ఫ్రంట్ లైన్ వారియర్లకు 3 నెలల జీతాలు లేవు, ఇదెక్కడి నిర్లక్ష్యం ?

కోవిడ్ రోగులకు నిరంతరం సేవలందించే ఫ్రంట్ లైన్ వారియర్ల పట్ల ప్రభుత్వం నిర్లక్ష్యం వహిస్తోంది. ఒకప్పుడు వీరిని నెత్తికెత్తుకున్న సర్కార్  మెల్లగా వీరిని పక్కన పెడుతోంది. ఇందుకు నిదర్శనంగా ఢిల్లీలోని హిందూ రావు ఆసుపత్రే తార్కాణంగా నిలుస్తోంది. నగరంలోని ఈ అతి పెద్ద ఆసుపత్రిలో పని చేసే నర్సులు, ఇతర వైద్య సిబ్బందికి మూడు నెలలుగా జీతాలు లేకపోవడంతో వారు ఆందోళన బాట పట్టారు. రెసిడెంట్ డాక్టర్లు కూడా వీరి నిరసనకు సంఘీభావం ప్రకటించారు. దీంతో ఈ హాస్పిటల్ లోని 20 మంది కోవిడ్ రోగులను ప్రభుత్వం నిర్వహిస్తున్న ఇతర ఆసుపత్రులకు తరలించారు. మూడు నెలలుగా జీతాలు లేని తాము ఇక పని చేయబోమని ఈ హాస్పిటల్ వైద్య సిబ్బంది అంటున్నారు.