Breaking News
  • ఢిల్లీ: మరో క్రీడా ఈవెంట్‌పై కరోనా ప్రభావం. మార్చి నుంచి జరగాల్సిన షూటింగ్‌ ప్రపంచకప్‌ రద్దు. అంతర్జాతీయ షూటింగ్‌ స్పోర్ట్ సమాఖ్య, భారత షూటింగ్ సంఘం నిర్ణయం.
  • హైదరాబాద్‌: ట్యాంక్‌బండ్‌ ఎన్టీఆర్‌ గార్డెన్‌ దగ్గర కారు బీభత్సం. డివైడర్‌ను ఢీకొని కారు బోల్తా, యువకుడికి గాయాలు. కారులో ఎయిర్‌బ్యాగ్స్ తెరుచుకోవడంతో తప్పిన ప్రాణాపాయం. యువకుడిని ఆస్పత్రికి తరలించిన పోలీసులు. కారులో మద్యం బాటిల్‌ లభ్యం. కేసు నమోదు చేసిన సైఫాబాద్‌ పోలీసులు.
  • ఉమ్మడి వరంగల్‌ జిల్లాలో 32కు చేరిన కరోనా కేసులు. వరంగల్‌, హన్మకొండ, కాజీపేట పరిధిలో 12 హాట్‌స్పాట్స్. లాక్‌డౌన్‌ను కఠినతరం చేసిన పోలీసులు. వేర్వేరు దేశాల నుంచి ట్రావెల్ చేసిన.. 814 మందికి 14 రోజుల క్వారంటైన్‌ పూర్తి. ప్రభుత్వ క్వారంటైన్‌ సెంటర్లలో 246 మంది అనుమానితులు. ఎంజీఎంలోని ఐసోలేషన్‌ వార్డులో 11 మంది అనుమానితులు.
  • కరోనా కట్టడి కోసం పీఎం కేర్స్‌కు భారీగా విరాళాలు. పీఎం కేర్స్‌కు రూ.52 కోట్ల విరాళం ఇచ్చిన 12 ప్రధాననౌకాశ్రయాలు.. షిప్పింగ్ శాఖ ఆధ్వర్యంలోని ప్రభుత్వరంగ సంస్థలు.
  • ఏపీలో కరోనా పరీక్షా కేంద్రాల సామర్థ్యం పెంపు. విశాఖ, గుంటూరు, కడపలో కరోనా పరీక్షా కేంద్రాల సామర్థ్యం పెంపు. ప్రాథమిక స్థాయిలోనూ పరీక్షల నిర్వహణకు అనుమతులు. రానున్న రోజుల్లో రాష్ట్రానికి 240 పరికరాలు. కొవిడ్‌-19పై సమీక్షలో సీఎం జగన్‌ వెల్లడి.

“భారతరత్న” కాంగ్రెస్ కుటుంబానికేనా..? సావర్కర్‌ దేశ భక్తుడు కాదా..?

Congress wants to collect Bharat Ratna only for its family: Ravi Shankar Prasad, “భారతరత్న” కాంగ్రెస్ కుటుంబానికేనా..? సావర్కర్‌ దేశ భక్తుడు కాదా..?

మహారాష్ట్ర ఎన్నికల ప్రచారం జోరుగా సాగుతోంది. ప్రచారంలో భాగంగా.. బీజేపీ, కాంగ్రెస్‌ మధ్య మాటలయుద్ధం తీవ్రస్థాయికి చేరుకుంది. అందుకు కారణం బీజేపీ మెనిఫెస్టో. ఈ సారి కమలదళం మెనిఫెస్టోలో వీరసావర్కర్‌కు భారతరత్నను ప్రతిపాదించడంపై కాంగ్రెస్‌ తీవ్ర స్థాయిలో మండిపడింది. బీజేపీ ప్రతిపాదన సరైంది కాదంటూ కాంగ్రెస్ శ్రేణులు తప్పుబట్టాయి. అయితే ఎన్నికల ప్రచారంలో ఉన్న కేంద్ర మంత్రి రవి శంకర్ ప్రసాద్.. కాంగ్రెస్‌కు గట్టి కౌంటర్ ఇచ్చారు. “భారతరత్న”లన్నీ కేవలం మీ కుటుంబాలకే పరిమితమా అంటూ ప్రశ్నించారు. కాంగ్రెస్ తీరు చూస్తుంటే.. “భారతరత్న” కాంగ్రెస్ కుటుంబ సభ్యులకే రావాలని ఆ పార్టీ కోరుకుంటున్నట్లు ఉందని మండిపడ్డారు.

వీరసావర్కర్‌కు భారతరత్న ఇవ్వాలని బీజేపీ మేనిఫెస్టోలో పేర్కొనడంపై కాంగ్రెస్‌ ఎందుకు కలత చెందుతోందని.. ‘ఆయన దేశభక్తుడు కాదా? అంటూ ప్రశ్నించారు. అండమాన్ వెళ్లిన సమయంలో ప్రతిసారి ఆయన జైలుజీవితం గడిపిన సెల్‌లో తప్పనిసరిగా కూర్చుంటానని అన్నారు. 11 ఏళ్ల పాటు జైలుజీవితం గడిపి, దేశం నుంచి ఏరోజూ ఏదీ కోరని వ్యక్తి వీరసావర్కర్ అని.. సమాజ సంక్షేమానికి పాటుపడిన జ్యోతిరావు పూలే, సావిత్రి పూలే వంటి దేశభక్తులకు నిశ్చయంగా భారతరత్న ఇచ్చితీరాలని రవి శంకర్ ప్రసాద్ పేర్కొన్నారు.

కాగా, సావర్కర్‌కు భారతరత్న ప్రతిపాదనపై కాంగ్రెస్ నేత రషీద్ అల్వి తీవ్ర స్థాయిలో విమర్శలు గుప్పించారు. గాంధీ హత్య కేసులో సావర్కర్ నిందితుడనే విషయం ప్రతి ఒక్కరికీ తెలుసునని, సాక్ష్యాలు లేకనే ఆయనను విడిచిపెట్టారని రషీద్ ఆరోపించారు. ఇవాళ సావర్కర్‌కు భారతరత్న ఇస్తామంటున్న వారు.. రేపటినాడు గాడ్సే పేరు కూడా ప్రతిపాదిస్తారనే భయం కలుగుతోందన్నారు.

Related Tags