కంటికి కనబడని శత్రువుతో.. మానవ జాతి యుద్ధం చేస్తోంది: మోదీ

కంటికి కనబడని శత్రువుతో.. మానవ జాతి యుద్ధం చేస్తోందన్నారు ప్రధాని నరేంద్ర మోదీ. ఈ సందర్భంగా ఆయన మాట్లాడుతూ.. కరోనా ఉద్రుతంగా ప్రబలుతున్న కారణంగా ప్రజలు అప్రమత్తంగా ఉండాలన్నారు. ఈ వైరస్ కారణంగా ప్రపంచం మొత్తం గందరగోళంలో..

Updated on: Mar 19, 2020 | 8:23 PM

కంటికి కనబడని శత్రువుతో.. మానవ జాతి యుద్ధం చేస్తోందన్నారు ప్రధాని నరేంద్ర మోదీ. ఈ సందర్భంగా ఆయన మాట్లాడుతూ.. కరోనా ఉద్రుతంగా ప్రబలుతున్న కారణంగా ప్రజలు అప్రమత్తంగా ఉండాలన్నారు. ఈ వైరస్ కారణంగా ప్రపంచం మొత్తం గందరగోళంలో ఉందన్నారు. కరోనా వల్ల మొదటి ప్రపంచ యుద్ధం నాటి పరిస్థితులు నెలకొన్నాయి. మానవజాతిని కరోనా సంక్షోభంలోకి నెట్టింది. గత రెండు నెలల నుంచి మానవ జాతి కష్టాల్లో ఉంది. ఈ మహమ్మారి కరోనాకు వ్యాక్సిన్‌ కనిపెట్టడానికి శాస్త్రవేత్తలు ఎన్నో పరిశోధనలు చేస్తున్నారు. అయినా ఇప్పటికీ వ్యాక్సిన్‌ను కనుక్కోలేకపోతున్నారన్నారు మోదీ.

కాగా.. ఓ వారం రోజుల పాటు నుంచి ఇంటి నుంచి బయటకు రావొద్దని.. మీకు కావాల్సిన వస్తువులను ఇంటికే చేరవేస్తామన్నారు. అలాగే.. ఇప్పటికే కరోనా అలెర్ట్‌తో స్కూళ్లు, కాలేజీలు, థియేటర్లు, మాల్స్‌లను మూసివేశారు. ఇక ప్రభుత్వ, ప్రైవేటు ఆఫీసుల్లోని ఉద్యోగులకు వర్క్ ఫ్రమ్ హోమ్‌ని కేటాయించారు. అలాగే బయటకు వెళ్లకూడదని సూచనలు కూడా జారీ చేశారు మోదీ. ప్రతీ ఒక్కరూ స్వయం ప్రకటిత కర్ఫ్యూని.. పాటించాలన్నారు. అలాగే చేతులను, ఇంటి పరిసరాలను శుభ్రంగా ఉంచుకోవాలని సూచించారు. ఇది ఎవరో ఒకరు చెప్పడం ద్వారా కాదు.. మీరే స్వయంగా పరిశ్రభతను పాటించాలన్నారు మోదీ.

ప్రపంచ దేశాలను అతలాకుతలం చేస్తోన్న కరోనా వైరస్ కారణంగా ఇప్పటివరకూ ప్రపంచవ్యాప్తంగా 8 వేల మంది మరణించగా.. రెండు లక్షలకు పైగా కరోనా పాజిటివ్ కేసులు నమోదయ్యాయి. ఈ వైరస్ ఇండియాలోనూ విజృభిస్తోంది. ఇప్పటికే భారతదేశ వ్యాప్తంగా 176 కరోనా పాజిటివ్ కేసులు నమోదు కాగా ఐదుగురు మరణించారు. ఇక ఏపీ, తెలంగాణ రాష్ట్రాల్లోనూ.. 15 పాజిటివ్ కేసులు నమోదయ్యాయని అధికారిక లెక్కలు వెలవడ్డాయి.