కరోనా వైరస్.. యాక్టివ్ కేసుల్లో ఇండియా.. 8 వ స్థానమే !

కరోనా విలయానికి దేశాలకు దేశాలే విలవిలలాడుతున్నాయి. ప్రపంచ వ్యాప్తంగా ఈ వైరస్ కి 40 లక్షల మందికి పైగా గురి కాగా.. 2.8 లక్షల  మందికి పైగా రోగులు మరణించారు. దాదాపు పదిహేను లక్షలమంది కోలుకున్నారు. వరల్డ్ లో అమెరికా, స్పెయిన్, ఇటలీ, ఫ్రాన్స్, బ్రిటన్, టర్కీ, బ్రెజిల్, జర్మనీ, రష్యా, కెనడా.. ఇలా చెప్పుకుంటూ పోతే అనేక దేశాలు ఈ మహమ్మారి  బారిన పడ్డాయి. గ్లోబల్ గా చూస్తే.. కోవిడ్-19 ఇన్ఫెక్షన్ కేసుల్లో ఇండియా 13 […]

Umakanth Rao

| Edited By: Pardhasaradhi Peri

May 12, 2020 | 3:25 PM

కరోనా విలయానికి దేశాలకు దేశాలే విలవిలలాడుతున్నాయి. ప్రపంచ వ్యాప్తంగా ఈ వైరస్ కి 40 లక్షల మందికి పైగా గురి కాగా.. 2.8 లక్షల  మందికి పైగా రోగులు మరణించారు. దాదాపు పదిహేను లక్షలమంది కోలుకున్నారు. వరల్డ్ లో అమెరికా, స్పెయిన్, ఇటలీ, ఫ్రాన్స్, బ్రిటన్, టర్కీ, బ్రెజిల్, జర్మనీ, రష్యా, కెనడా.. ఇలా చెప్పుకుంటూ పోతే అనేక దేశాలు ఈ మహమ్మారి  బారిన పడ్డాయి. గ్లోబల్ గా చూస్తే.. కోవిడ్-19 ఇన్ఫెక్షన్ కేసుల్లో ఇండియా 13 వ స్థానంలో ఉండగా.. యాక్టివ్ కేసుల విషయంలో మాత్రం 8 వ ప్లేస్ లో ఉందట. వాల్డ్ మీటర్ గ్లోబల్ డేటా ట్రాకింగ్ వెబ్ సైట్ తన తాజా వివరాల్లో ఈ విషయాన్ని తెలిపింది. దేశంలో యాక్టివ్ కేసులు 46,008 నమోదైనట్టు ఆరోగ్య మంత్రిత్వ శాఖ వెల్లడించింది. ఇండియా తరువాత పెరూ 44,455 కేసులతో తొమ్మిదో స్థానంలో ఉంది.

అసలు యాక్టివ్ కేసులంటే.. రీకవర్ అయిన.. లేదా డిశ్చార్జి అయిన రోగులు, మృతుల సంఖ్యను తీసివేసిన అనంతరం మిగిలిన మొత్తం కేసులే. అమెరికాలో యాక్టివ్ కేసులు 1,041,814 కాగా.. ఆ తరువాత స్పెయిన్, ఇటలీ, ఫ్రాన్స్, రష్యా, బ్రిటన్, బ్రెజిల్ దేశాలున్నాయి. ఇండియా కన్నా జర్మనీ, ఇరాన్, కెనడా దేశాల్లో ఎక్కువ కేసులున్నప్పటికీ యాక్టివ్ కేసులు తక్కువగానే ఉండడం గమనార్హం. జర్మనీలో 19,298, కెనడాలో 31,994 యాక్టివ్ కేసులు నమోదయ్యాయి. ఇండియాలోతాజాగా కరోనా కేసుల సంఖ్య 70,756 కి చేరుకుంది. 22,454 మంది రోగులు కోలుకోగా.. 2,293 మంది మృత్యుబాట పట్టారు.

Follow us on

Related Stories

Most Read Stories

Click on your DTH Provider to Add TV9 Telugu