Breaking News
  • 'మా' అసోసియేషన్‌లో ముసలం. నిన్నటి నుంచి తెరుచుకోని ఆఫీస్‌ తలుపులు. అధ్యక్ష, కార్యదర్శుల మధ్య విభేదాలతో ఆఫీస్‌కు రాని సిబ్బంది. మాట్లాడేందుకు నిరాకరించిన కార్యవర్గ సభ్యులు.
  • బిల్లులపై చర్చ జరగకుండానే ఏపీ మండలి వాయిదా పడే అవకాశం. బిల్లుపై చర్చకు ఒప్పించేందుకు వైసీపీ సభ్యుల ప్రయత్నాలు. అంగీకరించని విపక్ష సభ్యులు. రూల్‌ 71పై చర్చ జరగాలని పట్టుబట్టిన విపక్ష సభ్యులు.
  • హైదరాబాద్‌: ధరమ్‌ కరం రోడ్‌లో పిచ్చికుక్కల స్వైరవిహారం. 10 మంది చిన్నారులకు తీవ్రగాయాలు, ఆస్పత్రికి తరలింపు.
  • తిరుమల: రథసప్తమి సందర్భంగా అన్ని ఏర్పాట్లు చేస్తున్నాం. రథసప్తమి సందర్భంగా శ్రీవారి ఆలయంలో ఆర్జిత సేవలు రద్దు. మాడ వీధుల్లో షెడ్లు ఏర్పాటు-టీటీడీ అడిషనల్ ఈవో ధర్మారెడ్డి.
  • హైదరాబాద్‌: రాష్ట్రంలో రాజకీయాలను డబ్బు శాసిస్తోంది. రాజ్యాధికారం సాధిస్తేనే విద్య, ఉద్యోగాలు వస్తాయి-లక్ష్మణ్‌. డబ్బుతో రాజకీయాలు నడపడం అప్రజాస్వామికం. దళితుల హక్కుల కోసం చేసే పోరాటంలో బీజేపీ ముందుంటుంది -తెలంగాణ బీజేపీ అధ్యక్షుడు లక్ష్మణ్‌.

కన్నడ నాట కమలం హవా..ఓటమిని అంగీకరించిన కాంగ్రెస్‌

Congress Accepts Defeat In Karnataka Bypolls, కన్నడ నాట కమలం హవా..ఓటమిని అంగీకరించిన కాంగ్రెస్‌

కర్ణాటక ఉప ఎన్నికల ఫలితాల్లో బీజేపీ హవా కొనసాగుతోంది. మొత్తం 15 స్థానాలకు గానూ ఒకటి, రెండు చోట్ల మినహా మెజార్టీ స్థానాల్లో ఆధిక్యంలో కొనసాగుతోంది కమలం పార్టీ.  ఇప్పటికే ఎల్లాపూర్‌ నియోజకవర్గంలో ఆ పార్టీ అభ్యర్ధి హెబ్బర్‌ శివరామ్‌ గెలుపుతో బోణీ కొట్టింది.  ఐతే ఇంకా పూర్తి ఫలితాలు వెలువడకముందే హస్తం పార్టీ చేతులెత్తేసింది. కర్ణాటక మాజీ మంత్రి, కాంగ్రెస్‌ సీనియర్‌ నేత డీకే శివకుమార్‌ ఫలితాలపై స్పందించారు. ఓటమిని అంగీకరిస్తున్నామని..ప్రజల తీర్పుకు కట్టుబడి ఉంటామన్నారు. ఫిరాయింపుదారులను ప్రజలు ఒప్పుకున్నారు.అందుకు మేం బాధపడాల్సినవసరం లేదని వ్యాఖ్యానించారు.

ఇక జేడీఎస్‌కు ఈ ఫలితాల్లో ఎదురుదెబ్బ తగిలింది. ఒక్క స్థానంలో కూడా డిపాజిట్‌ దక్కే అవకాశం కూడా లేదని తెలుస్తోంది. 223 స్థానాలున్న కర్ణాటకలో ప్రస్తుతం బీజేపీకి 105మందిఎమ్మెల్యేలున్నారు. ఆ పార్టీ తిరిగి అధికారం నిలబెట్టుకోవాలంటే మరో 7 స్థానాల్లో గెలవాల్సి ఉంది. ఐతే దాదాపు 12 నియోజకవర్గాల్లో కమలనాథులే పాగా వేసే ఛాన్స్‌ ఉండటంతో కన్నడ పీఠం మళ్లీ మాదేనంటూ బీజేపీ నేతలు సంబరాలు చేసుకుంటున్నారు.