Breaking News
  • భారత్ లో విజృంభిస్తున్న కరోనా వైరస్. ఒక లక్ష 31 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 131868. దేశ వ్యాప్తంగా యాక్టీవ్ కేసులు: 73560. కరోనా నుంచి డిశ్చార్జ్ అయిన బాధితులు: 54441. దేశం మొత్తం కరోనా తో మృతుల సంఖ్య : 3867. కేంద్ర ఆరోగ్య మంత్రిత్వ శాఖ.
  • కరోనా తెలంగాణా బులిటిన్. ఇవ్వాళ తాజాగా 41 పాజిటివ్ కేసులు నమోదు. మొత్తం రాష్ట్రంలో 1854 కరోనా పాజిటివ్ కేసులు . ఇవ్వాళ నలుగురు మృతి. మొత్తం ఇప్పటివరకు 53 మంది కరోనా కు బలి అయ్యారు. యాక్టీవ్ కేసులు 709 మంది చికిత్స పొందుతున్నారు.
  • తిరుమల: ఆర్జిత సేవలు, దర్శన టికెట్ల రుసుము రీఫండ్. జూన్ 30వ తేది వరకు శ్రీవారి ఆర్జిత సేవలు, వీఐపీ దర్శన టికెట్లు, తిరుమలలో గదులు బుక్ చేసుకున్న భక్తులకు డబ్బులు రీఫండ్. టికెట్ల వివరాలను refunddesk_1@tirumala.org మెయిల్ ఐడీకి పంపాలని భక్తులను కోరిన టీటీడీ.
  • వరంగల్ 9 మర్డర్ కేసు లో సంచలన బ్రేకింగ్ . 9 మందిని హత్య చేసింది సంజయ్ . మాక్సుద్ భార్య చెల్లెలి తో సంబంధం ఉన్న సంజయ్. మాక్సుద్ భార్య చెల్లలి తో అక్రమ సంబంధం ఉన్న సంజయ్. తనకు అడ్డు రావొద్దని మాక్సుద్ కుటుంబం తో పాటు సన్నిహితంగా ఉన్న బిహారి యువకులను హత్య చేసిన సంజయ్.
  • CRPF జవాన్ లకు కరోనా పాజిటివ్. ఈ రోజు 9 మంది CRPF జవాన్ కి కరోనా పాజిటివ్ ఉన్నట్లు దృవీకరించిన వైద్యులు. దేశ వ్యాప్తంగా మొత్తం 359 CRPF సిబ్బందికి కరోనా పాజిటివ్ ఉన్నట్లు దృవీకరణ. 137 యాక్టీవ్ కేస్ లు. 220 మంది డిశ్చార్జ్, ఇద్దరు మృతి.
  • దేశ వ్యాప్తంగా భానుడి భగ భగ. పంజాబ్, హర్యానా, దక్షిణ యుపి, మధ్యప్రదేశ్, రాజస్థాన్, తెలంగాణ, తీరప్రాంత ఆంధ్రప్రదేశ్‌లో ఉష్ణోగ్రతలు పెరుగుతూనే ఉంటాయని IMD హెచ్చరిక.. రాబోయే 5 రోజుల్లో తీవ్రమైన హీట్ వేవ్ ఉంటాయని హెచ్చరిక.

తెలంగాణ‌కు ఊర‌ట‌..25వేల మంది విడుద‌ల !

covid-19: 25000 people to release from quarantine, తెలంగాణ‌కు ఊర‌ట‌..25వేల మంది విడుద‌ల !
భార‌త్‌లో కోవిడ్-19 మహమ్మారి విజృంభిస్తోంది. గడచిన 8 రోజుల నుంచి పాజిటివ్ కేసుల సంఖ్య రోజుకు సగటున 500 వరకు నమోదవుతున్నాయి. బుధవారం దేశవ్యాప్తంగా మరో 600పైగా కేసులు నమోదయ్యాయి. దేశవ్యాప్తంగా ఇప్పటి వరకు 5,916 పాజిటివ్ కేసులు నిర్ధారణ కాగా.. 180 మంది ప్రాణాలు కోల్పోయారు. మరో 565 మంది కోలుకుని ఇళ్లకు వెళ్లారు.
ఇటు, తెలుగు రాష్ట్రాల్లోనూ కరోనా వైర‌స్ ఉదృతి ఎక్కువ‌గానే ఉంది. బుధవారం ఆంధ్రప్రదేశ్‌లో 34, తెలంగాణలో 49 కొత్త కేసులు నమోదయ్యాయి. దీంతో మొత్తం కరోనా కేసులు ఏపీలో 348, తెలంగాణలో 453కి చేరుకున్నాయి. ఏపీలో 9 మంది, తెలంగాణలో 43 మంది కోలుకుని ఇంటికి వెళ్లారు. అలాగే రెండు రాష్ట్రాల్లో మొత్తం 15 మంది ప్రాణాలు కోల్పోయారు. తెలంగాణలో కొత్తగా మరో 49 కరోనా వైరస్‌ కేసులు నమోదయ్యాయి. ఇప్పటి వరకూ రాష్ట్రంలో కరోనా వైరస్‌ బారిన పడి 11 మంది మృతిచెందగా.. 45 మంది పూర్తిగా కోలుకొని ఆసుపత్రుల నుంచి డిశ్ఛార్జి అయ్యారు. ప్రస్తుతం వేర్వేరు ఆసుపత్రుల్లో 397 మంది చికిత్స పొందుతున్నారు. కాగా, క‌రోనా నేప‌థ్యంలో వేల సంఖ్య‌లో అనుమానితుల్ని హోం క్వారంటైన్‌లో ఉంచిన సంగ‌తి తెలిసిందే.
అయితే, వారిలో సుమారుగా 25 వేల మందిని విడుద‌ల చేయ‌నున్న‌ట్లు స‌మాచారం. వీరంతా కూడా విదేశాల నుంచి వ‌చ్చిన వారే. క‌రోనా నేప‌థ్యంలో అంద‌రినీ రెండు వారాల హోం క్వారంటైన్‌లో ఉండాల‌ని సూచించింది తెలంగాణ ప్ర‌భుత్వం. ఈ రోజుతో వాళ్ల‌ను రిలీజ్ చేయ‌నున్న‌ట్లుగా అధికార వ‌ర్గాల స‌మాచారం. కేవ‌లం విదేశాల నుంచి వ‌చ్చిన వాళ్ల‌నే కాకుండా వారిని క‌లిసిన వ్య‌క్తుల‌కు కూడా ఈ రోజుతో గ‌డువు ముగిసింది. వీరిలో ఎవ‌రికీ క‌రోనా ల‌క్ష‌ణాలు లేవ‌ని తేలింది. దీంతో వారివారి ఇళ్లకు అతికించిన కరోనా అలెర్ట్ స్టిక్కర్ల ను   తొలగించనున్నారు. వీరందరికి ముందు జాగ్రత్త చర్యగా మాస్కులు శానిటైజర్లు అంద‌జేస్తారు. అలాగే ఈ రోజు నుండి వీరి ఇళ్లపై పోలీసు రెవెన్యూ అధికారుల నిఘా తొలగించనున్నారు. తెలంగాణ ప్ర‌భుత్వం తీసుకుంటున్న ప‌టిష్టమైన చ‌ర్య‌ల ఫ‌లితంగానే రాష్ట్రంలో క‌రోనా వైర‌స్ వ్యాప్తి క‌ట్ట‌డిలో ఉంద‌ని ప‌లువురు విశ్లేష‌కులు హ‌ర్షం వ్య‌క్తం చేస్తున్నారు.

Related Tags