Breaking News
  • కరోనా అప్డేట్ తెలంగాణలో ఇవాళ కొత్తగా 16 కరోనా పాజిటివ్ కేసులు నమోదు. తెలంగాణ లో ఇప్పటి వరకు 487 కరోనా పాజిటివ్ కేసులు . ఇప్పటి వరకు మొత్తం 12 మంది మృతి చెందారు. పాజిటివ్ కేసుల నుంచి 45 మందికోలుకుని..డిశ్చార్జి అయ్యారు. ప్రస్తుతం రాష్ట్రంలో 430 యాక్టీవ్ పాజిటివ్ కేసులు ఉన్నాయి.
  • మై హోం గ్రూప్ సంస్ధల విరాళం. కరోనా ని ఎదుర్కోవడానికి తెలంగాణ ప్రభుత్వానికి సాయమందించిన మై హోం గ్రూప్. ముఖ్యమంత్రి కెసిఆర్ ని కలిసి 3 కోట్ల రూపాయల చెక్ ని అందించిన మై హోం ఇండస్ట్రీస్ మేనేజింగ్ డైరక్టర్ జూపల్లి రామ్, శ్యామ్ రావు .
  • అమరావతి రాష్ట్ర ఎన్నికల కమిషనర్ నియామకం నిబంధనలు మార్పు చేస్తూ ప్రభుత్వం పంపిన ఆర్డినెన్స్ కు ఆమోదం తెలిపిన గవర్నర్... వెంటనే ఆర్డినెన్స్ పై జీవో జారీ చేసిన ప్రభుత్వం
  • ఈరోజు ముంబై లో 218 కరోనా పాజిటివ్ కేస్ లు, 10 మంది మృతి ఇప్పటి వరకు ముంబై లో 993 చేరిన కరోనా పాజిటివ్ కేసులు.
  • భారత్‌లో కమ్యూనిటీ ట్రాన్స్‌మిషన్ లేదని తేల్చిన ప్రపంచ ఆరోగ్య సంస్థ. గతంలో ఇచ్చిన నివేదికలో కమ్యూనిటీ ట్రాన్స్‌మిషన్ ఉందని పేర్కొన్న డబ్ల్యూహెచ్ఓ. అది పొరపాటుగా అంగీకరిస్తూ సవరణ చేసిన డబ్ల్యూహెచ్ఓ. దేశంలో కేవలం క్లస్టర్లుగా మాత్రమే కేసులున్నాయని వివరణ.

26 దేశాలకు విస్తరించిన కరోనా.. 425కు చేరిన మృతుల సంఖ్య..!

Coronavirus Live updates, 26 దేశాలకు విస్తరించిన కరోనా.. 425కు చేరిన మృతుల సంఖ్య..!

ప్రపంచవ్యాప్తంగా కరోనా విజృంభణ కొనసాగుతోంది. మొత్తం 26 దేశాల్లో ఈ వైరస్ విస్తరించినట్లు తెలుస్తుండగా.. మృతుల సంఖ్య రోజు రోజుకు పెరుగుతోంది. చైనాలోని హుబెయ్ ఫ్రావిన్సులో 24 గంటల వ్యవధిలో ఈ వ్యాధి సోకిన 64మంది మృత్యు ఒడికి చేరుకున్నారు. దీంతో చైనాలో కరోనా మరణాల సంఖ్య 425కు చేరింది. కాగా చైనాలో ఇంకా 20,438 మందిలో ఈ వైరస్ ఉన్నట్లు గుర్తించగా.. వారిలో 492 మంది పరిస్థితి విషమంగా ఉన్నట్లు తెలుస్తోంది. అక్కడి ఆసుపత్రుల్లో పడకలు సరిపోకపోవడంతో వుహాన్‌లో ఓ ఎగ్జిబిషన్‌ సెంటర్‌నే తాత్కాలిక ఆసుపత్రిగా మార్చి 3400 పడకలు ఏర్పాటు చేశారు. అనుమానిత రోగుల్ని అక్కడకు తరలిస్తున్నారు. మరికొన్ని వేదికల్ని, జిమ్నాజియాలను కూడా ఆసుపత్రులుగా మార్చబోతున్నారు.

మరోవైపు కరోనా వేగంగా విస్తరిస్తోన్న నేపథ్యంలో దీనికి విరుగుడు కనిపెట్టేందుకు చైనా శ్రీకారం చుట్టింది. ప్రస్తుతానికి యాంటీవైరల్‌ మందుల్ని రోగులకు ఇస్తుండగా.. ఎబోలా, సార్స్‌ వంటి జబ్బుల్ని నయం చేయడానికి వాడే ఔషధాలను కూడా పరీక్షిస్తున్నారు. ఇదిలా ఉంటే అమెరికాకు చెందిన ఓ సంస్థ తయారు చేసిన యాంటీ వైరల్‌ మందును అక్కడి ఒక రోగికి ఇవ్వగా.. ఒక్కరోజులోనే పరిస్థితి మెరుగైంది. కాగా కరోనా వైరస్‌ తీవ్రతపై ప్రపంచ ఆరోగ్య సంస్థ స్పందించింది. దీని తీవ్రత ఎక్కువగానే ఉన్నా ఇంకా ఇది ప్రపంచస్థాయిది కాదని ఆ సంస్థ తెలిపింది. హుబెయ్‌ వెలుపల కొన్నిచోట్ల మాత్రమే ఈ వైరస్‌ వ్యాపించిందని డబ్ల్యూహెచ్‌వో ప్రతినిధి సైల్వీ బ్రియాండ్‌ తెలిపారు.

Related Tags