కరోనా అప్డేట్ : తెలంగాణలో కొత్తగా 993 పాజిటివ్ కేసులు, 4 మరణాలు
తెలంగాణ కరోనా తీవ్రత కొనసాగుతోంది. కొత్తగా 47,593 మందికి కరోనా టెస్టులు చేయగా 993 పాజిటివ్ కేసులు నమోదయ్యాయి. ఫలితంగా ఇప్పటి వరకు రాష్ట్రంలో...
తెలంగాణ కరోనా తీవ్రత కొనసాగుతోంది. కొత్తగా 47,593 మందికి కరోనా టెస్టులు చేయగా 993 పాజిటివ్ కేసులు నమోదయ్యాయి. ఫలితంగా ఇప్పటి వరకు రాష్ట్రంలో నమోదైన కేసుల మొత్తం కేసుల సంఖ్య 2,66,042కి చేరింది. మంగళవారం ఒక్కరోజే కరోనాతో నలుగురు మృతి చెందినట్లు వైద్య ఆరోగ్యశాఖ బుధవారం ఉదయం బులిటెన్లో పేర్కొంది. దీంతో మృతుల సంఖ్య 1,441కి చేరింది. వైరస్ బారి నుంచి నిన్న 1,150 మంది కోలుకున్నారు. దీంతో ఇప్పటివరకు రాష్ట్రవ్యాప్తంగా కోలుకున్న బాధితుల సంఖ్య 2,53,715కి చేరింది. రాష్ట్రంలో ప్రస్తుతం 10,886 యాక్టివ్ కేసులు ఉన్నాయని, వారిలో 8,594 మంది హోం ఐసోలేషన్లో చికిత్స పొందుతున్నారని వైద్య ఆరోగ్యశాఖ వెల్లడించింది. జీహెచ్ఎంసీ పరిధిలో కొత్తగా మరో 161, మేడ్చల్ జిల్లాలో 93, రంగారెడ్డి జిల్లాలో 62 కరోనా కేసులు వెలుగుచూశాయి.
Also Read :
కరోనా కాటు : కాంగ్రెస్ సీనియర్ నేత అహ్మద్ పటేల్ మృతి, విషాదంలో పార్టీ శ్రేణులు
పేదలకు నాణ్యమైన వైద్యం : ఏపీలో 560 వైఎస్సార్ పట్టణ క్లినిక్ల ఏర్పాటుకు ఉత్తర్వులు