Breaking News
  • టీవీ9 తో DME డా. రమేష్ రెడ్డి. ప్లాస్మా అనేది సంజీవని కాదని ఆల్ ఇండియా ఇన్స్టిట్యూట్ ఆఫ్ మెడికల్ సైన్సెస్ ఇప్పటికే ప్రకటించింది. ప్లాస్మా ట్రీట్ మెంట్ పై ఐసీఎంఆర్ ఇప్పటివరకు ఫైనల్ రిజల్ట్స్ ని అనౌన్స్ చేయలేదు. కొన్ని ప్రోటోకాల్స్ మాత్రమే ఇచ్చారు. గాంధీ లో 14 కేసులకు ప్లాస్మా ట్రీట్మెంట్ ట్రీట్మెంట్ ఇచ్చాము.. మంచి రిజల్ట్ వచ్చింది. ప్లాస్మా అనేది అవుట్స్టాండింగ్ ట్రీట్మెంట్లో include చేయాలా లేదా అనేది ఐ సి ఎం ఆర్ ఇంకా నిర్ధారించలేదు. ప్లాస్మా డోనర్స్ ముందుకు రావడం మంచి పరిణామం.
  • అమ‌రావ‌తి: రాష్ట్రంలో ఇద్ద‌రు ఐఏఎస్ అధికారుల పోస్టింగుల్లో మార్పులు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ బాధ్య‌త‌ల నుంచి చిన‌వీర‌భ‌ద్రుడుని త‌ప్పించిన ప్ర‌భుత్వం. పాఠ‌శాల విద్యాశాఖ డైరెక్ట‌ర్ గా చిన‌వీర‌భ‌ద్రుడు నియామ‌కం,ప్ర‌స్తుతం ఇంచార్జిగా ఉన్న చిన‌వీర‌భ‌ద్రుడు. స‌మ‌గ్ర‌శిక్షా అభ‌యాన్ స్టేట్ ప్రాజెక్ట్ డైరెక్ట‌ర్ గా కె,వెట్రిసెల్వి నియామకం. ఇంగ్లీష్ మీడియం అమ‌లు ప్రాజెక్ట్ స్పెష‌ల్ ఆఫీస‌ర్ గా వెట్రిసెల్వికి పూర్తి అద‌న‌పు బాధ్య‌త‌లు.
  • ఏపీలో నూతన ఇండస్ట్రియల్ పాలసీ కి శ్రీకారం. ఇప్పటికే నూతన ఇండస్ట్రియల్ పాలసీ ని ఖరారు చేసిన సర్కార్ . సోమవారం పాలసీని లాంచ్ చేయనున్న పరిశ్రమల శాఖ మంత్రి మేకపాటి గౌతమ్ రెడ్డి.
  • ఈ ఏడాది సామూహిక నిమజ్జనం ఉండదు. దశల వారీ నిమజ్జనం. ప్రభుత్వానికి సహకరించాలి... కోవిడ్ నిబంధనలు పాటించాలి. ఎత్తు విషయంలో పోటీలకు పోకుండా.. చిన్న మండపాలు ఏర్పాటు చేసుకోవాలి. -- భాగ్యనగర్ గణేష్ ఉత్సవ సమితి.
  • కడపజిల్లాలో విషాదం. కమలాపురం మండలం యార్రగుడిపాడు గ్రామంలో అక్కచెల్లెళ్ల ఆత్మహత్యల్లో కొత్త కోణం. ముందురోజు ప్రొద్దుటూరులో తండ్రి బాబురెడ్డి చెట్టుకు ఉరేసుకుని ఆత్మహత్య. చనిపోయేముందు సెల్ఫీ వీడియో రికార్డ్ చేసిన బాబు రెడ్డి. తన చావుకు అల్లుడు సురేష్ రెడ్డి కారణమని సెల్ఫీ వీడియోలో చెప్పిన బాబు రెడ్డి. అల్లుడు పై చర్యలు తీసుకోవాలని కోరుతూ..తనకి న్యాయమూర్తి న్యాయం చేయాలని కోరుతూ సెల్ఫీ వీడియో. తన తండ్రి చావుకు కారణం తన భర్తేనని తెలిసి రైలుకింద పది కుమార్తె స్వేతా రెడ్డి ఆత్మహత్య. అక్క చనిపోయిందని చెల్లెలు ఇంజినీరింగ్ విద్యార్థిని సాయి ఆత్మహత్య. ఒకే కుటుంబంలో ముగ్గురు ఆత్మహత్య.
  • మొదలైన హీరో రానా దగ్గుబాటి మిహీక ల వివాహం. వేద మంత్రోచ్ఛారణ మధ్య 8.45 నిమిషాలకు వధువు మిహిక మెడలో తాళి కట్టనున్న వరుడు రానా. రామానాయుడు స్టూడియోలో వివాహ వేడుక . కరోనా నేపథ్యంలో కట్టుదిట్టమైన భద్రతా చర్యలు. స్టూడియోలో ప్రవేశించడానికి మై గేట్ యాప్ ద్వారా అనుమతి. వివాహ వేడుకలో 30మంది కి మించని కుటుంబ సభ్యులు మరియు నాగచైతన్య, సమంత.

ఊరిస్తున్న టీపీసీసీ చీఫ్ పదవి.. రేవంత్ ఆశలు.. కుంతియా షాకింగ్ కామెంట్..

Revanth Reddy Has To Wait Some More Time For Telangana Congress President Post, ఊరిస్తున్న టీపీసీసీ చీఫ్ పదవి.. రేవంత్ ఆశలు.. కుంతియా షాకింగ్ కామెంట్..

టీపీసీసీ చీఫ్ పదవి పై కొద్ది రోజులుగా చర్చలు జరుగుతున్నాయి. మల్కాజ్‌గిరి ఎంపీ రేవంత్ రెడ్డికి ఆ పదవి ఖాయం అయినట్లు రాజకీయ వర్గాల్లో చర్చ జరిగింది. తాజాగా మూడు రోజుల క్రితం రేవంత్ రెడ్డి తన కుటుంబసభ్యులతో కలిసి సోనియా గాంధీతో ప్రత్యేకంగా భేటీ కావడంతో ఈ వార్తలకు మరింత బలం చేకూరింది. ఇంకేముంది రేవంత్ రెడ్డికి టీపీసీసీ చీఫ్ పదవి ఫిక్స్ అయిందని.. అధికారిక ప్రకటన వెలువడటమే ఆలస్యమని ఆయన అనుచరులు సంబరాలు చేసుకున్నారు. అదే సమయంలో తెలంగాణ కాంగ్రెస్ వ్యవహరాల ఇంచార్జ్ కుంతియా ఓ షాకింగ్ న్యూస్ బయటపెట్టారు. అసలు టీపీసీసీ చీఫ్ పదవి పై ఎలాంటి చర్చ జరగలేదని ఆయన తెలిపారు. మరోవైపు ఈ పదవి పై తెలంగాణ నుంచి నలుగురు మంత్రులు పోటీ పడుతున్నట్లు తెలుస్తోంది.

అయితే రేవంత్ రెడ్డికి టీపీసీసీ పదవి దాదాపు ఖరారు కాగా, పార్టీ సీనియర్ నేతలు చివరి నిమిషంలో అడ్డుకున్నారని రేవంత్ రెడ్డి అనుచరులు వాపోతున్నారు. మరోవైపు పార్టీలో ఎప్పటి నుంచో ఉన్నవారిని పక్కనపెట్టి.. వలస వచ్చిన వారికి పీసీసీ బాధ్యతలు కట్టబెట్టడం ఎంతవరకు సమంజసం అని కొందరు సీనియర్ నేతలు ప్రశ్నిస్తున్నారు. అంతేకాదు రేవంత్ రెడ్డి గ్రాడ్యుయేషన్ చదువుతున్న సమయంలో అభిల భారత విద్యార్థి పరిషత్ నాయకుడిగా వ్యవహరించారు. అనంతరం తెలుగుదేశం పార్టీలో చేరారు. ఆ తరువాత పార్టీలోని ఇతర నాయకులతో విభేదాల కారణంగా టీడీపీని వీడి కాంగ్రెస్‌లో చేరారు. ఇలా పార్టీలు మారిన వ్యక్తికి అధ్యక్ష బాధ్యతలు ఇవ్వడం కరెక్టు కాదని.. మొదటి నుంచి పార్టీ కోసం ప్రాణాలు పణంగా పెట్టి పోరాడిన వారు ఎంతోమంది ఉన్నారని.. పలువురు అభిప్రాయపడుతున్నారు.

మరోవైపు మున్సిపల్ ఎన్నికలు దగ్గరకు వస్తున్నాయి. దీంతో మున్సిపల్ ఎన్నికల తర్వాతే టీపీసీసీ చీఫ్ మార్పుపై నిర్ణయం తీసుకోవాలని పార్టీ అధిష్టానం భావిస్తున్నట్లు తెలుస్తోంది. అయితే దీనికి తోడు ప్రస్తుతం టీపీసీసీ చీఫ్‌గా ఉన్న ఉత్తమ్ కుమార్ రెడ్డిని మారిస్తే.. ఆ ప్రభావం హుజూర్ ‌నగర్ ఉపఎన్నిక పై పడే అవకాశం ఉందని కొందరు సీనియర్ నేతలు అభిప్రాయపడుతున్నారు. మొత్తానికి తెలంగాణ కాంగ్రెస్ పగ్గాలు చేపట్టాలని ఎదురుచూస్తున్న రేవంత్ రెడ్డి ఆశలకు తాత్కాలికంగా బ్రేక పడినట్లైంది. మరోవైపు ఎమ్మెల్సీ జీవన్ రెడ్డి కూడా టీపీసీసీ రేసులో ఉన్నట్లు తెలుస్తోంది. మరి ఉత్తమ్ తర్వాత తెలంగాణ పీసీసీ చీఫ్‌గా ఎవరు బాధ్యతలు చేపడతారో తెలుసుకోవాలంటే కొద్ది రోజులు ఆగాల్సిందే..

Related Tags