Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

గ్రాడ్యుయేట్లు కాదు.. కాంగ్రెస్ కార్యకర్తలే.. పకోడా.. టీ అమ్ముతూ ..

Many Congress workers wore the dress, గ్రాడ్యుయేట్లు కాదు.. కాంగ్రెస్ కార్యకర్తలే.. పకోడా.. టీ అమ్ముతూ ..

ఢిల్లీలో శనివారం జరిగిన ‘ భారత్ బచావో ‘ ర్యాలీ సందర్భంగా కాంగ్రెస్ కార్యకర్తలు గ్రాడ్యుయేట్లలా డ్రెస్సులు ధరించారు, ర్యాలీ జరిగే స్థలం వద్ద పకోడాలు, టీ అమ్ముతూ వింత నిరసన తెలిపారు. యువతకు ఉద్యోగాలు కల్పించడంలో మోదీ ప్రభుత్వం విఫలమైందని వారు ఆరోపించారు. ‘ మోదీ హైతో మండీ హై ‘అనే స్లోగన్ రాసి ఉన్న విండ్ ఛీటర్స్ ధరించిన వీరు.. తమ మెడల్లో ఉల్లి దండలు కూడా వేసుకుని మండుతున్న కూరగాయల ధరలకు నిరసన తెలిపారు. (గ్రాడ్యుయేట్లు స్నాతకోత్సవ సమయంలో ఇలాంటి డ్రెస్సులే ధరించడం సహజం). మాకు ఉద్యోగాలు కల్పించండి.. ధరల పెరుగుదలను అరికట్టండి అంటూ వీళ్లంతా ముక్త కంఠంతో నినదించారు. శనివారం రామ్ లీలా మైదానం లో జరిగిన ర్యాలీకి భారీ సంఖ్యలో పార్టీ నేతలు, కార్యకర్తలు హాజరైన సంగతి తెలిసిందే. ర్యాలీలో పాల్గొన్న కాంగ్రెస్ నేత రాహుల్ గాంధీ.. పౌరసత్వ బిల్లు, ఎన్నార్సీ వంటి వాటిపై మోదీ ప్రభుత్వం అనుసరిస్తున్న విధానాలను దుయ్యబట్టారు.