Covid 19: చైనాలో 92% క్షీణించిన కార్ల అమ్మకాలు
Covid 19: చైనాలో 2వేలకు పైగా ప్రజలను బలిగొన్న కోవిడ్-19 (కరోనా వైరస్) మరో 26 దేశాల్లో విజృంభిస్తోన్న సంగతి విదితమే. కరోనావైరస్ దెబ్బకు పారిశ్రామిక రంగం విలవిల్లాడుతోంది. ప్రపంచ వృద్ధిరేటే 1శాతం కుంగవచ్చని నివేదికలు ఘోషిస్తున్నాయి. ఆ ప్రభావం ఆటోమొబైల్ రంగంపై కూడా పడింది. ప్రపంచంలోనే అతిపెద్ద ఆటోమొబైల్ మార్కెట్ అయిన చైనాలో కార్ల విక్రయాలు భారీగా పతనమయ్యాయి. కేవలం నామమాత్రంగానే విక్రయాలు జరుగుతున్నాయి. తాజాగా చైనా ప్యాసింజర్ కార్స్ అసోసియేషన్(సీపీసీఏ) ఫిబ్రవరి తొలి 16 […]
Covid 19: చైనాలో 2వేలకు పైగా ప్రజలను బలిగొన్న కోవిడ్-19 (కరోనా వైరస్) మరో 26 దేశాల్లో విజృంభిస్తోన్న సంగతి విదితమే. కరోనావైరస్ దెబ్బకు పారిశ్రామిక రంగం విలవిల్లాడుతోంది. ప్రపంచ వృద్ధిరేటే 1శాతం కుంగవచ్చని నివేదికలు ఘోషిస్తున్నాయి. ఆ ప్రభావం ఆటోమొబైల్ రంగంపై కూడా పడింది. ప్రపంచంలోనే అతిపెద్ద ఆటోమొబైల్ మార్కెట్ అయిన చైనాలో కార్ల విక్రయాలు భారీగా పతనమయ్యాయి. కేవలం నామమాత్రంగానే విక్రయాలు జరుగుతున్నాయి. తాజాగా చైనా ప్యాసింజర్ కార్స్ అసోసియేషన్(సీపీసీఏ) ఫిబ్రవరి తొలి 16 రోజుల్లో జరిగిన విక్రయాలపై నివేదిక ఇచ్చింది.
చైనా ప్యాసింజర్ కార్స్ అసోసియేషన్(సీపీసీఏ) అంచనాల మేరకు ఫిబ్రవరి 16వ తేదీ వరకు అక్కడ ప్యాసింజర్ కార్ల విక్రయాలు 92శాతం పతనమయ్యాయి. గతేడాది ఇదే సీజన్లో 59,930 కార్లు అమ్ముడుపోతే ఇప్పుడు 4,909 కార్లు మాత్రమే అమ్ముడుపోయాయి. అతి తక్కువ డీలర్లు మాత్రమే షోరూమ్లను తెరిచినట్లు ఈ నివేదికలో వెల్లడించారు. వారి వద్ద కూడా కస్టమర్లు తక్కువగానే ఉన్నారని పేర్కొంది. చైనా మార్కెట్లో ఏటా 25 మిలియన్ల వాహనాలను విక్రయిస్తారు.
కొవిడ్-19 విజృంభణ నేపథ్యంలో చైనాలో వాహనా తయారీ సంస్థలు ఉత్పత్తిని నిలిపివేశాయి.చైనాలో నెలకొన్న మందగమనంతో భారత్పై పెను ప్రభావం పడనుందని ఫిచ్ ఇటీవల పేర్కొంది. దీంతో తయారీ దారులు సైతం వాహనాల ఉత్పత్తిని తగ్గించాల్సిన పరిస్థితి నెలకొంటుందని సంస్థ తెలిపింది. ప్రస్తుత పరిస్థితుల దృష్ట్యా ఈ కారణాలతో 2020లో 8.3 శాతం మేర వాహనాల ఉత్పత్తి తగ్గేందుకు అవకాశాలున్నాయని పేర్కొంది. ఈ తగ్గుదల 2019లో 13.2 శాతంగా ఉండడం గమనార్హం.