ప్రియాంక గాంధీ ఇంటర్వ్యూ ఈ నాటిది కాదు, కాంగ్రెస్
కాంగ్రెస్ చీఫ్ గా నెహ్రూ-గాంధీ కుటుంబానికి చెందని వ్యక్తి వచ్చినా తాను మద్దతునిస్తానని పార్టీ ప్రధాన కార్యదర్శి ప్రియాంక గాంధీ ఓ ఇంటర్వ్యూలో చేసిన వ్యాఖ్య సంచలనం రేపింది. అయితే ఇది..
కాంగ్రెస్ చీఫ్ గా నెహ్రూ-గాంధీ కుటుంబానికి చెందని వ్యక్తి వచ్చినా తాను మద్దతునిస్తానని పార్టీ ప్రధాన కార్యదర్శి ప్రియాంక గాంధీ ఓ ఇంటర్వ్యూలో చేసిన వ్యాఖ్య సంచలనం రేపింది. అయితే ఇది ఆమె గతంలో ఎప్పుడో సంవత్సరం కింద ఇచ్చిన ఇంటర్వ్యూ అని బుధవారం పార్టీ నేతలు పేర్కొన్నారు. ‘ఇండియా టుమారో..కన్సర్వేషన్స్ విత్ ది నెక్స్ట్ జనరేషన్ ఆఫ్ పొలిటికల్ లీడర్స్’ అనే శీర్షికతో రానున్న పుస్తకం కోసం ప్రియాంక ఈ ఇంటర్వ్యూ ఇచ్చారు. కాగా ‘సడన్’ గా ఈ ఇంటర్వ్యూ అంశాన్ని బీజేపీ ప్రోత్సాహంతో మీడియా హైలైట్ చేసిందని కాంగ్రెస్ నేత రణదీప్ సింగ్ సూర్జేవాలా విమర్శించారు. . గత ఏడాది జులై 1 న ప్రియాంక ఈ ఇంటర్వ్యూ ఇచ్చారని ఆయన చెప్పారు. నిజానికి నెహ్రూ-గాంధీ కుటుంబం ఈ దేశానికి, పార్టీకి చేసిన సేవలు ప్రజలకు తెలిసినవే అన్నారు.
రాహుల్ గాంధీ నాయకత్వాన్ని ఆయన పూర్తిగా సమర్థిస్తూ.. మోదీ ప్రభుత్వంపై రాహుల్ నిర్విరామ పోరాటం చేస్తున్నారని, ప్రభుత్వ వైఫల్యాలను ఎండగడుతున్నారని అన్నారు.