Breaking News
  • ఢిల్లీ భారత్ లో విజృంభిస్తున్న కరోనా వైరస్.. దేశవ్యాప్తంగా కరోనా పాజిటివ్ కేసులు : 2,07615. దేశ వ్యాప్తంగా యాక్టీవ్ కేసులు: 100303. కరోనా నుంచి డిశ్చార్జ్ అయిన బాధితులు: 95526. దేశం మొత్తం కరోనా తో మృతుల సంఖ్య : 5,815. కేంద్ర ఆరోగ్య మంత్రిత్వ శాఖ.
  • బీజేపీ హైదరాబాద్ సిటీ అధ్యక్ష పదవిపై రాష్ట్ర నాయకత్వంలో భిన్నాభిప్రాయాలు. సంస్థాగతంగా హైద్రాబాద్ ను విభజించాలని సూచించిన జాతీయ నాయకత్వం . హైద్రాబాద్ ను విభజించటంపై పార్టీలో భిన్నాభిప్రాయాలు. మరికొన్ని రోజుల్లో ముగియనున్న బీజేపీ సిటీ అధ్యక్షుడు రాంచంద్రరావు పదవీ కాలం. తర్వాత అధ్యక్షుడు ఎవరనే అంశంపై బీజేపీలో చర్చ. సిటీ కొత్త అధ్యక్షుడిని ఎంపిక చేసే పనిలో బండి సంజయ్. రాజసింగ్ వైపు మెగ్గు చూపుతోన్న బీజేపీ నాయకత్వం . హైదరాబాద్ నగర అధ్యక్ష పదవిని తిరస్కరిస్తోన్న రాజసింగ్ . సంస్థాగతంగా గ్రేటర్ పై ప్రత్యేక దృష్టి సారించిన అధ్యక్షుడు బండి సంజయ్.
  • తెలుగు రాష్ట్రాల విద్యుత్ ఉద్యోగుల విభజనపై సుప్రీం కోర్టులో విచారణ ఏపీ నుంచి తెలంగాణ కి రిలీవ్ అయిన ఉద్యోగులు దాఖలు చేసిన పిటిషన్ పై విచారణ జరిపిన ధర్మాసనం. మేము ఆంధ్రప్రదేశ్ రాష్ట్రానికి సంబంధించిన ఉద్యోగులం. కాబట్టి మేము ఆంధ్రప్రదేశ్ లోని పని చేయాలని కోరుకుంటున్నామని తెలిపిన ఉద్యోగులు.
  • వైద్య కళాశాలలను భయపెడుతున్న కరోనా. హైదరాబాద్ లో మూడు వైద్య కళాశాలల్లో బయటపడిన కరోనా పాజిటివ్ కేసులు. కరోనా పాజిటివ్స్ లో ఎక్కువ మంది హాస్టల్ విద్యార్థులు . అత్యవసర చర్యలు చేపట్టిన వైద్య కళాశాలలు.
  • టీవీ9 తో తెలంగాణ బోర్డ్ ఆఫ్ ఇంటర్మీడియట్ సెక్రటరీ 200 సయ్యద్ ఉమర్ జలీల్ లాక్‌డౌన్‌ నిబంధనల మధ్య జరిగిన ఇంటర్మీడియట్ ద్వితీయ సంవత్సర పరీక్షలు విజయవంతంగా ముగిశాయి. పరీక్షలు ఎలాంటి ఆటంకం లేకుండా జరిగాయి.
  • తీరం దాటుతున్న నిసర్గ తుఫాను. అలీబాగ్‌కు సమీపంలో తీరాన్ని తాకిన నిసర్గ. తీరాన్ని దాటేందుకు మరో గంట సమయం. ముంబై విమానాశ్రయంలో విమానాల రాకపోకలపై నిషేధం. సాయంత్రం గం. 7.00వరకు నిషేధించిన అధికార యంత్రాంగం.

ప్రణబ్‌ కుమార్తెకు, మీరా కుమార్‌ తనయుడికి కీలక బాధ్యతలు..హస్తం వ్యూహం అదేనా?

Congress Promotes Pranab Mukherjee’s Daughter and Meira Kumar’s Son As National Spokespersons, ప్రణబ్‌ కుమార్తెకు, మీరా కుమార్‌ తనయుడికి కీలక బాధ్యతలు..హస్తం వ్యూహం అదేనా?

మాజీ రాష్ట్రపతి ప్రణబ్‌ముఖర్జీ కుమార్తె శర్మిష్ఠ ముఖర్జీ, లోక్‌సభ మాజీ స్పీకర్‌ మీరా కుమార్‌ తనయుడు అన్షుల్‌ కుమార్‌కు కాంగ్రెస్‌ పార్టీ కీలక బాధ్యతలు అప్పగించింది. ఆ పార్టీ జాతీయ అధికార ప్రతినిధులుగా నియమించింది. వీరిద్దరినీ నియమిస్తూ కాంగ్రెస్‌ అధ్యక్షురాలు సోనియా గాంధీ నిర్ణయం తీసుకున్నారని పార్టీ ముఖ్య అధికార ప్రతినిధి రణ్‌దీప్‌ సూర్జేవాలా ఓ ప్రకటనలో వెల్లడించారు. శర్మిష్ఠ ముఖర్జి ఢిల్లీ మహిళా కాంగ్రెస్‌ అధ్యక్షురాలిగా వ్యవహరిస్తున్నారు. తనను పార్టీ అధికార ప్రతినిధిగా నియమించినందుకు ఆమె సోనియాగాంధీకి కృతజ్ఞతలు చెప్పారు.

గత ఎన్నికల్లో ఉహించని ఓటమిని ఎదుర్కొన్న కాంగ్రెస్ ప్రక్షాలన దిశగా అడుగులు ముందుకు వేస్తోంది. అందుకు తగ్గట్టుగానే పాతవారికి ఉద్వాసన పలికి కొత్తవారికి పార్టీలో పదవులు కట్టబెడుతోంది. పార్టీలో సీనియర్ల వారసులను నేరుగా జాతీయ అధికార ప్రతినిధులుగా ఎంపిక చేసిన వైనం చూస్తుంటే…  ఇకపై యువతకు పార్టీలో పెద్ద పీటే దక్కడం ఖాయమన్న వాదన వినిపిస్తోంది.

యువనేతల నేపథ్యం:

ప్రణబ్ ముఖర్జీ గాంధీ కుటుంబానికి అత్యంత సన్నిహితుడు. మొదట్నుంచి  కాంగ్రెస్ పార్టీలోనే కొనసాగిన ఈ సీనియర్ రాజకీయవేత్త కేంద్ర మంత్రిగా తనదైన శైలి ముద్ర వేశారు. యూపీఏ1 టైమ్ లో పలు శాఖల మంత్రిగా వ్యవహరించిన ప్రణబ్… పార్టీలో ఎక్కడ ఏ ఇబ్బంది వచ్చినా… పార్టీ అధిష్ఠానం తరుపున ట్రబుల్ షూటర్‌గా వ్యవహరించి..పలు సంక్షోబాలను తెలివిగా అణగదొక్కారు. ఆయన పార్టీకి చేసిన సేవలకుగానూ ప్రణబ్‌ను రాష్ట్రపతి చైర్‌లో కూర్చోబెట్టి గౌరవించింది కాంగ్రెస్. తన తండ్రి కొనసాగిన కాంగ్రెస్ పార్టీ నుంచే తన పొలిటికల్ కెరీర్ ను మొదలెట్టిన షర్మిష్ట… 2015లో డిల్లీ అసెంబ్లీకి జరిగిన ఎన్నికల్లో ప్రత్యక్ష ఎన్నికల బరిలోకి దిగారు. ఆ ఎన్నికల్లో గ్రేటర్ కైలాష్ నుంచి కాంగ్రెస్ పార్టీ అభ్యర్థిగా బరిలోకి దిగినా… ఓటమిపాలయ్యారు. ఓటమితో ఏమాత్రం కుంగిపోకుండా పార్టీ తరఫున యాక్టివ్ పాత్ర పోషిస్తున్న షర్మిష్ట… పార్టీ నిర్వహించే అన్ని కార్యక్రమాల్లో ఉత్సాహంగా పాలుపంచుకుంటున్నారు. ఈ క్రమంలో ఆమెను ఢిల్లీ కాంగ్రెస్ శాఖ మహిళా విభాగం అధ్యక్షురాలిగా నియమించిన పార్టీ.. ఇప్పుడు కొత్తగా ఆమెను పార్టీ జాతీయ అధికార ప్రతినిధిగా నియమించింది.

ఇక మీరా కుమార్ విషయానికి వస్తే… దిగువ సామాజిక వర్గం నుంచి ఎదిగిన నేతగా ఆమెకు మంచి పేరుంది.  లోక్ సభ మొట్టమొదటి మహిళా  స్పీకర్‌గా, కేంద్రమంత్రిగా ఆమె కీలక పాత్రలు పోషించారు. కాగా ప్రస్తుతం ఆమె ప్రత్యక్ష రాజకీయాలకు దూరంగా ఉంటూ వస్తున్నారు. అయితే పార్టీకి ఆమె చేసిన సేవలను అధిష్ఠానం ఎన్నడూ మరిచిపోలేదన్న వాదన వినిపించింది. ఈ క్రమంలోనే ఆమె కుమారుడు – పార్టీ యువనేత అన్షుల్ కుమార్ ను పార్టీ జాతీయ అధికార ప్రతినిధిగా నియమించింది కాంగ్రెస్.

Related Tags