Breaking News
  • ఆంధ్రప్రదేశ్‌, తెలంగాణలలో అకాలవర్షం భయపెడుతోంది. కర్నూలు, మహబూబ్‌నగర్‌ పరిధిలోని నల్లమల అటవీ ప్రాంతాల్లో జోరుగా వానపడింది. ఇటు వికారాబాద్‌ జిల్లా పర్గితో పాటు రంగారెడ్డి జిల్లా శంషాబాద్‌లోనూ వర్షం కురిసింది. వేసవి కాలంలో పడుతున్న ఈ అకాలవర్షంతో జనం బెంబేలెత్తారు. మామూలుగా అయితే ఈ వర్షాలకు జనం సేదతీరేవారే! కానీ కరోనా కాలం కావడంతో వైరస్‌ వ్యాప్తి చెందుతున్న భయం వెంటాడుతోంది
  • లాక్‌డౌన్‌పై ప్రజలకు పూర్తి అవగాహన ఉండటంతో మంచి సహకారమే అందుతోందని చిత్తూరు జిల్లా ఎస్పీ సెంథిల్‌ కుమార్‌ తెలిపారు. అంతర్‌ రాష్ట్రాల మధ్య రాకపోకలను కట్టడి చేసేందుకు చెక్‌పోస్టులను ఏర్పాటుచేసి ప్రత్యేక నిఘా పెట్టామన్నారు. లాక్‌డౌన్‌ నిబంధనల ఉల్లంఘనకు సంబంధించి 5 వేల కేసులు నమోదుచేశామన్నారు.
  • ఆరోగ్యసేతు యాప్‌లో కరోనా వైరస్‌కు సంబంధించిన సమాచారంతోపాటు... వ్యాధి లక్షణాలు, దగ్గర్లో ఎక్కడెక్కడ హెల్త్‌ సెంటర్స్‌ ఉన్నాయన్న సమాచాం లభిస్తుంది. వీటితోపాటు మనం కరోనా పాజిటివ్‌ ఉన్న వ్యక్తి ప్రాంతానికి వెళ్తే అలర్ట్ వస్తుంది. అయితే కొన్నిచోట్ల ఈ యాప్‌ పనిచేయడం లేదు. దీంతో గందరగోళానికి పడిపోయిన వినియోగదారులు.
  • కరోనా భూతాన్ని తరిమికొట్టేందుకు కేంద్ర ప్రభుత్వం గట్టి చర్యలు తీసుకుంటోంది.. . ఇవాళ భేటి అయిన కేంద్ర కేబినెట్‌ ఇందుకు సంబంధించి కొన్ని కీలక నిర్ణయాలు తీసుకుంది. కరోనా మహమ్మారిపై యుద్ధం చేయడానికి నిధుల కొరత ఉండకూడదన్న ఉద్దేశంతో పార్లమెంట్‌ సభ్యుల వేతనాల్లో 30 శాతం కోత విధించారు.. ఏడాది పాటు కోత ఉంటుంది.
  • కరోనా వ్యాధి ప్రబలడం తర్వాత మనకు కేంద్ర ప్రభుత్వం నుంచి వచ్చిన సూచనలను, అంతర్జాతీయ స్థాయిలో పాటించబడిన పద్దతులను మనం అనుసరిస్తున్నామన్నారు తెలంగాణ ముఖ్యమంత్రి కేసీఆర్‌.

రసకందాయంలో మునిసిపల్ ఎన్నికలు

telangana high court hearing, రసకందాయంలో మునిసిపల్ ఎన్నికలు

తెలంగాణ మునిసిపల్ ఎన్నికల పంచాయితీ రసకందాయంలో పడింది. జనవరి నాలుగు నాటికి రిజర్వేషన్లు ప్రకటించి.. ఆ వెంటనే ఎన్నికల షెడ్యూల్ ప్రారంభించేలా రాష్ట్ర ఎన్నికల అధికారి గతంలో వివరాలు వెల్లడించారు. అయితే, రిజర్వేషన్లను నోటిఫై చేసిన నెల రోజుల తర్వాత ఎన్నికలు నిర్వహించేలా ప్రభుత్వానికి ఆదేశాలు జారీ చేయాలంటూ కాంగ్రెస్ నేతలు హైకోర్టును ఆశ్రయించారు. ఈ నేపథ్యంలో జంధ్యాల రవిశంకర్ దాఖలు చేసిన పిటిషన్‌పై హైదరాబాద్ హైకోర్టు శుక్రవారం విచారణ జరిపింది.

జనవరి 7వ తేదీ మధ్యాహ్నం 2 గంటలలోపు రిజర్వేషన్ల వివరాలను కోర్టుకు సబ్మిట్ చేయాలని హైకోర్టు ఆదేశించింది. ఈ వివరాలను రాష్ట్ర ఎన్నికల కమిషన్‌కు అందజేయాలని నిర్దేశించింది. ఆ తర్వాత ఎన్నికల షెడ్యూల్ వివరాలతో 8వ తేదీన కోర్టులో అఫిడవిట్ వేయాలని ప్రభుత్వాన్ని హైకోర్టు ఆదేశించింది. తదుపరి విచారణను జనవరి 8వ తేదీకి వాయిదా వేసింది. అయితే.. జనవరి ఇదివరకే ప్రకటించినట్లు ఏడవ తేదీన ఎన్నికల నోటిఫికేషన్ జారీ అవుతుందా ? లేక మరో షెడ్యూల్ని రూపొందించి జనవరి 8న కోర్టులో సబ్మిట్ చేసిన తర్వాతనే ముందుకు వెళ్ళాలా అనే విషయంలో క్లారిటీ కనిపించడం లేదు.

ముందుగా ఖరారైన ఎన్నికల షెడ్యూల్ ప్రకారం 120 మున్సిపాల్టీలు, పది కార్పొరేషన్ల ఎన్నికలకోసం జనవరి 7న పురపాలక ఎన్నికల నోటిఫికేషన్ ఉండాల్సి వుంది. జనవరి 10న నామినేషన్ల చివరి తేదీగా ఎన్నికల కమిషన్ తెలిపింది. కాగా.. జనవరి 11న నామినేషన్ల పరిశీలన జరుగుతుందని, జనవరి 14న ఉపసంహరణకు తుది గడువుగా కాగా.. జనవరి 22న పోలింగ్, జనవరి 25న ఓట్ల లెక్కింపు ఉంటుంది. అయితే తాజాగా కోర్టు ఆదేశాల మేరకు స్వల్ప మార్పులు చోటుచేసుకునే ఛాన్స్ కనిపిస్తోంది.

Related Tags