Breaking News
  • ఢిల్లీ: భారత్ లో విజృంభిస్తున్న కరోనా వైరస్. ఒక లక్ష 82 వేల మార్క్ ని దాటినా కరోనా పాజిటివ్ కేస్ లు దేశవ్యాప్తంగా కరోనా పాజిటివ్ కేసులు : 182143. దేశ వ్యాప్తంగా యాక్టీవ్ కేసులు: 89995. కరోనా నుంచి డిశ్చార్జ్ అయిన బాధితులు: 86984. దేశం మొత్తం కరోనా తో మృతుల సంఖ్య : 5164. కేంద్ర ఆరోగ్య మంత్రిత్వ శాఖ.
  • రాష్ట్రంలో లాక్ డౌన్ ను జూన్ 30 వరకు పొడిగించాలని ముఖ్యమంత్రి కె. చంద్రశేఖర్ రావు నిర్ణయించారు. లాక్ డౌన్ కు సంబంధించి కేంద్ర ప్రభుత్వం జారీ చేసిన తాజా ఆదేశాల నేపథ్యంలో ముఖ్యమంత్రి కె. చంద్రశేఖర్ రావు సి.ఎస్ సోమేశ్ కుమార్, డిజిపి మహేందర్ రెడ్డి తదితర ఉన్నతాధికారులతో చర్చించారు. కంటైన్మేంట్ జోన్లు మినహా ఇతర ప్రాంతాల్లో కేంద్ర ప్రభుత్వం సూచించిన సడలింపులను అమలు చేయాలని నిర్ణయించారు. కంటైన్మంట్ జోన్లలో కట్టుదిట్టంగా లాక్ డౌన్ ను అమలు చేయాలని అధికారులను ఆదేశించారు. రాత్రి పూట కర్ఫ్యూ కూడా రాత్రి 9 గంటల నుంచి ఉదయం 5 గంటల వరకు అమలు చేయాలని ఆదేశించారు.
  • చిత్తూరు జిల్లా : ఆంధ్ర తమిళనాడు సరిహద్దుల్లో మిడతల దండు. అయితే ఇవి మహారాష్ట్రనుంచి వచ్చిన మిడతల దండు కాదంటున్న అధికారులు. కుప్పం సరిహద్దులోని తమిళనాడు వేపనపల్లి లో ప్రత్యక్షమైన మిడతల దండు. రాత్రికి రాత్రే పంటలు నాశనం చేస్తున్న మిడతలు. పచ్చగా కనిపించిన ప్రతి చెట్టుని తినేస్తున్న మిడతలు. అరటి చెట్లను వదలని మిడతలు. రంగంలోకి దిగిన అధికారులు..మిడతల పై ఫెర్టిలైజర్స్ చల్లి తరిమి కొట్టే ప్రయత్నం.
  • విశాఖ: మావొయిస్ట్ ఈస్ట్ డివిజన్ కార్యదర్శి అరుణ పేరుతో లేఖ విడుదల. మావోయిస్టులపై పోలీసులు దుశ్ప్రచారం అపాలి. మన్యంలో మావోయిస్టులు కరోనా వ్యాపిస్తున్నారని పోలీసులు తప్పుడు ప్రచారం చేస్తున్నారు. కూంబింగ్ పేరుతో గిరిజన గూడేల్లో భయాందోళనలకు గురిచేస్తున్నారు. మన్యంలో ఈపీడీసీఎల్ అధికారులు అవినీతికి పాల్ఫడుతున్నారు. పెదబయలు ఏఈ సోమరాజు, పాడేరు ఏడీఈ భాస్కరరావు అవినీతిపై విచారణ జరపాలి. ఉద్యోగాలు పేరుతో తీసుకున్న లంచాలను తిరిగి వసూళ్ళు చేయాలి. లేఖలో పేర్కొన్న మావోయిస్టులు.
  • రుతుపవనాలు ఇంకా కేరళ తీరానికి తాకలేదు. దీని పై మేము క్రమం తప్పకుండా మానిటరింగ్ చేస్తున్నాం. జూన్ 1 నుండి పరిస్థితులు అనుకూలంగా ఉంటాయని అనుకుంటున్నాం. ఆగ్నేయ అరేబియా సముద్రం, లక్షద్వీప్ సమీపంలో ఈ రోజు అల్ప పీడనం ఏర్పడింది. జూన్ 2 కి తుఫానుగా మారుతుందని మేము అనుకుంటున్నాం. జూన్ 3 సాయంత్రం నాటికి గుజరాత్ ,ఉత్తర మహారాష్ట్ర తీరం వైపుకు చేరుకుంటుంది. మృత్యుంజయ్ మోహపాత్రా, ఢిల్లీ IMD.
  • జమ్మూ కాశ్మీర్‌లో సీనియర్ ఐఎఎస్ అధికారి కి కరోనా పాజిటివ్‌. ఆయనతో పాటు సమావేశానికి హాజరైన పలువురు అధికారులు,వైద్యులను హోమ్ క్వారంటైన్ లో వెళ్లాలని సూచన.
  • మొబైల్ సేవల కోసం 11 అంకెల నంబరింగ్ ప్లాన్‌ను ట్రాయ్ సిఫారసు చేసినట్లు కొన్ని మీడియా సంస్థల లో వార్తలు వచ్చాయి. TRAI సిఫారసు ప్రకారం,దేశం లో 10-అంకెల నెంబర్ కొనసాగుతుంది. మేము 11-అంకెల నంబరింగ్ ప్లాన్‌కు మార్చడాన్ని ఖండిస్తున్నాం. టెలికాం రెగ్యులేటరీ అథారిటీ ఆఫ్ ఇండియా.

కరోనాను దాచిపెట్టిన సింగర్ కనికా కపూర్ పై పోలీసు కేసు..

గాయని కనికా కపూర్ పై లక్నో పోలీసులు భారత శిక్షా స్మృతి (ఐపీసీ) లోని 188, 269, 270 సెక్షన్ల కింద ఎఫ్ఐఆర్ నమోదు చేశారు. ఆమెకు మార్చి 14 న లక్నో విమానాశ్రయంలో కరోనా టెస్ట్ చేసిన విషయం గమనార్హం.
Case Filed on Singer, కరోనాను దాచిపెట్టిన సింగర్ కనికా కపూర్ పై పోలీసు కేసు..

గాయని కనికా కపూర్ పై లక్నో పోలీసులు భారత శిక్షా స్మృతి (ఐపీసీ) లోని 188, 269, 270 సెక్షన్ల కింద ఎఫ్ఐఆర్ నమోదు చేశారు. ఆమెకు మార్చి 14 న లక్నో విమానాశ్రయంలో కరోనా టెస్ట్ చేసిన విషయం గమనార్హం. ఆ రోజున ఆమెకు విపరీతమైన జ్వరం ఉన్నట్టు కనుగొన్నారు.  కానీ ఈ విషయం చెప్పకుండా దాచిపెట్టి కావాలని నిర్లక్ష్యం చేసినందుకు నిందితురాలిగా పోలీసులు తమ ఎఫ్ఐ ఆర్ లో పేర్కొన్నారు. లక్నో చీఫ్ మెడికల్ ఆఫీసర్ ఇఛ్చిన ఫిర్యాదును పురస్కరించుకుని ఆమెపై ఈ కేసు పెట్టారు. ఆమె లక్నో నగరంలో ఇఛ్చిన విందుకు అనేకమంది ప్రముఖ రాజకీయ నేతలు, ఎంపీలు, సెలబ్రిటీలు హాజరు కావడం ఆందోళన కలిగిస్తోంది. ఆమెను గత మార్చి 14 వ తేదీనాడే క్వారంటైన్ కి తరలవలసిందిగా అధికారులు సలహా ఇఛ్చినప్పటికీ కనికా కపూర్ దాన్ని పాటించలేదని వెల్లడైంది. తాను మార్చి 11 నే లక్నో వచ్చానని, అంతకుముందు తొమ్మిదో తేదీన లండన్ నుంచి ముంబై ఎయిర్ పోర్టు చేరుకున్నానని ఆమె వెల్లడించింది. మహారాష్ట్రలో కరోనా కేసులు అధిక సంఖ్యలో ఉన్న సంగతి తెలిసిందే. లక్నోలోని ఓ ఆసుపత్రిలో తను చేరానని., విమానాశ్రయాల్లో తనకు స్క్రీనింగ్ టెస్టులు జరిగినా ఎక్కడా ఎలాంటి సమస్య తలెత్తలేదని కనికా కపూర్  తెలిపింది. అసలు తనకు కరోనా పాజిటివ్ ఉన్నట్టు తెలియనే తెలియదని పేర్కొంది.

కనికా కపూర్ పై ఎఫ్ఐఆర్ దాఖలు కావడానికి కొన్ని గంటలముందు యూపీ ఆరోగ్య శాఖ మంత్రి జైప్రతాప్ సింగ్ మీడియాతో మాట్లాడుతూ.. లక్నో లోని విమానాశ్రయంలో కొన్ని వైఫల్యాలు ఉన్నమాట నిజమేనని అంగీకరించారు. ఈయన కూడా కనికా ఇఛ్చిన విందుకు హాజరయ్యారు. ఎందుకైనా మంచిదని తాను సైతం సెల్ఫ్ ఐసొలేషన్ పాటిస్తున్నట్టు ఆయన చెప్పారు. కాగా-కనికా కపూర్ లక్నో నగరంలో ఎంటరయినప్పటినుంచి గత వారం రోజుల్లో ఆమె ఎవరెవరిని కలుసుకున్నారో.. ఇందుకు సంబంధించిన సోషల్ గేదరింగ్స్ పై ఎంక్వయిరీ జరపాలని యూపీ ప్రభుత్వం పోలీసులను ఆదేశించింది.

 

 

 

Related Tags