Breaking News
  • ప్రధాని శంకుస్థాపన చేసిన రాజధానిని మార్చే హక్కు ఎవరికీ లేదు. సుప్రీంకోర్టు, రాష్ట్రపతి ఒప్పుకుంటేనే హైకోర్టు కదులుతుంది-కేశినేని. అమరావతి రక్షణకు పార్లమెంటు వేదికగా పోరాటం చేస్తాం-కేశినేని.
  • చిత్తూరు: తిరుచానూరు పీఎస్‌ నుంచి బేడీలతో పరారైన దొంగ. ట్రాక్టర్‌ దొంగతనం కేసులో నాగరాజును అరెస్ట్‌చేసిన పోలీసులు. దొంగ నాగరాజు కోసం గాలిస్తున్న పోలీసులు.
  • ఢిల్లీ: ఆప్‌ ప్రభుత్వంపై బీజేపీ తీవ్ర విమర్శలు. నిర్భయ దోషులను రక్షించేందుకు ఆప్‌ ప్రభుత్వం యత్నిస్తోంది. కావాలనే న్యాయ ప్రక్రియను ఆలస్యం చేస్తోంది-మనోజ్‌ తివారీ. పోలీసులు తమ పరిధిలో లేరని తప్పించుకోవాలని ఆప్‌ చూస్తోంది -బీజేపీ ఢిల్లీ చీఫ్‌ మనోజ్‌ తివారీ.
  • అనంతపురం: తాడిపత్రిలో కత్తిపోట్లు. డబ్బుల విషయంలో స్నేహితుల మధ్య ఘర్షణ. రాము అనే వ్యక్తిని కత్తితో పొడిచిన రవితేజ. ఆస్పత్రికి తరలిస్తుండగా మృతి చెందిన రాము.
  • రైతులు కన్నీళ్లు పెట్టినా సీఎం మనసు కరగడం లేదు. రాష్ట్రంలో పోలీస్‌ రాజ్యం నడుస్తోంది-దేవినేని ఉమ. విశాఖలో భూదందా నడుస్తోంది-మాజీ మంత్రి దేవినేని ఉమ. రియల్‌ ఎస్టేట్‌ వ్యాపారం కోసం రాజధానిని విశాఖకు తరలిస్తున్నారు. పులివెందుల పులి డమ్మీ కాన్వాయ్‌తో వెళ్తోంది. దేశ చరిత్రలో డమ్మీ కాన్వాయ్‌తో వెళ్లిన సీఎం చరిత్రలో లేరు. సచివాలయానికి వెళ్లేందుకు మెటల్‌ రోడ్డు వేసుకుంటున్నారు. 5 కోట్ల మంది ప్రజలు రేపు రోడ్లపైకి రావాలి-దేవినేని ఉమ.

మోదీ సొంతగడ్డపై కాంగ్రెస్ సమావేశం.. కాంగ్రెస్ కండువా కప్పుకోనున్న హార్దిక్ పటేల్?

, మోదీ సొంతగడ్డపై కాంగ్రెస్ సమావేశం.. కాంగ్రెస్ కండువా కప్పుకోనున్న హార్దిక్ పటేల్?

గుజరాత్ : లోక్‌సభ ఎన్నికల నగారా మోగగానే రాజకీయ పార్టీలన్నీ తమ ‘సన్నాహాలను ముమ్మరం చేశాయి. ప్రధానంగా కాంగ్రెస్ తన పూర్వవైభవం కోసం ప్రయత్నాలు ప్రారంభించింది. దీనికి ప్రధాని మోదీ సొంతగడ్డపై నుంచే నాంధి పలకేందుకు సిద్ధమైంది. ప్రధాని మోదీ సొంతగడ్డగా పేరొందిన గుజరాత్‌లో ఈ రోజు కాంగ్రెస్ పార్టీ వర్కింగ్ కమిటీ సమావేశాన్ని నిర్వహిస్తోంది. ఈ సమావేశంలో లోక్‌సభ ఎన్నికల సన్నాహాల గురించి చర్చించనున్నారు. కాంగ్రెస్ అధ్యక్షుడు రాహుల్ గాంధీ, యూపీఏ చైర్ పర్సన్ సోనియా గాంధీ, ప్రియాంకా గాంధీ వాద్రాతో పాటు పార్టీకి చెందిన ప్రముఖులు ఈ సమావేశంలో పాల్గొననున్నారు. సుమారు 58 ఏళ్ల అనంతరం గుజరాత్‌లో కాంగ్రెస్ పార్టీ సమావేశం జరగనుంది. ఈ సందర్భంగా పాటీదార్ నేత హార్ధిక్ పటేల్ ఈ సమావేశాలలో కాంగ్రెస్ తీర్థం పుచ్చుకోనున్నట్లు తెలుస్తోంది. గత కొంత కాలం క్రితమే రాహుల్ ని కలిసినట్లు వార్తలు వెలువడ్డ నేపథ్యంలో.. నేడు రాహుల్ సమక్షంలోనే కండువా కప్పుకొనున్నట్లు తెలుస్తోంది. అంతేకాదు హార్దిక్ పటేల్ జామ్‌నగర్ లోక్‌స‌భ సీటు నుంచి పోటీ చేయనున్నట్లు తెలుస్తోంది. గత గుజరాత్ అసెంబ్లీ ఎన్నికల సమయంలో హార్దిక్ పటేల్ రాష్ట్ర రాజకీయాల్లో తనదైనముద్ర వేశారు. కాగా కాంగ్రెస్ ఈ సమావేశాన్నిగతంలో ఫిబ్రవరి 27న నిర్వహించాలని నిర్ణయించింది. అయితే బాలాకోట్‌లో జరిగిన ఎయిర్ స్ట్రయిక్ నేపథ్యంలో సమావేశాన్ని వాయిదా వేసింది. ఈ రోజు జరగనున్న సమావేశంలో ముందుగా మహాత్మాగాంధీకి నివాళులు అర్పించనున్నారు. మధ్యాహ్నం 3 గంటలకు కాంగ్రెస్ అధ్యక్షుడు రాహుల్ ప్రసంగించనున్నారు.