కరోనా వేళ.. నార్త్ కొరియా అధ్యక్షుడు అదృశ్యం..
ఆయన ఐదడుగుల బుల్లెట్టు.. ఈతరం హిట్లర్గా పిలవబడే ఆయన పేరును చెబితేనే ప్రపంచ దేశాల వెన్నులో వణుకు పుడుతుంది.. అగ్రరాజ్యం అధినేతకు కూడా కంటి మీద కునుకు ఉండదు. అంతటి ధైర్యశాలిగా పేరుగడించిన ఉత్తర కొరియా అధ్యక్షుడు కిమ్ జాంగ్ ఉన్ ఆరోగ్య పరిస్థితి గురించి ఇప్పుడు కథలు కథలుగా చెప్పుకుంటున్నారు. ప్రపంచం మొత్తాన్ని కరోనా వైరస్ మహమ్మారి గడగడలాడిస్తున్న వేళ.. కిమ్ పత్తా లేకుండా పోయారని వార్తలు వస్తున్నాయి. వివరాల్లోకి వెళ్తే.. తన తాత, దేశ […]
ఆయన ఐదడుగుల బుల్లెట్టు.. ఈతరం హిట్లర్గా పిలవబడే ఆయన పేరును చెబితేనే ప్రపంచ దేశాల వెన్నులో వణుకు పుడుతుంది.. అగ్రరాజ్యం అధినేతకు కూడా కంటి మీద కునుకు ఉండదు. అంతటి ధైర్యశాలిగా పేరుగడించిన ఉత్తర కొరియా అధ్యక్షుడు కిమ్ జాంగ్ ఉన్ ఆరోగ్య పరిస్థితి గురించి ఇప్పుడు కథలు కథలుగా చెప్పుకుంటున్నారు. ప్రపంచం మొత్తాన్ని కరోనా వైరస్ మహమ్మారి గడగడలాడిస్తున్న వేళ.. కిమ్ పత్తా లేకుండా పోయారని వార్తలు వస్తున్నాయి.
వివరాల్లోకి వెళ్తే.. తన తాత, దేశ వ్యవస్థాపకుడు కిమ్ ఇల్ సుంగ్ జయంతి ఉత్సవాలను ఉత్తర కొరియాలో ప్రతీ ఏటా పెద్ద పండగలా జరుపుకుంటారు. ఆ రోజున జాతీయ సెలవు దినంగా ప్రకటించడమే కాకుండా ‘డే ఆఫ్ ది సన్గా’ కూడా వ్యవహరిస్తారు. ఇక అదే విధంగా ఈ ఏడాది కూడా ఆ రోజును వేడుక జరుపుకోగా.. ఈ ఉత్సవానికి ఆ దేశ అధ్యక్షుడు కిమ్ జోంగ్ ఉన్ గైరాజరు అయ్యారు. దీనితో ఆయన ఆరోగ్యంపై పలు అనుమానాలు రేకెత్తాయి.
ఎప్పటిలానే కిమ్ ఇల్ సంగ్ జయంతి సందర్భంగా కుమ్సుసన్ ప్యాలెస్ ఆఫ్ సన్లో అధికారులు మాజీ నాయకుడికి నివాళులు అర్పించి.. ఆయన సేవలను కొనియాడారు. అయితే ఈ కార్యక్రమానికి కిమ్ జోంగ్ ఉన్ హాజరు కాలేదు. ఇక ఇదే తొలిసారి కావడం గమనార్హం. దీనితో ఆయన ఆరోగ్యం పరిస్థితిపై మరోసారి చర్చ మొదలైంది. ఇదిలా ఉంటే కిమ్ ఎక్కువగా చైన్ స్మోకింగ్ చేస్తారు. అంతేకాకుండా గత కొద్దిరోజులుగా ఊబకాయంతో బాధపడుతున్నారు. అటు కిమ్ తండ్రి, తాతలు కూడా చైన్ స్మోకర్లు, ఊబకాయులు.. ఇక ఇద్దరూ గుండెపోటుతోనే చనిపోయిన సంగతి తెలిసిందే.
Also Read:
మూడు నెలలు అద్దె అడగకండి… సర్కార్ కీలక నిర్ణయం..
ఏపీలో ఐదు రోజుల్లోనే రేషన్ కార్డు.. అదంతా ఫేకేనట.. అసలు నిజమిదే..
మత్స్యకారులకు ఏపీ ప్రభుత్వం గుడ్ న్యూస్..