Once Again Lockdown In China: కరోనా పుట్టినిల్లు చైనాలో మళ్ళీ పెరుగుతున్న కరోనా, లాక్ డౌన్ దిశగా పాలకుల అడుగులు
ప్రపంచాన్ని వణికిస్తున్న కోవిడ్ 19 మహమ్మారికి పుట్టిల్లు చైనా. తమ దేశంలో కరోనా అదుపులోకి వచ్చిందని అక్కడ పాలకులు లాక్డౌన్ పూర్తిగా ఎత్తివేశారు. అయితే అక్కడ మళ్లీ భారీగా పాజిటివ్‌ కేసులు..
Once Again Lockdown In China:ప్రపంచాన్ని వణికిస్తున్న కోవిడ్ 19 మహమ్మారికి పుట్టిల్లు చైనా. తమ దేశంలో కరోనా అదుపులోకి వచ్చిందని అక్కడ పాలకులు లాక్డౌన్ పూర్తిగా ఎత్తివేశారు. అయితే అక్కడ మళ్లీ భారీగా పాజిటివ్‌ కేసులు నమోదవుతున్నాయి. దీంతో పలు ప్రాంతాల్లో లాక్డౌన్ విధించాల్సిన దిశగా అధికారులు అడుగులు వేస్తున్నారు. తాజాగా ఉత్తర చైనాలోని హెబీ ప్రావిన్సులో కరోనా బాధితుల సంఖ్య క్రమంగా పెరుగుతున్నట్లు గుర్తించిన అధికారులు లాక్డౌన్ ఆంక్షలు విధించారు. హెబీ ప్రావిన్సులో ఏడున్నర కోట్ల మంది నివశిస్తున్నారు. తాము వైరస్‌ను సమర్థవంతంగా కట్టడి చేశామని డ్రాగన్ ప్రభుత్వం చెబుతున్నప్పటికీ దేశవ్యాప్తంగా ఎక్కడో చోట కరోనా కేసులు వెలుగులోకి వస్తూనే ఉన్నాయి. కేవలం గురువారం ఒక్కరోజే 63కేసులు నమోదయ్యాయని చైనా నేషనల్‌ హెల్త్‌ కమిషన్‌ తెలిపింది. బాధితుల్లో 52మంది స్థానికులని.. మరో 11మంది బయట ప్రాంతాలనుంచి వచ్చిన వారని చెప్పింది.
ప్రావిన్సుకు ప్రధాన కేంద్రమైన షిజియాజువాంగ్‌లో వైరస్ తీవ్రత అధికంగా ఉందని గుర్తించిన అధికారులు పలు ఆంక్షలు విధించారు. ఇతర ప్రాంతాలనుంచి రైలు, విమాన సర్వీసుల రాకపోకలను నిలిపివేశారు. ఇక షిజియాజువాంగ్‌తో పాటు షేన్‌యాంగ్‌, లయోనింగ్‌ ప్రావిన్సులోని దాలియన్‌ నగరాల్లోనూ వైరస్ వ్యాప్తిని నివారణకు అనేక చర్యలు తీసుకుంటున్నారు. ఫిబ్రవరి లో చైనా న్యూ ఇయర్ వేడుకలను జరుపుకోవడానికి ప్రజలు సిద్ధమవుతున్నారు. దీంతో మళ్ళీ కరోనా వైరస్ ఎక్కడ విజృంభిస్తుందోనని అధికారులు ఆందోళన వ్యక్తం చేస్తున్నారు.. వీలైనంత సింపుల్ గా వేడుకలను జరుపుకోవాలని విజ్ఞప్తి చేస్తున్నారు. మరోవైపు ప్రయోగ దశలో ఉన్న కరోనా వ్యాక్సిన్ ను ఇప్పటికే పంపిణీ చేస్తున్నారు చైనా పాలకులు. అయితే ఈ టీకా పనితీరుపై పలు దేశాలు అనుమానం వ్యక్తం చేస్తున్నాయి. నేపాల్ వంటి దేశాలు ఈ టీకా పంపిణీకి నిరాకరిస్తున్నాయి.
Also Read:
