Covid-19 Risk: బట్టతల వారు బహుపరాక్‌ ….కరోనా పొంచివుంది పారాహుషార్‌

కరోనా వైరస్‌కు సంబంధించి ప్రపంచ వ్యాప్తంగా పలు పరిశోధలు, అధ్యయనాలు జరుగుతున్నాయి. ఈ పరిశోధనల్లో నిత్యం ఆసక్తికరమైన విషయాలు వెల్లడవుతున్నాయి. తాజాగా కోవిడ్‌ బారినపడటానికి, బట్టతలకు కారణమున్నట్లు ఓ పరిశోధనలో తేలింది. బట్టతల ఉన్న మగవారిలో కరోనా మరణాల రేటు ఎక్కువగా ఉన్నట్లు తెలిసింది. బట్టతలకు కారణమైన హార్మోన్లకు…కరోనా దాడికి ముమ్మాటికీ సంబంధమున్నట్లు వారు తేల్చారు.

కరోనా ఫస్ట్ వేవ్ లో బట్టతల వారితో పోలిస్తే జుట్టు ఉన్నవారు చనిపోయిన ఘటనలు తక్కువేనట. బట్టతలవారిపై సెకండ్ వేవ్‌ కూడా తీవ్ర ప్రభావం చూపుతోందట. బట్టతవారే కరోనా సోకి ఎక్కువ సంఖ్యలో మృతి చెందినట్లు ఇప్పటికే చైనా పరిశోధనలో తేలింది. ప్రపంచ వ్యాప్తంగా ఐసీయూలో చేరిన వారిలో బట్టతల వారి సంఖ్యే అధికమని అధ్యయనంలో తేల్చారు. మగాళ్లలో తరుచుగా జరిగే ఆండ్రోజెనెటిక్ అలోపెసియా అనే హార్మోన్ల లోపం ఉన్న వారికి జుట్టు ఊడిపోయి బట్టతల వస్తుంది. ఈ హార్మోన్ల లోపం ఉండేవారికి కరోనా వైరస్ వేగంగా సోకుతోందని తాజాగా స్పెయిన్‌‌ జరిగిన పరిశోధనలో తేల్చారు.

ఆండ్రోజెన్ హార్మోన్లూ, కరోనా వైరస్ దాడికీ సంబంధం ఉందని స్పెయిన్ పరిశోధనలో తేల్చారు. మాడ్రిడ్‌లోని మూడు ఆస్పత్రుల్లో 122 మంది కరోనా పేషెంట్లపై పరిశోధన జరిపారు. ఆ పరిశోధనలో 6 శాతం మందికి బట్టతల ఉన్నట్లు సమాచారం. మరోక ఆసుప్రతిలో పరిశోధించగా 41 శాతం మంది బట్టతల ఉన్న వారికి కరోనా సోకినట్లు నిర్ధారించారు. అమెరికాలో 79 శాతం బట్టతల మగవారు కరోనాతో ఆస్పత్రులలో చేరుతున్నట్లు నిర్థారించారు. బట్టతల ఉండేవారికి కరోనా వైరస్ సోకే అవకాశాలు ఎక్కువే అంటున్నట్లు బ్రౌన్ యూనివర్శిటీ ప్రొఫెసర్ కార్లోస్ వాంబియర్ తెలిపారు.

ఇవి కూడా చదవండి..కరోనా ఒత్తిడిని డార్క్ చాక్లెట్ తగ్గిస్తుందా.? ఆరోగ్య మంత్రి సూచనలు.. సాక్ష్యమేదంటున్న నిపుణులు..

వాటే టాలెంట్.. టైర్ పై యువకుడి సాహసాలు.. ప్రమాదం అంచున అబ్బురపరిచే విన్యాసం.. వీడియో వైరల్..