‘మా ఆర్థిక పరిస్థితి అధ్వాన్నం’…ఎయిరిండియా

కరోనా వైరస్ కారణంగా తమ సంస్థ ఆర్ధిక పరిస్థితి అధ్వాన్నంగా ఉందని ఎయిరిండియా ప్రకటించింది. అయితే తమ విమాన సర్వీసులు కొనసాగేలా చూసేందుకు ఉద్యోగులకు వేతనం లేకుండా సెలవు పద్దతి పథకాన్ని ప్రవేశపెడుతున్నట్టు  ఈ  సంస్థ తెలిపింది. ఈ నెల 7 న ఈ నిర్ణయం తీసుకున్నట్టు వెల్లడించింది. వారు స్వచ్చందంగా నైనా సెలవు తీసుకోవచ్చునని, ఈ పథకం ఆరు నెలలు, రెండేళ్లు, లేదా పొడిగించిన పక్షంలో అయిదేళ్ళు కూడా ఉండవచ్చునని ఎయిరిండియా పేర్కొంది. ప్రస్తుతం ఈ సంస్థ వేతన బిల్లు నెలకు రూ. 250 కోట్లు ఉంది. ఈ కొత్త పథకాన్ని వినియోగించుకునే ఏ ఉద్యోగి కూడా ఇతర ప్రభుత్వ రంగ సంస్థల్లో జాబ్ చేయడానికి వీలు లేదని కూడా ఆంక్షలు విధించారు. అయితే సంస్థ రూల్స్ ప్రకారం.. ఉద్యోగులు తమ సెలవు కాలంలో మెడికల్, ప్యాసేజీ ప్రయోజనాలను పొందవచ్ఛు.