Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 22 వేల 771 మంది వైరస్​ సోకింది. మరో 442 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,48,315. ప్ర‌స్తుతం యాక్టీవ్ కేసులు 2,35,433. వ్యాధి బారి నుంచి కోలుకున్న‌వారు 3,94,227. క‌రోనాతో మొత్తం ప్రాణాలు విడిచినవారి సంఖ్య 18,655.
  • మాస్కులు , శానిటైజర్స్ కొరత పై స్పందించిన మానవ హక్కుల కమిషన్. మీడియా కథనాలను సుమోటో గా స్వీకరించిన హెచ్చార్సీ. కోవిడ్ వారియర్స్ ఫ్రైంట్ లైన్ వారియర్స్కు సరఫరాలో లోపం పై ఆగ్రహం. పారిశుద్య , ఎంటమాలజీ సిబ్బందికి రక్షణ వస్తువులు ఇవ్వకపోవడాన్ని తప్పు పట్టిన హెచ్చార్సీ. మాస్కులు , శానిటైజర్ల సరఫరాపై ఈ నెల 28లోగా కమీషన్ ముందు వివరణ ఇవ్వాలని జిహెచ్ఎంసి కమిషనర్ కు ఆదేశాలు.
  • నిమ్స్ లో కరోనా కలకలం . టెస్టింగ్ ల్యాబ్ సిబ్బంది ముగ్గురికి కరోనా పాజిటివ్ . మిల్లినియం బ్లాక్ నుండి ఐటిఎమర్ భవనానికి ల్యాబ్ ని టెస్టుల ప్రక్రియ కోసం మార్చడం తో బాధితులు గా మారుతున్న ల్యాబ్ సిబ్బంది .
  • కర్నూలు: నంద్యాలకు చెందిన బ్యాంక్ ఉద్యోగి కరోనాతో మృతి. మృతి చెందిన వ్యక్తి శిరివెళ్ళ మండలం యర్రగుంట్ల స్టేట్ బ్యాంక్ లో ఉద్యోగం . మృతి చెందిన వ్యక్తి కరోనా టెస్ట్ చేయించుకో గా కరోనా నిర్దారణ. పరిస్థితి విషమంగా ఉండగా కర్నూలు తరలిస్తూండగా కోలుకోలేక మృతి.
  • వరంగల్: నేడు సంపూర్ణ శాకాంబరీగా దర్శనమిస్తున్న భద్రకాళి అమ్మవారు. కరోనా వైరస్ వ్యాప్తి నేపథ్యంలో పలు ఆంక్షల మధ్య ఉత్సవాలు. భక్తులు ఎవరూ అమ్మవారికి కూరగాయలు తీసుకురావద్దని విజ్ఞప్తి. నిరాడంబరంగా ఉత్సవాలు.. నేరుగా తోట నుండి కూరగాయలు సేకరించి అమ్మవారిని సంపూర్ణ శాకాంబరీగా అలంకరించిన ఆలయ పూజారులు. సాయంత్రం 8గంటల వరకే దర్శనాలు.
  • చెన్నై మహానగరాన్ని కుదిపేస్తున్న కరోనా మహమ్మారి ,వెయ్యి మందికి పైగా మృతి . రాష్ట్రవ్యాప్తం గా 13 జిల్లాలో చెన్నై లోనే కరోనా బాధితుల సంఖ్య వేగం గా పెరుగుతుంది . రోజు వేల సంఖ్యలో కేసులు నమోదుకావడం తో ఇప్పటివరకు 66 వేల 538 మంది కి కరోనా నిర్ధారణ . చెన్నైనగరం లో కరోనా మహమ్మారికి 1 ,033 మంది మృతి చెందినట్టు అధికారులు వెల్లడి .
  • తెలంగాణ కరోనా కేసుల అప్డేట్స్: 17వేల మార్క్ కు చేరువలో జిహెచ్ఎంసి కేసులు. రాష్ట్రంలో ఈరోజు కరోనా పాజిటివ్ కేసులు 1850. తెలంగాణ రాష్ట్రంలో మొత్తం కేసులు- 22312. జిహెచ్ఎంసి పరిధిలో - 1572. ఈరోజు కరోనా తో చనిపోయిన వారు - 5. టోటల్ డెత్స్ - 288 చికిత్స పొందుతున్న వారు- 10487. డిశ్చార్జి అయిన వారు -11537.

కొంపముంచిన సెలూన్.. ఏకంగా 91 మందికి కరోనా..

Corona Infected Salon, కొంపముంచిన సెలూన్.. ఏకంగా 91 మందికి కరోనా..

లాక్ డౌన్‌లో జుట్టు పెరిగిందని కటింగ్ షాపులకు వెళ్లేవారు ఇది తప్పక చదవాల్సిందే. హెయిర్ స్టైల్ చేయించుకోవడానికి వెళ్లిన సెలూన్ కారణంగా ఏకంగా 91 మందికి కరోనా సోకింది. అందులో ఏడుగురు అక్కడ పని చేసే సిబ్బంది కూడా ఉన్నారు. వివరాల్లోకి వెళ్తే.. అమెరికాలో లాక్ డౌన్ తర్వాత మళ్లీ కార్యకలాపాలు మొదలయ్యాయి.

ఈ నేపధ్యంలో మిస్సౌరీలో సెలూన్లు మే 4 నుంచి తెరుచుకున్నాయి. స్థానికులు అందరూ కూడా హెయిర్ కట్ చేయించుకునేందుకు వెళ్లారు. ఇలా ఏకంగా 91 మంది కరోనా బారిన పడ్డారు. కరోనా లక్షణాలు ఉన్న అక్కడ పనిచేసే సిబ్బందిలో ఒకరి వల్ల వైరస్ వ్యాప్తి చెందినట్లు తెలుస్తోంది. దీనితో ఈ మహమ్మారి ఎప్పుడు.. ఎలా సోకుతుందో తెలియక జనాలు ఆందోళన చెందుతున్నారు. కాగా, అమెరికాలో ఇప్పటికే పాజిటివ్ కేసుల సంఖ్య 16 లక్షలు పైచిలుక నమోదు కాగా… మరణాలు లక్ష చేరువలో ఉన్నాయి.

Related Tags