Breaking News
  • దేశవ్యాప్త కోవిడ్-19 గణాంకాలు: 24 గంటల వ్యవధిలో నమోదైన కొత్త కేసులు: 93,337. దేశవ్యాప్త మొత్తం కేసుల సంఖ్య: 53,08,015. 24 గంటల వ్యవధిలో దేశవ్యాప్త మరణాలు: 1,247. దేశవ్యాప్తంగా మొత్తం మరణాల సంఖ్య: 85,619. 24 గంటల్లో డిశ్చార్జయినవారి సంఖ్య: 95,880. దేశవ్యాప్తంగా డిశ్చార్జయిన మొత్తం కేసులు: 42,08,431. దేశవ్యాప్తంగా మొత్తం యాక్టివ్ కేసుల సంఖ్య: 10,13,964.
  • దేశంలో అల్-ఖైదా ఉగ్రవాదుల కుట్ర భగ్నం. కుట్రను భగ్నం చేసిన నేషనల్ ఇన్వెస్టిగేషన్ ఏజెన్సీ. కేరళ, బెంగాల్ సహా దేశవ్యాప్తంగా 11 ప్రదేశాల్లో ఎన్ఐఏ దాడులు. దాడుల్లో 9 మంది ఉగ్రవాదులు అరెస్ట్. బెంగాల్‌లో 6గురు, కేరళలో ముగ్గురు అరెస్ట్. మారణాయుధాలు, డిజిటల్ పరికరాలు, డాక్యుమెంట్లు, జిహాదీ సాహిత్యం లభ్యం. ఇంట్లో తయారుచేయగలిగే బాంబులు, వాటికి సంబంధించిన సమాచారం స్వాధీనం. భారీగా ప్రాణనష్టం కల్గించే ఉగ్రవాద చర్యలకు కుట్ర. దేశ రాజధాని సహా ఏకకాలంలో పలు ప్రాంతాల్లో దాడులు జరపాలని పన్నాగం.
  • ఆరోగ్య శాఖ మంత్రి ఇ ఈటెల రాజేందర్ పేషీలో ఏడుగురికి సోకిన కరోనా. మంత్రి చుట్టూ ఉండే సిబ్బంది మొత్తానికి సోకిన వైరస్. ఇద్దరు పీఏ లు, ముగ్గురు గన్మెన్లు, ఇద్దరు డ్రైవర్లకు కరోనా. ప్రతి రెండు వారాలకు తన సిబ్బందికి టెస్టు చేయిస్తున్న మంత్రి. BRK భవన్ లో ఒక్కరోజే 13 మందికి పాజిటివ్.
  • తెలంగాణ కరోనా కేసుల అప్డేట్స్: తెలంగాణ లో వేయి దాటినా కరోనా మరణాలు. తెలంగాణలో ఒకరోజు టెస్ట్ లో సంఖ్య 54459. తెలంగాణ లో కరోనా టెస్టింగ్స్ :2445409. రాష్ట్రంలో ఈరోజు పాజిటివ్ కేసులు : 2123. తెలంగాణ రాష్ట్రంలో మొత్తం కరోనా కేసులు : 169169. జిహెచ్ఎంసి లో కరోనా కేసులు సంఖ్య : 305. జిహెచ్ఎంసి లో మొత్తం కరోనా కేసులు సంఖ్య : 56982. కరోనా తో ఈరోజు మరణాలు : 10. ఇప్పటి వరకూ మరణాలు మొత్తం : 1025. చికిత్స పొందుతున్న కేసులు : 30636. ఈరోజు ఆసుపత్రి నుంచి డిశ్చార్చి అయిన వారు: 2151. ఇప్పటి వరకూ డిశ్చార్జి అయిన సంఖ్య: 137508.
  • అమరావతి : టీడీపీకి విశాఖ సౌత్ ఎమ్మెల్యే వాసుపల్లి గణేష్ గుడ్ బై. నేడు ముఖ్యమంత్రి వైఎస్ జగన్ ను కలవనున్న వాసుపల్లి. మధ్యాహ్నం 12:30 కి సీఎం తో అపాయింట్మెంట్ . వల్లభనేని వంశీ, మద్దాలి గిరి, కరణం బాటలో వైసీపీ కి మద్దతు తెలిపే అవకాశం.
  • సుమేధ కేసులో పోలీసులకు అందిన పోస్టుమార్టం రిపోర్ట్: సైకిల్ పై తొక్కుతూ నాల లో పడిపోయిన సుమేధ. కింద పడిపోగానే తలకు బలమైన గాయం. తలకు బలమైన గాయం కావడంతో అపస్మారక స్థితిలో కి వెళ్ళింది. నాల లో పడి పోవడంతో నీళ్లు తాగింది. దీంతో శరీరంలో మొత్తం నీరు చేరి ఉబ్బిపోయింది. ఊపిరితిత్తులలోకి నీరు చేరడంతో శ్వాస ఆడక చనిపోయింది సుమేధ.

కలవరపెడుతున్న కరోనా వైరస్‌.. హైదరాబాద్ హై-అలెర్ట్!

Coronavirus Outbreak, కలవరపెడుతున్న కరోనా వైరస్‌.. హైదరాబాద్ హై-అలెర్ట్!

ప్రస్తుతం ప్రపంచదేశాలను కరోనా వైరస్ వణికిస్తోంది. చైనాలోని ఉహాన్ నగరంలో మొదటిసారిగా ఈ వైరస్‌ను కనిపెట్టగా.. ఇప్పుడు ఇది అత్యంత ప్రమాదకరమైన వైరస్‌గా మారి.. అన్ని చోట్లకు వేగంగా పాకుతుండటంతో ప్రజలు భయభ్రాంతులు చెందుతున్నారు. ఇకపోతే కేరళకు చెందిన ఓ నర్సుకు ఈ వైరస్ సోకిందని వార్తలు వస్తుండటంతో భారత్ అప్రమత్తమైంది.

దేశంలోని పలు అంతర్జాతీయ విమానాశ్రయాల్లో భద్రతా అధికారులు అప్రమత్తమయ్యారు. విదేశాల నుంచి వచ్చే ప్రయాణీకులకు వైద్య పరీక్షలు నిర్వహిస్తున్నారు. ఇక హైదరాబాద్‌లోని శంషాబాద్ ఎయిర్‌పోర్ట్ సిబ్బంది కూడా ముందస్తు చర్యలు చేపడుతున్నారు. చైనా, హాంగ్‌‌‌‌‌కాంగ్ నుంచి వచ్చే ప్రయాణీకులను పరీక్షించడానికి ప్రత్యేక స్కానర్లను ఏర్పాటు చేస్తున్నారు.

ఇదిలా ఉండగా గత మూడు రోజులుగా హొంగ్‌కాంగ్ నుంచి శంషాబాద్‌ విమానాశ్రయానికి విమాన రాకపోకలు లేవు. అయితే ఇవాళ అర్ధరాత్రి దాటిన తర్వాత హొంగ్‌కాంగ్ నుంచి ఓ విమానం వచ్చే అవకాశాలు ఉండటంతో అధికారులు తగిన జాగ్రత్తలు చేపట్టారు. విమానాశ్రయంలో తనిఖీ కేంద్రాలను ఏర్పాటు చేశారు. ప్రయాణీకులకు జ్వరం, దగ్గు, జలుబు లాంటి లక్షణాలు ఉంటే తక్షణం నల్లకుంటలోని ఫీవర్ ఆసుపత్రికి తరలించి రక్త పరీక్షలు, ఇతర వైద్య పరీక్షలు నిర్వహించే విధంగా చర్యలు తీసుకుంటున్నారు.

కరోనా వైరస్ సోకకుండా ఉండాలంటే ఈ జాగ్రత్తలు పాటించాల్సిందే..

  1. ఎప్పటికప్పుడు చేతులను సబ్బులతో కడుక్కోవాలి
  2. చేతులను కడగకుండా ముఖం, ముక్కు, నోటిని తాకొద్దు
  3. దగ్గు, జలుబు, జ్వరం లాంటివి వచ్చినప్పుడు వెంటనే డాక్టర్‌కు చూపించుకోండి
  4. పరిసరాలను ఎప్పుడూ పరిశుభ్రంగా ఉంచుకోండి

 

Related Tags