Breaking News
  • ఢిల్లీ: భారత్ లో విజృంభిస్తున్న కరోనా వైరస్. ఒక లక్ష 82 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 182143. దేశ వ్యాప్తంగా యాక్టీవ్ కేసులు: 89995. కరోనా నుంచి డిశ్చార్జ్ అయిన బాధితులు: 86984. దేశం మొత్తం కరోనా తో మృతుల సంఖ్య : 5164. కేంద్ర ఆరోగ్య మంత్రిత్వ శాఖ.
  • రాష్ట్రంలో లాక్ డౌన్ ను జూన్ 30 వరకు పొడిగించాలని ముఖ్యమంత్రి కె. చంద్రశేఖర్ రావు నిర్ణయించారు. లాక్ డౌన్ కు సంబంధించి కేంద్ర ప్రభుత్వం జారీ చేసిన తాజా ఆదేశాల నేపథ్యంలో ముఖ్యమంత్రి కె. చంద్రశేఖర్ రావు సి.ఎస్ సోమేశ్ కుమార్, డిజిపి మహేందర్ రెడ్డి తదితర ఉన్నతాధికారులతో చర్చించారు. కంటైన్మేంట్ జోన్లు మినహా ఇతర ప్రాంతాల్లో కేంద్ర ప్రభుత్వం సూచించిన సడలింపులను అమలు చేయాలని నిర్ణయించారు. కంటైన్మంట్ జోన్లలో కట్టుదిట్టంగా లాక్ డౌన్ ను అమలు చేయాలని అధికారులను ఆదేశించారు. రాత్రి పూట కర్ఫ్యూ కూడా రాత్రి 9 గంటల నుంచి ఉదయం 5 గంటల వరకు అమలు చేయాలని ఆదేశించారు.
  • విశాఖ: డాక్టర్ సుధాకర్ కేసు. కేజీహెచ్ లో రెండో రోజు ముగిసిన సీబీఐ విచారణ. కేజీహెచ్ వైద్యాధికారులతో మాట్లాడిన సీబీఐ అధికారి. సీసీ ఫుటేజీని పరిశీలించిన సీబీఐ. 16 న క్యాజువాల్టీలో డాక్టర్ సుధాకర్ కు పరీక్షలు చేసిన కేజీహెచ్ వైద్యులు.
  • ఢిల్లీ లో కరోనా విజృంభన. ఢిల్లీ లో కొత్తగా 1295 కరోనా పాజిటివ్ కేస్ లు ,13 మంది మృతి. ఢిల్లీ రాష్ట్రంలో 19844 కి చేరిన కరోనా కేసులు నమోదు. 473 మంది కరోనా తో మృతి
  • రుతుపవనాలు ఇంకా కేరళ తీరానికి తాకలేదు. దీని పై మేము క్రమం తప్పకుండా మానిటరింగ్ చేస్తున్నాం. జూన్ 1 నుండి పరిస్థితులు అనుకూలంగా ఉంటాయని అనుకుంటున్నాం. ఆగ్నేయ అరేబియా సముద్రం, లక్షద్వీప్ సమీపంలో ఈ రోజు అల్ప పీడనం ఏర్పడింది. జూన్ 2 కి తుఫానుగా మారుతుందని మేము అనుకుంటున్నాం. జూన్ 3 సాయంత్రం నాటికి గుజరాత్ ,ఉత్తర మహారాష్ట్ర తీరం వైపుకు చేరుకుంటుంది. మృత్యుంజయ్ మోహపాత్రా, ఢిల్లీ IMD.
  • జమ్మూ కాశ్మీర్‌లో సీనియర్ ఐఎఎస్ అధికారి కి కరోనా పాజిటివ్‌. ఆయనతో పాటు సమావేశానికి హాజరైన పలువురు అధికారులు,వైద్యులను హోమ్ క్వారంటైన్ లో వెళ్లాలని సూచన.
  • మొబైల్ సేవల కోసం 11 అంకెల నంబరింగ్ ప్లాన్‌ను ట్రాయ్ సిఫారసు చేసినట్లు కొన్ని మీడియా సంస్థల లో వార్తలు వచ్చాయి. TRAI సిఫారసు ప్రకారం,దేశం లో 10-అంకెల నెంబర్ కొనసాగుతుంది. మేము 11-అంకెల నంబరింగ్ ప్లాన్‌కు మార్చడాన్ని ఖండిస్తున్నాం. టెలికాం రెగ్యులేటరీ అథారిటీ ఆఫ్ ఇండియా.

దేశంలో క‌రోనా ప్ర‌మాద ఘంటిక‌లు.. ఒక్క రోజే 6,088 పాజిటివ్ కేసులు

India Corona Outbreak Latest Reports, దేశంలో క‌రోనా ప్ర‌మాద ఘంటిక‌లు..  ఒక్క రోజే 6,088 పాజిటివ్ కేసులు

దేశంలో కరోనా వీర‌విహారం చేస్తోంది. కేసులు సంఖ్య రోజురోజుకు పెరిగిపోతుంది. దేశ‌వ్యాప్తంగా క‌రోనా కేసులు ఒక లక్ష 18 వేల మార్క్ ని దాటాయి. గడిచిన 24 గంటల్లో ఇండియాలో రికార్డు రేంజ్ లో 6,088 పాజిటివ్ కేసులు నమోదయ్యాయి. మరో 148 మంది వైరస్ బ‌లితీసుకుంది.

తాజాగా కేంద్ర ఆరోగ్య మంత్రిత్వ శాఖ విడుద‌ల చేసిన బులెటెన్ ప్ర‌కారం క‌రోనా వివ‌రాలు..

దేశవ్యాప్తంగా కరోనా పాజిటివ్ కేసులు : 118447

దేశ వ్యాప్తంగా యాక్టీవ్ కేసులు: 66330

కరోనా నుంచి డిశ్చార్జ్ అయిన బాధితులు: 48534

దేశంలో క‌రోనాతో మృతి చెందిన‌వారి సంఖ్య : 3583

మూడు రోజుల కిందటే దేశంలో క‌రోనా బాధితుల‌ సంఖ్య లక్ష దాటగా.. గడిచిన 20 రోజుల్లోనే దాదాపు 70వేల కేసులు నమోదవ్వ‌డం గ‌మ‌నార్హం. దీంతో కరోనా పాజిటివ్ కేసుల సంఖ్య‌ లక్ష దాటిన దేశాల జాబితాలో ఇండియా 11వ స్థానంలో నిలిచింది. ప్రజంట్ మన కంటే ఇరాన్ ముందు స్థానంలో ఉండగా.. దానిని నేడో రేపో అధిగమించే అవ‌కాశాలు కనబడతున్నాయి.ఇక మహారాష్ట్రలో క‌రోనావైర‌స్ ప్ర‌మాద ఘంటిక‌లు మోగిస్తోంది. దేశవ్యాప్తంగా నమోదైన మొత్తం పాజిటివ్ కేసుల్లో 44% కేసులు ఆ ఒక్క రాష్ట్రం నుంచే ఉన్నాయి. అక్క‌డ‌ పాజిటివ్ కేసుల సంఖ్య 41,000 మార్క్ దాటింది.

మ‌రోవైపు దేశ‌వ్యాప్తంగా నాలుగ‌వ విడుత లాక్ డౌన్ కొన‌సాగుతోంది. మ‌రోవైపు భారీ స‌డ‌లింపులు ఇచ్చింది ప్ర‌భుత్వం. కరోనాకు ఇంత‌వ‌ర‌కు స‌మ‌ర్థ‌వంత‌మైన వ్యాక్సిన్ కానీ, మెడిసిన్ కానీ రాక‌పోవ‌డం వ‌ల్ల..ప్ర‌జ‌లు ఎవరికి వారే జాగ్ర‌త్త‌లు పాటించాల‌ని కేంద్ర, రాష్ట్ర ప్ర‌భుత్వాలు సూచిస్తున్నాయి. మాస్క్ ధ‌రించ‌డం, భౌతిక దూరం పాటించ‌ని త‌ప్ప‌నిస‌రి అని చెబుతున్నాయి.

Related Tags