చైనాలో మరో కలవరం.. రూపు మారుతున్న కరోనా..!
ప్రపంచదేశాలనే సంక్షోభంలోకి నెట్టిన కరోనావైరస్ మహమ్మారి ఒక్కో ప్రాంతంలో ఒక్కో విధంగా విరుచుకుపడుతోంది. కోలుకుంటున్న ప్రాంతంలో మళ్లీ కబళిస్తూ కొత్త రూపు సంతరించుకుంటుందా..? ఇదీ నిజమేనంటున్నారు చైనా వైద్య నిపుణులు. కొవిడ్ -19 పుట్టినిల్లైన చైనాలో పాజిటివ్ కేసులు క్రమంగా పెరుగుతూ వస్తున్నాయి. తాజాగా 33 పాజిటివ్ కేసులు వెలుగుచూశాయి. వీటిలో 31 కేసులు ఎలాంటి లక్షణాలు లేకుండానే కరోనా బారినపడ్డారు. దీంతో అక్కడి అధికారులు మరోసారి అప్రమత్తమయ్యారు. కరోనావైరస్ ను ప్రపంచానికి పరిచయం చేసిన వుహాన్ […]
ప్రపంచదేశాలనే సంక్షోభంలోకి నెట్టిన కరోనావైరస్ మహమ్మారి ఒక్కో ప్రాంతంలో ఒక్కో విధంగా విరుచుకుపడుతోంది. కోలుకుంటున్న ప్రాంతంలో మళ్లీ కబళిస్తూ కొత్త రూపు సంతరించుకుంటుందా..? ఇదీ నిజమేనంటున్నారు చైనా వైద్య నిపుణులు.
కొవిడ్ -19 పుట్టినిల్లైన చైనాలో పాజిటివ్ కేసులు క్రమంగా పెరుగుతూ వస్తున్నాయి. తాజాగా 33 పాజిటివ్ కేసులు వెలుగుచూశాయి. వీటిలో 31 కేసులు ఎలాంటి లక్షణాలు లేకుండానే కరోనా బారినపడ్డారు. దీంతో అక్కడి అధికారులు మరోసారి అప్రమత్తమయ్యారు. కరోనావైరస్ ను ప్రపంచానికి పరిచయం చేసిన వుహాన్ సిటి ఇప్పుడిప్పుడే తేరుకుంటోంది. దాదాపు రెండున్నర నెలలపాటు లాక్ డౌన్ లో ఉన్న నగరంలో కరోనా కేసులు తగ్గుమొఖం పట్టడంతో రెగ్యూలర్ కార్యక్రమాలు షురూ అయ్యాయి. అయితే, మహమ్మారీ మళ్లీ ప్రబలకుండా అధికారులు.. ప్రజలందరికీ ర్యాండమ్ గా కరోనా టెస్టులు నిర్వహిస్తున్నారు. దీంతో కొత్త కేసులు నిర్ధారణ అవుతున్నాయి. కొత్తగా నమోదవుతున్న వారిలో ఎలాంటి ముందస్తు లక్షణాలు కనిపించకుండానే నమోదవుతున్నాయి. దాంతో మళ్లీ ప్రమాద ఘంటికలు మోగుతున్నట్లు స్పష్టమవుతోందంటున్నారు చైనా వైద్య నిపుణులు. ఇక ఈసారి నమోదవుతున్న కేసులు వుహాన్ సిటీతో పాటు గాంగ్ డాంగ్, షాంఘై ప్రావిన్సుల్ ప్రాంతాలు కావడం కొంత ఆందోళన కలిగిస్తోంది. ఇదే విషయాన్ని చైనా నేషనల్ హెల్త్ కమిషన్ వెల్లడించింది. ఈ కేసులు ఎక్కువగా ఇతర ప్రాంతాల నుంచి వచ్చిన వ్యక్తుల వల్లే సోకినట్లు ఎన్ హెచ్ సీ తెలిపింది. ఇక వుహాన్ నగరంలో నమోదవుతున్న కేసులు మాత్రం ఇదివరకటి కంటే భిన్నంగా కరోనా వైరస్ విస్తరిస్తున్నట్లు అధికారులు ఆందోళన వ్యక్తం చేస్తున్నారు. ప్రపంచాన్నే కుదుపేసిన ఈ రాకాసి భవిష్యత్ లో ఎన్ని అనర్థాలు సృష్టిస్తోందని భయాందోళనలు వ్యక్తమవుతున్నాయి.