి నష్టపరిహారం చెల్లించాలని పిటిషన్ లో కోరిన కృష్ణంరాజు. కౌంటర్ దాఖలు చేయాలని ప్రభుత్వాన్ని ఆదేశించిన హైకోర్టు. తదుపరి విచారణ వచ్చే సోమవారానికి వాయిదా వేసిన హైకోర్టు.
  • చెన్నై : ఏపీ ముఖ్యమంత్రి జగన్ కి కృతజ్ఞతలు తెలిపిన నటుడు కమహాసన్ . ప్రముఖ గాయకుడు ఎస్పీబీ కి భారత రత్న ఇవ్వాలని ప్రధాని కి లేఖ రాసిన ఏపీ సీఎం జగన్ . ఒక గొప్ప గాయకుడికి , మా అన్నయ కి తప్పకుండ ఈ గౌరవం దక్కాలని , తమిళనాడు లో మాత్రమే కాకుండా దేశ వ్యాప్తంగా ఉన్న ఆయన అభిమానులు కోరుకుంటున్నారని వెల్లడి . ఈ విషయం లో ముందడుగు వేసిన ఏపీ సీఎం జగన్ గారికి నా ప్రత్యేక కృతజ్ఞతలు.
  • తెలంగాణ విద్యార్థి వేదిక రాష్ట్ర ప్రధాన కార్యదర్శి మెంచూ సందీప్ కు బెయిల్ మంజూరు చేసిన NIA కోర్ట్. మావోయిస్టులతో సంబంధాలు ఉన్నాయన్న ఆరోపణలతో 2019 డిసెంబర్ లో అరెస్ట్ అయిన సందీప్.. ప్రస్తుతం వరంగల్ సెంట్రల్ జైల్లో ఉన్న సందీప్.. ప్రస్తుతం సందీప్ పై ఐదు కేసులు నమోదు చేసిన పోలీసులు. రేపు జైలు నుండి బయటకు రానున్న సందీప్.

వైరస్‌ రూపాంతరం.. ఏడాదికో కొత్త వ్యాక్సిన్‌ కావాల్సిందేనా!

ప్రపంచమంతా ప్రస్తుతం కరోనా వ్యాక్సిన్ కోసం ఎదురుచూస్తోంది. వ్యాక్సిన్‌ వస్తేనే వైరస్ వ్యాప్తికి అడ్డుకట్ట వేయొచ్చని వైద్యులు అంటున్నారు

Coronavirus vaccine lifetime, వైరస్‌ రూపాంతరం.. ఏడాదికో కొత్త వ్యాక్సిన్‌ కావాల్సిందేనా!

Coronavirus vaccine lifetime: ప్రపంచమంతా ప్రస్తుతం కరోనా వ్యాక్సిన్ కోసం ఎదురుచూస్తోంది. వ్యాక్సిన్‌ వస్తేనే వైరస్ వ్యాప్తికి అడ్డుకట్ట వేయొచ్చని వైద్యులు అంటున్నారు. అయితే ఈ లోపే మరో కొత్త వాదన తెరపైకి వచ్చింది. అదేంటంటే వచ్చే వ్యాక్సిన్ జీవితకాలం ఎంత అని.? వైరస్ రూపాంతరం అవుతున్న వేళ వ్యాక్సిన్ శక్తి ఒక ఏడాదికే పరిమితం అయినా ఆశ్చర్యపోవల్సిన అవసరం లేదనే వ్యాఖ్యలు వినిపిస్తున్నాయి. గతంలో ఉన్న అనుభవాల నేపథ్యంలో ఇలాంటి అనుమానాలు తెరపైకి వస్తున్నాయి.

ఉదాహరణ తీసుకుంటే ఇన్‌ఫ్లూయోంజా వైరస్‌కి 1930లోనే వ్యాక్సిన్ అందుబాటులోకి వచ్చింది. 1990 తరువాత ఈ వ్యాక్సిన్‌ అన్ని దేశాల్లో అందుబాటులోకి వచ్చింది. అయితే ఈ ఫ్లూ వైరస్‌ అత్యంత వేగంగా మార్పు చెందుతుండటంతో ప్రతి సంవత్సరం వ్యాక్సిన్‌ని అందుకు తగ్గట్లుగా మార్పు చేయాల్సి వస్తోంది. అంతేకాదు ప్రతి సంవత్సరం వ్యాక్సిన్ వేయించుకోవాల్సిందేనని ప్రపంచ ఆరోగ్య సంస్థ ప్రకటించింది. ఇక కరోనాకు సైతం ఇలానే తరుచుగా వ్యాక్సిన్‌ చేయించుకోవల్సిన పరిస్థితి ఉంటుందన్న అనుమానాలు వ్యక్తమవుతున్నాయి. దానికి తోడు చైనాలో పుట్టిన కరోనా వైరస్ ప్రభావం ఒక్కో దేశంలో ఒక్కో విధంగా ఉంటుంది. నెలలు గడుస్తున్న కొద్దీ దానిలో మార్పులు చోటు చేసుకుంటున్నాయి. ఫ్లూ వైరస్ అంత వేగంగా కరోనాలో మార్పులు లేకున్నా, ఈ వైరస్ మాత్రం రూపాంతరం చెందుతోందని శాస్త్రవేత్తలు చెబుతున్నారు. దీంతో వ్యాక్సిన్ అందుబాటులోకి వచ్చినా, వైరస్ మారితే అది పనిచేసే అవకాశం ఉండదు. అప్పుడు వ్యాక్సిన్‌లో మళ్లీ మార్పులు చేయాల్సి ఉంటుందని శాస్త్రవేత్తలు అభిప్రాయపడుతున్నారు.

Read This Story Also: వచ్చే నెలలో ఏపీలో తగ్గనున్న కరోనా!

Related Tags