జీహెచ్ఎంసీ వెబ్సైట్లో కొవిడ్-19 వివరాలు
కరోనా సమాచారాన్ని జీహెచ్ఎంసీ వెబ్సైట్లో అందుబాటులో ఉంచుతామని జీహెచ్ఎంసీ కమిషనర్ లోకేశ్ కుమార్ వెల్లడించారు. పేషెంట్ ఐడీ, వార్డు, సర్కిల్...
కరోనా సమాచారాన్ని జీహెచ్ఎంసీ వెబ్సైట్లో అందుబాటులో ఉంచుతామని జీహెచ్ఎంసీ కమిషనర్ లోకేశ్ కుమార్ వెల్లడించారు. పేషెంట్ ఐడీ, వార్డు, సర్కిల్, జోనల్ సమాచారాన్ని ఇందులో పొందుపరుస్తామని చెప్పారు. ఈ వివరాలను ప్రతి రోజు అప్డేట్ చేస్తామని ఆయన అన్నారు. రెసిడెన్షియల్ వెల్ఫేర్ అసోసియేషన్లు, కాలనీ అసోసియేషన్లు ఈ వివరాలను చూసుకొని వైరస్ వ్యాప్తి నియంత్రణకు సహకరించాలని లోకేశ్ కుమార్ కోరారు. కరోనా పాజిటివ్ వచ్చి ఇంటి వద్దనే ఉంటూ వైద్య సేవలు పొందుతున్నవారికి హోం ఐసోలేషన్ కిట్లను అందిస్తుమని తెలిపారు. దీని కోసం 20 వేల హోం ఐసోలేషన్ కిట్లను తెప్పించామన్నారు. వాటిలో 15 వేల కిట్లను పంపిణీ చేశామని వెల్లడిచారు.