మహిళ పై దాడి చేసిన కాంగ్రెస్ కౌన్సిలర్ సోదరుడు

Congress Counselor attack, మహిళ పై దాడి చేసిన కాంగ్రెస్ కౌన్సిలర్ సోదరుడు

రోజురోజుకి కొందరు రాజకీయ నాయకుల ఆగడాలు శృతి మించుతున్నాయి. మహిళ అని కూడా చూడకుండా అప్పు తీర్చలేదని ఆమె పట్ల అమానుషంగా ప్రవర్తించాడు ఓ కాంగ్రెస్ కౌన్సిలర్ సోదరుడు. అందరూ చూస్తుండగానే రోడ్డుపైకి ఈడ్చుకెళ్లి బెల్టుతో కొట్టాడు. కర్ణాటకలో అప్పుతీర్చలేదని మహిళను స్తంభానికి కట్టేయడం మరువక ముందే పంజాబ్​ ముక్త్​సర్​లో ఈ అమానుష ఘటన చోటుచేసుకుంది. పంజాబ్ ముక్త్‌సర్‌లో నివాసం వుంటున్న ఓ స్థానిక మహిళపై.. అప్పు తీర్చలేదని కాంగ్రెస్ కౌన్సిలర్ రాకేశ్ చౌదరి సోదరుడు, అతని అనుచరులు కర్రలతో దాడి చేశారు. తీవ్ర గాయాలపాలైన మహిళను స్థానికేతరులు ఆస్పత్రికి తరలించారు. సమాచారం అందుకున్న పోలీసులు కేసు నమోదు చేసుకుని దర్యాప్తు చేపట్టారు. దాడికి పాల్పడిన వారిలో ఆరుగురిని అదుపులోకి తీసుకున్నారు. మరో నలుగురు పరారీలో ఉన్నట్లు పోలీసులు తెలిపారు. ఇలాంటి అమానుష దాడులకు పాల్పడిన వారికి కఠిన శిక్ష తప్పదని ఎస్​ఎస్​పీ మంజిత్ ధేసి తెలిపారు.

Leave a Reply

Your email address will not be published. Required fields are marked *