WHO about Covid 19 Vaccines: ఓవైపు కోవిడ్ వ్యాక్సినేషన్ కోసం పరుగులు పెడుతున్న దేశాలు.. మరో వైపు షాకింగ్ న్యూస్ చెప్పిన WHO

WHO about Covid 19 Vaccines: ప్రపంచ దేశాల్లో కల్లోలం సృష్టించిన కరోనా వైరస్ కట్టడి కోసం ప్రభుత్వాలు అనేక చర్యలు తీసుకున్నాయి. దేశ విదేశాల శాస్త్రజ్ఞులు కోవిడ్ నివారణకు టీకాను తీసుకొచ్చారు. ఇప్పటికే పలు దేశాలు వ్యాక్సినేషన్ ను ప్రారంభించాయి. తాజాగా భారత్ కూడా టీకా కార్యక్రమానికి రంగం సిద్ధం చేస్తోంది. దీంతో కొన్ని నెలల్లోనైనా కరోనా అదుపులోకి వచ్చేస్తుంది. ఇప్పటికే అమెరికా, యుకె , దుబాయ్ వంటి దేశాలు వ్యాక్సిన్ ఇస్తుండగా.. భారత్ లో ఈనెల 16 నుంచి టీకాను ఇవ్వనున్నారు. దీంతో అన్ని వైరస్ లానే కరోనా వైరస్ కూడా అంతమవుతుంది అని సంబరపడుతున్న ప్రజలకు ప్రపంచ ఆరోగ్య సంస్థ షాకింగ్ న్యూస్ చెప్పింది. పలు దేశాల్లో టీకా కార్యక్రమం ప్రారమైనప్పటికీ అధిక రోగనిరోధక శక్తి సాధ్యం కాదని ప్రపంచ ఆరోగ్య సంస్థ హెచ్చరించింది.

ఓవైపు వ్యాక్సిన్ మరో వైపు బ్రిటన్ అమెరికాలో పెరుగుతున్న కేసులు ఈ నేపథ్యంలో.. 2021లోనే హెర్డ్ ఇమ్యూనిటీని సాధించడం అసాధ్యమని వైరస్ వ్యాప్తిని అడ్డుకునేందుకు తగినన్ని డోసులను సిద్ధం చేయడానికి సమయం పడుతుందని ఆరోగ్య సంస్థ చీఫ్ సైంటిస్ట్ సౌమ్యా స్వామినాథన్ చెప్పారు. అంతవరకూ ప్రతి ఒక్కరూ భౌతిక దూరం, చేతులు శుభ్రం చేసుకోవడం, మాస్కులు ధరించడం అత్యంత అవసరం అని సౌమ్యా స్వామినాథన్ స్పష్టం చేశారు.

Also Read: థాయిలాండ్ ఓపెన్ మొదటి మ్యాచ్ లో ఓడిపోయిన ప్రపంచ బ్యాడ్మింటన్ చాంపియన్ పీవీ సింధు