Breaking News
  • దేశంలో కరోనా వైర‌స్ వీర‌విహారం చేస్తోంది. రోజురోజుకూ కేసులు సంఖ్య‌తో పాటు, మరణాల సంఖ్య కూడా ప్ర‌మాద‌క‌ర రీతిలో పెరుగుతోంది. కొత్తగా 24 వేల 850 మంది వైరస్​ సోకింది. మరో 613 మంది క‌రోనా కార‌ణంగా ప్రాణాలు విడిచారు. ఈ మేరకు కేంద్ర ఆరోగ్య మంత్రిత్వ శాఖ తాజా వివ‌రాలు వెల్లడించింది. దేశంలో మొత్తం పాజిటివ్ కేసుల సంఖ్య 6,73,165. ప్ర‌స్తుతం యాక్టీవ్ కేసులు2,44,814. వ్యాధి బారి నుంచి కోలుకున్న‌వారు 4,09,083. క‌రోనాతో మొత్తం ప్రాణాలు విడిచినవారి సంఖ్య 19,268.
  • ఒడిశాలోని కందమాల్ జిల్లాలో ఎన్‌కౌంటర్. భద్రతా బలగాలకు మావోయిస్టులకు మధ్య కాల్పులు. నలుగురు మావోయిస్టులు మృతి.
  • డీఆర్డీవో నిర్మించిన ఆస్పత్రిలో అన్ని రకాల సదుపాయాలున్నాయి. ఇక్కడ వైద్యం పూర్తిగా ఉచితం. ఆర్మీ వైద్యులు సైవలందిస్తారు. కంటోన్మెంట్లోని చెత్త డంపింగ్ ప్రాంతాన్ని చదును చేసి సర్దార్ పటేల్ ఆస్పత్రిగా మార్చాం. డీఆర్డీవో ఇప్పటి వరకు 70 రకాల దేశీయ వైద్య ఉత్పత్తులు తయారు చేసింది. నెలకు 25,000 వెంటిలేటర్లు తయారు చేసే సామర్థ్యం కలిగి ఉన్నాం. దేశీయ అవసరాలు పోను ఎగుమతి చేసేందుకు కూడా సిద్ధం. జి. సతీశ్ రెడ్డి, డీఆర్డీఓ ఛైర్మన్.
  • వరంగల్: నేడు సంపూర్ణ శాకాంబరీగా దర్శనమిస్తున్న భద్రకాళి అమ్మవారు. కరోనా వైరస్ వ్యాప్తి నేపథ్యంలో పలు ఆంక్షల మధ్య ఉత్సవాలు. భక్తులు ఎవరూ అమ్మవారికి కూరగాయలు తీసుకురావద్దని విజ్ఞప్తి. నిరాడంబరంగా ఉత్సవాలు.. నేరుగా తోట నుండి కూరగాయలు సేకరించి అమ్మవారిని సంపూర్ణ శాకాంబరీగా అలంకరించిన ఆలయ పూజారులు. సాయంత్రం 8గంటల వరకే దర్శనాలు.
  • చెన్నై : హాస్పిటల్ మూసివేత. చెన్నైలోని విజయా హాస్పిటల్లో కరోనా కలకలం. 50 మందికి పైగా హాస్పిటల్ సిబ్బందికి కరోనా పాజిటివ్. కరోనా తో హాస్పిటల్ మేనేజింగ్ డైరెక్టర్ శరత్ రెడ్డి మృతి. హాస్పిటల్ ఈమెర్జెన్సీ సర్వీసులు నిలిపివేత. హాస్పిటల్లో ఉన్న ఇన్ పేషేంట్ లను ఇతర హాస్పిటల్స్ కు తరలింపు. హాస్పిటల్ లో సిబ్బందికి, వచ్చిన రోగులకు కరోనా టెస్టులు. నెల్లూరు, చిత్తూరు జిల్లాల నుంచి తరచూ వైద్యం కోసం విజయ హాస్పిటల్ కు వెళుతున్న వారిలో ఆందోళన.
  • రాష్ట్రపతి రామ్‌నాథ్ కోవింద్‌తో ప్రధాని మోదీ భేటీ. లద్దాఖ్ పర్యటన నుంచి తిరిగొచ్చిన వెంటనే భేటీ. సరిహద్దు ఉద్రిక్తతలు, అంతర్జాతీయ మద్ధతు సహా పలు అంశాలపై చర్చ.

కోడెల ఇంటి వద్ద హైడ్రామా.. ఇంటి సమీపంలోనే దొరికిన కంప్యూటర్

Computer parts recoverd by police near kodela house, కోడెల ఇంటి వద్ద హైడ్రామా.. ఇంటి సమీపంలోనే దొరికిన కంప్యూటర్

ఏపీ అసెంబ్లీ మాజీ స్పీకర్‌ కోడెల శివప్రసాదరావుకు చెందిన సత్తెనపల్లి క్యాంప్‌ ఆఫీస్‌ దగ్గర హై డ్రామా నడుస్తోంది. ఆఫీస్‌ నుంచి గత రాత్రి కంప్యూటర్ల చోరికి గురికావడం సంచలనం రేపింది. హైదరాబాద్‌ నుంచి అసెంబ్లీ ఫర్నిచర్‌ తరలించిన సందర్భంగా వాటిని తన ఆఫీసులకు తరలించుకున్న వివాదం మరింత ముదురుతోంది. హైదరాబాద్‌ నుంచి తీసుకొచ్చే సమయంలో ఫర్నిచర్‌ను కొత్త అసెంబ్లీకి కాకుండా తన క్యాంప్‌ ఆఫీస్‌లకు తరలించుకున్నట్లు కోడెల ఇప్పటికే అంగీకరించారు. వాటిని ప్రభుత్వానికి అప్పగిస్తానని కూడా చెప్పారాయన. అయితే తప్పు జరిగినట్లు కోడెల అంగీకరించారని, ఇలాంటి వ్యవహారాలు కోడెలకు కొత్త కాదని విమర్శలు గుప్పిస్తున్నారు వైసీపీ నాయకులు.

మరోవైపు కోడెల క్యాంప్‌ ఆఫీస్‌ నుంచి కంపూటర్లు, ఫర్నిచర్‌ను అసెంబ్లీ సిబ్బంది స్వాధీనం చేసుకుందామనుకుంటున్న తరుణంలో గత రాత్రి పది గంటల సమయంలో సత్తెనపల్లిలోని క్యాంప్‌ ఆఫీస్‌కు ఇద్దరు దుండగులు వచ్చి కంపూటర్లను ఎత్తుకెళ్ళారు. దీనిపై ఆఫీస్‌ సిబ్బంది పోలీసులకు సమాచారం ఇచ్చారు. రాత్రి పోలీసులు వచ్చి ఆఫీస్‌ను పరిశీలించి వెళ్లారు. అయితే ఈ ఉదయం వెతికితే కోడెల ఇంటి సమీపంలోనే కంపూటర్లు దొరికాయి. కార్యాలయ సిబ్బంది వాటిని తిరిగి లోనికి తీసుకెళ్ళారు. కంప్యూటర్లలోని డేటా చోరీ చేసి ఉంటారని అనుమానాలు వ్యక్తమవుతున్నాయి.

Related Tags